Mis en avant

𞤍𞤓𞤒𞤚𞤋𞤚𞤀𞥄𞤈𞤉 𞤃𞤀𞤂𞥆𞤀 𞤒𞤀𞤐𞤑𞤋𞤐𞤀𞥄𞤈𞤉 𞤐𞤓𞤂𞤀𞥄𞤍𞤌 (𞤥𞤵𞤸𞤢𞤥𞥆𞤢𞤣𞤵). ( 𞥑 )

𞤉 𞤲’𞤣𞤫𞤪 𞤸𞤵𞥅𞤱𞤮𞤲𞤣𞤭𞤪𞤢𞤤⹁ 𞤳𞤢𞤤𞤢 𞤲𞤫𞤯𞥆𞤮 𞤲𞤮 𞤥𞤢𞤪𞤭 𞤦𞤢𞥄𞤬𞤵𞤲 (𞤣𞤢𞤪𞤲’𞤣𞤫) 𞤳𞤢 𞤮 𞤰𞤫𞥅𞤱𞤭𞤪𞤢 𞤩𞤫𞤴𞤢 𞤴𞤭𞤥𞤩𞤫 𞤤𞤵𞤼𞥆𞤵𞤩𞤫. 𞤑𞤢 𞤳𞤢𞤲𞤳𞤮 𞤳𞤢𞤣𞤭 𞤮 𞤰𞤫𞥅𞤱𞤭𞤪𞤼𞤫𞥅. 𞤅𞤮 𞤼𞤢𞤱𞤭𞥅 𞤦𞤢𞥄𞤬𞤵𞤲 𞤳𞤵𞤲 𞤲𞤮 𞤩𞤵𞤪𞤭 𞤩𞤫 𞤼𞤮𞥅𞤱𞤣𞤫⹁ 𞤴𞤭𞤥𞤩𞤫 𞤩𞤫𞤲 𞤴𞤮𞥅𞤩𞤮𞥅 𞤥𞤢𞤱𞤲𞤭𞤲𞤼𞤭𞤲𞤢𞥄𞤪𞤫 𞤫 𞤬𞤢𞥄𞤥𞤭𞤲𞤮 𞤬𞤭𞥅 𞤸𞤮𞤤𞥆𞤵𞤺𞤮𞤤 𞤸𞤭𞤩𞤫 𞤩𞤵𞤪𞤭 𞤳𞤢 𞤩𞤫 𞤱𞤮𞤲𞤭 𞤯𞤮𞤲. 𞤅𞤭 𞤼𞤢𞤱𞤭𞥅 𞤦𞤢𞥄𞤬𞤵𞤲 𞤳𞤵𞤲 𞤲𞤮 𞤶𞤢𞥄𞤧𞤭 𞤣𞤢𞤪𞤲’𞤣𞤫 𞤥𞤢𞤩𞥆𞤫 𞤲𞤣𞤫𞤲 𞤼𞤮𞥅𞤱𞤵𞤺𞤮𞤤⹁ 𞤸𞤢𞤪𞤢𞤴 𞤥𞤢𞥄 𞤩𞤫 𞤱𞤢𞤳𞥆𞤭𞤤𞤮𞥅 𞤤𞤭𞥅𞤰𞤢𞥄𞤣𞤫 𞤲’𞤺𞤢𞤥 𞤲𞤮 𞤩𞤫 𞤴𞤭’𞤭𞤪𞤢 𞤴𞤢𞥄𞤧𞤭 𞤮𞤲⹁ 𞤩𞤫 𞤴𞤭’𞤢⹁ 𞤩𞤫 𞤴𞤭’𞤫𞥅.

article

𞤑𞤮 𞤯𞤵𞤴𞤼𞤭𞤼𞤢𞥄𞤪𞤫 𞤱𞤮𞤲𞤭 𞤫𞤼𞤭𞤪𞤣𞤫 𞤥𞤢𞤲𞤺𞤵 𞤥𞤫𞤲 𞤲’𞤺𞤵𞤲⹁ 𞤱𞤢𞤲𞤮 𞤲𞤮𞤲 𞤳𞤮 𞤥𞤢𞤱𞤲𞤭𞤲𞤼𞤭𞤲𞤢𞥄𞤪𞤫 𞤱𞤮𞤲𞤭 𞤫𞤼𞤭𞤪𞤣𞤫 𞤶𞤢𞥄𞤧𞤫𞤪𞤫 𞤥𞤫𞤲 𞤲’𞤣𞤫𞤲.

𞤐𞤵𞤤𞤢𞥄𞤯𞤮 𞤮𞤲 𞤲𞤮 𞤶𞤮𞤺𞤭𞤲𞤮𞥅 𞤣𞤢𞤪𞤲’𞤣𞤫 𞤫 𞤴𞤢𞤲𞤶𞤭.𞤸𞤢𞤳𞥆𞤫 𞤳𞤮 𞤯𞤵𞤲 𞤥𞤢𞤱𞤲𞤭⹁ 𞤲𞤮 𞤱𞤢𞥄𞤱𞤢𞥄 𞤱𞤭’𞤫𞥅𞤣𞤫⹁ 𞤯𞤵𞤲 𞤥𞤫𞥅𞤥𞤢𞤴 » 𞤯𞤢𞤺𞥆𞤢𞤤 𞤳𞤢𞤥𞥆𞤵 𞤲𞤺𞤵𞤲 ». 𞤑𞤮 𞤯𞤵𞤲 𞤱𞤢𞤯𞤭⹁ 𞤸𞤢𞥄𞤶𞤵 𞤥𞤢𞤳𞥆𞤮 𞤢𞤤𞤢𞥄𞤲𞤮 𞤫 𞤸𞤮𞤤𞥆𞤭𞤼𞤢𞤺𞤮𞤤.𞤑𞤢𞤤𞤢 𞤱𞤢𞤲𞤺𞤭𞥅𞤯𞤮 𞤫 𞤲’𞤣𞤫𞤪 𞤤𞤢𞥄𞤥𞤢𞤼𞤫𞥅𞤪𞤭 𞤥𞤮𞤰𞥆𞤵𞤳𞤭𞥅𞤶𞤭 𞤳𞤭𞤲 𞤮 𞤸𞤢𞤴𞤲𞤮𞤼𞤮 𞤥𞤮 𞤳𞤢 𞤮 𞤩𞤵𞤪𞤭 𞤼𞤢𞤺𞤫𞥅𞤬𞤮 𞤲’𞤺𞤮𞤲 𞤬𞤮𞤱 𞤣𞤢𞤪𞤲’𞤣𞤫⹁ 𞤸𞤢𞤴 𞤲𞤮𞤲 𞤥𞤢𞤤𞤢𞤴𞤳𞤢𞥄𞤩𞤫 𞤩𞤱𞤲. 𞤏𞤢𞤲𞤮 𞤧𞤢𞤭’𞤣 𞤲𞤵𞤪𞤧𞤭 𞤸𞤮𞤤𞥆𞤭𞤪𞤭 𞤲𞤮𞤲⹁ 𞤲𞤵𞤤𞤢𞥄𞤯𞤮 𞤮𞤲 𞤳𞤮 𞤣𞤭𞤥𞤮 𞤱𞤮𞤲𞤯𞤮 𞤳𞤵𞤪𞤳𞤢𞥄𞤣𞤵 𞤢𞤤𞤤𞤢𞤸𞤵 𞤲𞤣𞤵𞤲. 𞤌 𞤯𞤵𞤴’𞤼𞤭𞤼𞤭⹁ 𞤮 𞤱𞤮𞤲𞤼𞤭𞤪𞤭 𞤧𞤫𞥅𞤯𞤢 𞤳𞤢 𞤢𞤣𞤵𞤲𞤢 𞤺𞤢𞥄 𞤬𞤭𞥅 𞤲𞤮 𞤴𞤭𞤥𞤩𞤫 𞤩𞤫𞤲 𞤢𞤲𞤣𞤭𞤪𞤢 𞤤𞤢𞥄𞤱𞤮𞤤 𞤢𞤤𞤤𞤢 𞤲𞤺𞤮𞤤.

𞤚𞤢𞤱𞤣𞤫 𞤳𞤮 𞤳𞤢𞤲𞤳𞤮 𞤩𞤵𞤪𞤭 𞤲𞤫𞤯𞥆𞤢𞤲𞤳𞤫 𞤮𞤲 𞤬𞤮𞤱 𞤥𞤢𞤲𞤺𞤵⹁ 𞤳𞤮 𞤳𞤢𞤲𞤳𞤮 𞤩𞤵𞤪𞤭 𞤬𞤮𞤱 𞤳𞤢𞤣𞤭 𞤯𞤵𞤴𞤼𞤭𞤼𞤢𞥄𞤪𞤫(𞤴𞤢𞤲𞤳𞤭𞤲𞤢𞥄𞤪𞤫). 𞤑𞤮 𞤧𞤢𞤦𞤵 𞤯𞤵𞤲 𞤼𞤭𞤲𞤣𞤭𞤪𞤼𞤫𞥅: < 𞤳𞤮 𞤲𞤮 𞤲𞤫𞤯𞥆𞤮 𞤶𞤮𞤺𞤮𞤪𞤭𞥅 𞤲𞤮𞤲 𞤥𞤢𞤲𞤺𞤵⹁ 𞤮 𞤴𞤢𞤲𞤳𞤭𞤲𞤮𞤪𞤼𞤢.<

𞤌 𞤬𞤢𞥄𞤥𞤭𞤲𞤼𞤢𞥄𞤲𞤮 𞤬𞤫𞤱 𞤸𞤭𞤥𞤮 𞤩𞤵𞤪𞤭 𞤺𞤮𞤯𞥆𞤮 𞤺𞤮𞥅 𞤣𞤢𞤪𞤲’𞤣𞤫. 𞤑𞤮 𞤢𞤲𞥆𞤮𞥅𞤪𞤢 𞤱𞤮𞤲𞥆𞤮𞥅𞤯𞤮 𞤮𞤲 𞤳𞤢 𞤴𞤫𞥅𞤧𞤮 𞤥𞤢𞤳𞥆𞤮 𞤫 𞤥𞤭𞤪𞤭𞤲 𞤥𞤢𞤳𞥆𞤮 𞤮𞤲 𞤼𞤵𞤲 𞤧𞤫𞤲𞤣𞤭𞤲𞤣𞤭𞤪𞤲𞤮𞥅 𞤥𞤮 𞤫 𞤧𞤢𞤸𞤢𞥄𞤦𞤢𞥄𞤩𞤫 𞤩𞤫𞤲. 𞤌 𞤼𞤮𞥅𞤤𞤮𞥅 𞤮 𞤲𞤢𞤬𞤮𞤣𞤢( 𞤻𞤢𞥄𞤥𞤢) 𞤫 𞤥𞤢𞤩𞥆𞤫⹁ 𞤱𞤢𞤲𞤮 𞤮 𞤱𞤢𞤪𞥆𞤢𞤴𞤲𞤮𞥅 𞤲𞤮𞤲 𞤧𞤭 𞤳𞤮 𞤶𞤭𞤴𞤢𞥄𞤩𞤫 𞤥𞤢𞥄 𞤳𞤵𞤪𞤳𞤢𞥄𞤯𞤭. 𞤙𞤢𞤤𞤲𞤣𞤫 𞤺𞤮𞤮 𞤧𞤮𞤲𞥆𞤢𞥄𞤶𞤮 𞤴𞤭’𞤭 𞤸𞤭𞤥𞤮 𞤲𞤢𞤬𞤮𞥅⹁ 𞤸𞤮𞤤𞥆𞤭:  » 𞤸𞤭𞤥𞤮 𞤲𞤢𞤬𞤮𞤪𞤢 𞤱𞤢 𞤶𞤭𞤴𞤢𞥄𞤯𞤮. » 𞤐𞤵𞤤𞤢𞥄𞤯𞤮 𞤮𞤲 𞤶𞤢𞥄𞤦𞤭𞥅( 𞤼𞤮𞤲𞤼𞤭𞥅) :  » 𞤼𞤢𞤱 𞤧𞤭 𞤲𞤮 𞤱𞤮𞥅𞤣𞤭 𞤶𞤭𞤴𞤢𞥄𞤯𞤮 𞤩𞤵𞤪𞤭 𞤤𞤢𞤲 𞤥𞤭𞤲؟ 𞤳𞤮 𞤥𞤭 𞤥𞤢𞤷𞥆𞤵𞤯𞤮 𞤢𞤤𞤤𞤢. »

𞤙𞤢𞤤𞤲𞤣𞤫 𞤺𞤮𞤮 𞤸𞤭𞤥𞤮 𞤱𞤢𞤯𞤢𞤲𞤣𞤫 𞤴𞤭𞤯𞤩𞤫 𞤥𞤢𞤳𞥆𞤮 𞤲𞤢𞤬𞤢𞤹𞥆𞤢𞥄𞤪𞤭⹁𞤢𞥄𞤣𞤫𞤲 𞤱𞤵𞤤𞤢𞥄 𞤲𞤢𞥄𞤼𞤭 𞤫𞤱𞤲𞤭𞥅:  » 𞤳𞤮 𞤸𞤮𞤥𞤦𞤮 𞤱𞤮𞤲𞤭 𞤶𞤮𞤥 𞤮𞥅 𞤶𞤢𞤥𞤢𞥄؟ » 𞤲𞤵𞤤𞤢𞥄𞤯𞤮 𞤮𞤲 𞤶𞤢𞥄𞤦𞤭𞥅 𞤶𞤢𞥄𞤦𞤢𞤱𞤮𞤤 𞤸𞤢𞤱𞤼𞤭𞤲𞤣𞤭𞤪𞤺𞤮𞤤 𞤧𞤢𞤪𞤼𞤭 𞤸𞤭𞤼𞥆𞤢𞤲𞤯𞤮 𞤴𞤭𞥅𞤤𞤵𞤺𞤮𞤤 𞤫 𞤢𞤪𞤣𞤢𞤺𞤮𞤤 𞤸𞤢𞤱𞤼𞤢𞥄𞤲𞤣𞤭 𞤤𞤭𞤧𞤤𞤢𞥄𞤥𞤵𞤴𞤢𞤲𞤳𞤮𞥅𞤪𞤭: « ðž¤¶ðž¤®ðž¤¥ 𞤶𞤢𞤥𞤢𞥄 𞤮𞤲 𞤳𞤮 𞤳𞤵𞤪𞤳𞤢𞤲𞤼𞤮𞥅𞤯𞤮 𞤥𞤮 𞤮𞤲. » 𞤀𞤤𞤤𞤢 𞤸𞤮𞤤𞥆𞤭 𞤱𞤮𞤲𞤣𞤫 𞤲𞤵𞤤𞤢𞥄𞤯𞤮 𞤳𞤮 𞤶𞤫𞤴𞤢𞥄𞤯𞤮 𞤫 𞤶𞤢𞤥𞤢𞥄 𞤮𞤲⹁ 𞤫𞤩𞥆𞤵𞤲𞤮 𞤤𞤵𞤲𞥆𞤢𞤺𞤮𞤤 𞤧𞤮𞥅𞤳𞤫𞥅𞤶𞤫(𞤶𞤵𞥅𞤯𞤫) 𞤢𞤦𞤵𞥅-𞤦𞤢𞤳𞤪𞤭 𞤯𞤫𞤲؟ 𞤳𞤮 𞤧𞤫𞤲𞤣𞤭𞤲𞤣𞤭𞤪𞤲𞤮𞥅 𞤩𞤫 𞤬𞤮𞤱⹁ 𞤳𞤮 𞤼𞤢𞤱𞤣𞤫 𞤢𞤦𞤵𞥅-𞤦𞤢𞤳𞤪𞤭
𞤲𞤮 𞤩𞤵𞤪𞤲𞤮𞥅 𞤲𞤵𞤤𞤢𞥄𞤯𞤮 𞤮𞤲 𞤲𞤢𞤱𞤴𞤵𞤣𞤫 𞤫 𞤳𞤫𞤲𞤫( 𞤴𞤫𞥅𞤧𞤮).

𞤐𞤣𞤫 𞤫𞤺𞥆𞤢𞥄 𞤳𞤮 𞤫 𞤣𞤫𞤬𞤼𞤫𞤪𞤫 𞤲𞤮 𞤱𞤭’𞤫𞥅: 𞤃𞤓𞤖𞤀𞤃𞥆𞤀𞤁𞤓 𞤑𞤌 𞤐𞤓𞤂𞤀𞥄𞤍𞤌 𞤀𞤂𞤂𞤀.
𞤐𞤣𞤫𞥅 𞤱𞤭𞤲𞤣𞤢𞤲𞤣𞤫 𞤳𞤮 𞤯𞤮𞥅 𞤱𞤮𞤲𞤭 𞤫 𞤸𞤢𞥄𞤯𞤵𞤣𞤫 𞤼𞤢𞤸𞤮⹁ 𞤧𞤮 𞤢𞤤𞤤𞤢 𞤸𞤢𞥄𞤶𞤭𞥅 𞤥𞤢𞥄 𞤫𞤲 𞤶𞤮𞤳𞥆𞤮𞤴𞤮 𞤳𞤮 𞤸𞤫𞤣𞥆𞤭𞥅 𞤳𞤮𞤲 𞤫 𞤥𞤢𞤴𞤪𞤫 𞤳𞤮 𞤩𞤮𞥅𞤴𞤢𞤼𞤢.

𞤀𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮.𞤴𞤢𞤲𞤳𞤭𞤲𞤢𞥄𞤪𞤫 𞤲𞤵𞤤𞤢𞥄𞤯𞤮.http://

𞤒𞤌𞤐𞤚𞤀 𞤐𞤀𞤐𞤀 𞤊𞤋𞤂𞥆𞤋𞤚𞤌𞥅 ðž¤Šðž¤‰ðž¤ðž¤ðž¤ðž¤€ðž¥„𞤈𞤉

# 𞤴𞤮𞤲𞤼𞤢 𞤲𞤢𞤲𞤢 𞤬𞤭𞤤𞥆𞤭𞤼𞤮𞥅 𞤬𞤫𞤱𞤲𞤣𞤢𞥄𞤪𞤫.

𞤀𞤬𞤤𞤢𞤥𞤯𞤮 𞤬𞤢𞤪𞤢𞤲𞤧𞤭 𞤮𞤲 𞤲𞤮 𞤤𞤢𞤲𞤣𞤭𞥅 𞤢𞤪𞤣𞤭𞥅𞤩𞤫 𞤤𞤫𞤴𞤯𞤫𞥅𞤤𞤫 𞤶𞤮𞤱𞤭 𞤧𞤢𞥄𞤸𞤫𞤤 𞤯𞤫𞤲⹁ 𞤤𞤢𞤪𞤫 (𞤘5) 𞤯𞤫𞤲 𞤩𞤵𞤪𞤼𞤵𞤣𞤫 𞤤𞤢𞤩𞥆𞤭𞤲𞤣𞤫 𞤣𞤢𞤪𞤲𞤣𞤫 𞤥𞤢𞤩𞥆𞤫 𞤲𞤣𞤫𞤲 𞤫 𞤬𞤫𞥅 𞤤𞤢𞥄𞤥𞤵 »ðž¤¦ðž¤¢ðž¤ªðž¤³ðž¤¢ðž¤² » 𞤲𞤺𞤵𞤲.

𞤑𞤢 𞤼𞤵𞤥𞤦𞤮𞤲𞤣𞤭𞤪𞤢𞤤 𞤤𞤮𞤼𞤢𞤲 𞤱𞤢𞤯𞤵𞤲𞤺𞤤 𞤲𞤣𞤫𞤪 𞤢𞤲𞤺𞤤𞤢𞤼𞤫𞥅𞤪⹁ 𞤥𞤢𞤳𞤪𞤮𞤲 𞤱𞤫𞥅𞤩𞤭𞤼𞤵𞤺𞤮𞤤 𞤣𞤢𞤪𞤲𞤣𞤫 𞤥𞤢𞤳𞥆𞤮 𞤲𞤣𞤫𞤲⹁ 𞤸𞤭𞤥𞤮 𞤸𞤢𞤦𞥆𞤭𞥅 𞤸𞤢 𞤻𞤢𞤤𞤲𞤣𞤫 𞥑𞥖 𞤲’𞤦𞤮𞤱𞤼𞤮 𞤳𞤢 𞤥𞤮𞤩𞤮𞤲𞤣𞤭𞤪𞤢𞤤 𞤱𞤢𞤯𞤮𞤴𞤮𞥅𞤱𞤢𞤤 𞤬𞤪𞤢𞤲𞤧𞤭 𞤲𞤺𞤢𞤥 𞤤𞤢𞤩𞥆𞤭𞤲𞤺𞤮𞤤 𞤼𞤢𞤱𞤫𞥅𞤣𞤫 𞤢𞤪𞤥𞤫𞥅 𞤬𞤪𞤢𞤲𞤧𞤭 𞤯𞤫𞤲 𞤲𞤣𞤫𞤪 𞤤𞤢𞤪𞤫 𞤧𞤢𞥄𞤸𞤫𞤤 𞤯𞤫𞤲.

 » 𞤃𞤫𞤲 𞤊𞤢𞥄𞤤𞤢𞥄𞤳𞤢 𞤴𞤮 𞤬𞤪𞤢𞤲𞤧𞤭 𞤸𞤫𞤣𞥆𞤮⹁ 𞤲𞤣𞤫 𞤼𞤢𞤱𞤲𞤮𞥅 𞤳𞤢𞤱𞤼𞤭𞤼𞤫 𞤤𞤭𞤣𞥆𞤵 𞤼𞤢𞤱𞤫𞥅𞤣𞤫-𞤬𞤪𞤢𞤲𞤧𞤭 𞤯𞤫𞤲 𞤸𞤭𞤲𞤮 𞤶𞤢𞥄𞤤𞤮𞥅 𞤻𞤢𞤤𞤲𞤣𞤫-𞤱𞤮𞥅 »â¹ 𞤳𞤮 𞤯𞤵𞤲 𞤱𞤮𞤲𞤭 𞤳𞤮 𞤮 𞤸𞤮𞤤𞥆𞤭.

𞤂𞤫𞤴𞤯𞤫 𞤧𞤢𞥄𞤸𞤫𞤤 𞤯𞤫𞤲 𞤳𞤮 𞤥𞤵𞤪𞤭𞤼𞤢𞤲𞤭⹁ 𞤥𞤢𞤤𞤭⹁𞤲𞤭𞤶𞤫𞥅𞤪⹁ 𞤦𞤵𞤪𞤳𞤭𞤲𞤢 𞤬𞤢𞤧𞤮⹁ 𞤫 𞤷𞤢𞥄𞤣.

« ðž¤‚𞤢𞥄𞤥𞤯𞤮 𞤬𞤪𞤢𞤲𞤧𞤭 𞤮𞤲 𞤸𞤮𞤤𞥆𞤭𞥅 𞤱𞤮𞤲𞤣𞤫 𞤮 𞤴𞤭𞤯𞤢𞥄 𞤴𞤮 𞤬𞤢𞤪𞤢𞤲𞤧𞤭 𞤣𞤢𞤻𞤵 𞤧𞤮𞥅𞤪𞤭 𞤫 𞤲𞤣𞤫𞥅 𞤢𞥄𞤤𞤫𞥅𞤪𞤫⹁𞤸𞤢𞤪𞤢 𞤳𞤢𞤱𞤼𞤭𞤼𞤫 𞤤𞤭𞤣𞥆𞤵 𞤬𞤪𞤢𞤲𞤧𞤭 𞤲𞤮 𞤥𞤢𞤱𞤲𞤢 𞤼𞤵𞤲 ».

𞤐𞤺𞤢𞤤 𞤤𞤢𞤲𞤣𞤢𞤤 𞤲𞤮 𞤲𞤢𞤲𞤣𞤭𞤼𞤢 𞤫 𞤲𞤺𞤢𞤤 𞤸𞤮𞥅𞤤𞤢𞥄𞤪𞤫 𞤫 𞤷𞤵𞤷𞤢𞤤. 𞤫 𞤳𞤢𞤣𞤭⹁ 𞤳𞤮 𞤲𞤺𞤢𞤤 𞤥𞤢𞤳𞤪𞤮𞤲 𞤸𞤢𞤹𞥆𞤭𞤤𞤢𞤲𞤭 𞤬𞤫𞤱.

𞤑𞤮𞤲𞤮 𞤥𞤭𞤲 𞤥𞤭 𞤼𞤢𞤥𞤰𞤭𞤲𞤭𞥅 𞤼𞤵𞤲⹁ 𞤸𞤭𞤲𞤺𞤢𞤤 𞤪𞤵𞤼𞥆𞤢𞤥𞥆𞤭 𞤫 𞤼𞤢𞥄𞤪𞤭𞥅𞤳𞤢 𞤯𞤢𞤩𞥆𞤫𞤪𞤫 𞤲𞤣𞤭𞤥𞤵⹁ 𞤲𞤺𞤵𞤲 𞤥𞤢𞤱𞤩𞤫 𞤥𞤫𞤲 𞤫 𞤥𞤢𞥄𞤥𞤢 𞤧𞤮𞤪𞤮𞤥𞤫𞤲 𞤫𞤲 𞤱𞤢𞤯𞤵𞤲𞤮𞥅⹁ 𞤫 𞤲𞤺𞤮𞤤 𞤨𞤫𞤰𞥆𞤮𞤤 𞤼𞤢𞥄𞤪𞤭𞤳𞤢𞤴𞤢𞤲𞤳𞤫𞤱𞤮𞤤 𞤳𞤢 𞤧𞤢𞤪-𞤣𞤫𞤺𞤮𞤤 𞤰𞤢𞤥𞤵𞤲𞤮𞥅 𞤸𞤮𞥅𞤪𞤫𞥅𞤩𞤫 𞤢𞤪𞤣𞤭𞤲𞤮𞥅𞤩𞤫 𞤤𞤫𞤴𞤯𞤫 𞤯𞤫 𞤬𞤪𞤢𞤲𞤧𞤭 𞤳𞤢𞤪𞤸𞤵𞤲𞤮𞥅𞤯𞤫𞤲⁏ 𞤲𞤣𞤫 𞤩𞤫 𞤧𞤵𞤩𞤮𞤼𞤮𞥅 𞤸𞤢𞤳𞥆𞤵𞤲𞤣𞤫: 𞤲𞤣𞤭𞤥𞤵 𞤳𞤵𞥅𞤩𞤢𞤤 𞤫 𞤲𞤣𞤭𞤥𞤵 𞤴𞤮𞤱𞤢𞥄𞤲𞤺𞤵.

𞤇𞤫𞤲 𞤶𞤢𞤩𞤵𞤲𞤮𞥅𞤩𞤫 𞤲𞤣𞤭𞤥𞤵 𞤴𞤮𞤱𞤢𞥄𞤲𞤺𞤵 𞤤𞤵𞤼𞥆𞤭 𞤫 𞤤𞤫𞤴 𞤧𞤵𞤣𞥆𞤢𞥄𞤪𞤫 𞤬𞤪𞤢𞤲𞤧𞤭.

𞤘𞤭𞤲𞤫⹁ 𞤤𞤫𞤴 𞤢𞤪𞤣𞤮𞥅𞤣𞤭 𞤧𞤫𞥅𞤳𞤵 𞤼𞤵𞥅𞤪𞤫⹁ 𞤧𞤵𞤩𞤭𞥅 𞤲𞤣𞤭𞤥𞤵 𞤳𞤵𞥅𞤩𞤢𞤤. 𞤁𞤫𞤺𞤮𞤤 𞤢𞤤𞤢𞥄 𞤲𞤺𞤢𞤤 𞤮 𞤢𞤷𞥆𞤭𞤪𞤢𞥄𞤤𞤭 𞤺𞤭𞤲𞤫 𞤲𞤺𞤢𞤥 𞤭𞤼𞥆𞤵𞤺𞤮𞤤 𞤬𞤭𞥅𞤪𞤢 𞤫 𞤥𞤢𞤴𞤪𞤭⹁ 𞤱𞤮𞤲𞤭 𞤳𞤮 𞤳𞤢 𞤬𞤢𞤺𞥆𞤵𞤣𞤵 𞤥𞤢𞥄 𞤳𞤮 𞤱𞤮𞥅𞤪𞤭. 𞤅𞤫𞥅𞤣𞤫𞥅𞤶𞤭 𞤯𞤭𞤲 𞤲𞤮 𞤩𞤢𞤲𞤺𞤭𞤲𞤭 𞤱𞤮𞤲𞤣𞤫 𞤣𞤫𞤺𞤮𞤤 𞤧𞤮𞤧𞤢𞤴𞤲𞤮 𞤲𞤦𞤵𞥅𞤯𞤭 𞤮 𞤴𞤢𞤤𞤼𞤭𞤲𞤢 𞤸𞤢𞤪𞤢 𞤳𞤮 𞤬𞤮𞥅𞤶𞤭. 𞤑𞤮 𞤯𞤭𞤲 𞤱𞤮𞤲𞥆𞤮𞥅 𞤧𞤢𞤦𞤵 𞤳𞤮 𞤤𞤭𞤩𞤭 𞤲𞤦𞤵𞥅𞤯𞤭 𞤺𞤭𞤲𞤫 𞤯𞤭𞤲.

𞤖𞤢𞤲𞤣𞤫⹁ 𞤥𞤢𞤳𞤪𞤮𞤲 𞤲𞤮 𞤳𞤢𞤬𞤭𞤲𞤣𞤭𞤪𞤢 𞤲𞤺𞤵𞤪𞤲𞤣𞤢𞤲 𞤥𞤮𞤩𞤫 𞤯𞤫𞤲 𞤫 𞤱𞤢𞥄𞤧𞤣𞤫 𞤣𞤢𞤪𞤢𞥄𞤣𞤫 𞤢𞤪𞤣𞤭𞥅𞤩𞤫 𞤤𞤫𞤴𞤯𞤫 𞤧𞤢𞥄𞤸𞤫𞤤 𞤯𞤫𞤲.

𞤀𞤪𞤢𞤲𞤵𞤲 𞤯𞤵𞤲: 𞤧𞤭 𞤸𞤭𞤥𞤮 𞤴𞤭𞤯𞤵𞤲𞤮𞥅 𞤴𞤢𞤸𞤣𞤵⹁ 𞤮 𞤸𞤢𞤸𞤢𞤴𞤲𞤮 𞤸𞤢𞤪𞤢 𞤸𞤢𞤴 𞤮 𞤤𞤢𞤲𞤣𞤢𞥄𞤳𞤭 𞤲𞤺𞤢𞤤 𞤤𞤢𞤲𞤣𞤢𞤤: 𞤩𞤫 𞤤𞤢𞤲𞤣𞤢𞥄𞤳𞤭 𞤫𞤲 𞤬𞤢𞥄𞤤𞤫 𞤥𞤫𞤲⹁ 𞤧𞤭 𞤱𞤢𞤮𞤲𞤢𞥄 𞤯𞤵𞤲⹁ 𞤩𞤫 𞤳𞤢𞤪𞤸𞤢𞤼𞤢𞥄𞤲𞤮 𞤥𞤱𞤢𞤩𞤫 𞤥𞤫𞤲 𞤩𞤫𞤲⹁ 𞤫𞤲 𞤧𞤫𞥅𞤣𞤢𞥄𞤳𞤭 𞤴𞤮𞤲𞤼𞤢 𞤳𞤢𞤪𞤸𞤢𞥄𞤳𞤵⹁ 𞤬𞤫𞤱𞤲𞤣𞤮 𞤦𞤫𞤲𞤧𞤮𞤲𞤣𞤭𞤪𞤢𞤤 𞤲𞤺𞤢𞤤 𞤦𞤫𞤪𞤤𞤫𞤲⹁ 𞤩𞤫 𞤧𞤫𞤲𞤣𞤵𞤲𞤮 𞤢𞤬𞤪𞤭𞤳 𞤳𞤮 𞤢𞤤𞤣𞤢𞥄 𞤫 𞤲𞤫𞤤𞤣𞤵𞤺𞤮𞤤 𞤴𞤫𞤪𞤵 𞤩𞤢𞤼𞤢𞥄𞤳𞤵𞤪𞤵 𞤱𞤮𞤲𞤢𞤲𞤣𞤫 𞤤𞤫𞤴𞤯𞤫 𞤢𞤬𞤪𞤭𞤳𞤭 𞤯𞤫𞤲. 𞤊𞤭𞥅 𞤸𞤮𞤲𞤯𞤵𞤥 𞤲𞤺𞤢𞤤 𞤤𞤢𞤲𞤣𞤢𞤤 𞤬𞤫𞤱𞤲𞤣𞤮 𞤯𞤮𞥅؟

𞤯𞤭𞤥𞥆𞤵𞤲 𞤯𞤵𞤲: 𞤮 𞤱𞤭𞤭𞥅 𞤱𞤮𞤲𞤣𞤫 𞤼𞤢𞤱𞤫𞥅𞤣𞤫 𞤲𞤣𞤫𞤲 𞤲𞤮 𞤶𞤭𞤤𞤩𞤭: 𞤫𞤼𞤫𞤤𞤫 𞤲𞤮 𞤤𞤢𞥄𞤩𞤭𞤪𞤭 𞤱𞤢 𞤩𞤭𞤪𞤢𞥄𞤯𞤢𞤲. 𞤑𞤮 𞤺𞤢𞤧𞤢𞤼𞤢 𞤳𞤮𞤲 𞤫 𞤲𞤺𞤮𞥅 𞤬𞤮𞤲𞤺𞤮 𞤳𞤮 𞤨𞤭𞥅𞤶𞤭 𞤼𞤢𞤼𞤭. 𞤑𞤮 𞤶𞤢𞤩𞤵𞤺𞤮𞤤 𞤭𞤱𞤵𞤺𞤮𞤤 𞤬𞤪𞤢𞤲𞤧𞤭⹁ 𞤶𞤢𞤩𞤵𞤺𞤮𞤤 𞤸𞤫𞤣𞥆𞤢𞤺𞤮𞤤⹁ 𞤱𞤢𞤤𞥆𞤢 𞤶𞤢𞤩𞤢 𞤺𞤮𞤯𞥆𞤭 𞤧𞤢𞤤𞤮𞥅 𞤺𞤮𞤯𞥆𞤭. 𞤆𞤭𞤸𞤵𞤲 𞤢𞤪𞤢𞤲𞤮𞤵𞤲 𞤳𞤵𞤲⹁ 𞤢𞤲𞤣𞤵𞤺𞤮𞤤 𞤤𞤢𞤲 𞤬𞤪𞤢𞤲𞤧𞤭 𞤫 « ðž¤³ðž¤¤ðž¤­ðž¤´ðž¤¢ðž¤²ðž¤©ðž¤« » 𞤬𞤢𞤴𞤣𞤢 𞤳𞤮 𞤢𞤧𞤤𞤢𞥄𞤼𞤮𞤼𞤮𞥅𞤳𞤵𞤲. 𞤍𞤭𞤥𞥆𞤵𞤲 𞤳𞤵𞤲: 𞤧𞤭 𞤬𞤪𞤢𞤲𞤧𞤭 𞤶𞤢𞤩𞤭𞥅 𞤸𞤫𞤣𞥆𞤢𞤺𞤮𞤤 𞤱𞤮𞤲𞤢𞤲𞤢𞤴 𞤺𞤮𞤤𞥆𞤢𞤤 𞤧𞤢𞤯𞤼𞤵𞤲𞤺𞤮𞤤 𞤱𞤮𞤲𞤢𞤲𞤣𞤫 𞤳𞤢𞤤𞤢 𞤦𞤢𞤯𞤫 𞤫 𞤺𞤵𞤤𞥆𞤭𞤼𞤢𞤲𞤯𞤫 𞤯𞤫 𞤦𞤢𞤥𞤦𞤮𞥅𞤩𞤫 𞤫 𞤦𞤢𞤥𞤦𞤮𞥅𞤩𞤫 𞤩𞤫𞤲 𞤳𞤢 𞤳𞤫𞤲𞤫.𞤮𞤲𞤼𞤵𞤥𞤢 𞤬𞤪𞤢𞤲𞤧𞤭 𞤲𞤮 𞤱𞤢𞥄𞤱𞤭 𞤱𞤭𞤵𞤣𞤫⹁ 𞤥𞤫𞤯𞤫𞤲 𞤯𞤮𞥅 𞤫 𞤣𞤮𞤱 𞤴𞤢𞤥𞤭𞤪𞤮𞤤 𞤢𞤪𞤣𞤭𞥅𞤩𞤫 𞤥𞤮𞤲 𞤩𞤫 𞤢𞤪𞤣𞤭𞤲𞤯𞤮𞤲. 𞤑𞤮 𞤶𞤫𞤱𞤼𞤮𞤤 𞤥𞤢𞤩𞥆𞤫 𞤧𞤵𞤩𞤢𞥄𞤲𞤺𞤮𞤤 𞤧𞤫𞤲𞤺𞤮𞤲 𞤬𞤵𞤯𞥆𞤲𞤢𞥄𞤺𞤫 𞤱𞤮𞤲𞤢𞤲𞤣𞤫 𞤩𞤫𞤲 𞤱𞤮𞤲𞤩𞤫 𞤫 𞤤𞤢𞤲𞤣𞤢𞥄𞤣𞤫 𞤮𞤳𞤧𞤭𞤣𞤢𞤲 𞤴𞤮 𞤴𞤢𞤤𞤼𞤢𞤲𞤩𞤫 𞤳𞤢 𞤤𞤫𞤴𞤯𞤫 𞤥𞤢𞤩𞥆𞤫. 𞤉 𞤳𞤢𞤣𞤭⹁𞤲𞤮 𞤲𞤢𞤲𞤣𞤭𞤼𞤢 𞤫 𞤴𞤫𞤲𞥆𞤮𞥅𞤪𞤫 𞤫 𞤬𞤫𞥅 𞤥𞤫𞤲⹁ 𞤥𞤢𞥄𞤲𞤣𞤫 𞤸𞤫𞤪𞤧𞤢 𞤳𞤮 𞤤𞤵𞤼𞥆𞤭𞤪𞤢𞤴𞤲𞤣𞤫 𞤧𞤫𞥅𞤧𞤮 𞤮𞤲𞤼𞤵𞤥𞤢.

𞤚𞤢𞤥𞥆𞤵𞤲 𞤯𞤵𞤲: 𞤲𞤮 𞤱𞤮𞤱𞤮𞤪𞤯𞤭𞤲𞤭 𞤩𞤵𞤪𞤭 𞤯𞤭𞤥𞥆𞤵 𞤯𞤵𞤲⹁ 𞤩𞤢𞤴 𞤲𞤣𞤫𞤲 𞤬𞤫𞤱𞤲𞤣𞤢𞥄𞤪𞤫 𞤯𞤮𞤲 𞤲𞤮 𞤩𞤫𞤴𞤣𞤢 𞤦𞤮𞤲𞥆𞤵𞤺𞤮𞤤 𞤶𞤮𞤳𞥆𞤮𞤲𞤣𞤭𞤪𞤫 𞤤𞤢𞥄𞤥𞤩𞤫 𞤩𞤫𞤲 𞤫 𞤺𞤮𞤲𞤣𞤫 𞤥𞤢𞤩𞥆𞤫 𞤯𞤫𞤲⁏ 𞤫 𞤶𞤮𞤳𞥆𞤮𞤲𞤣𞤭𞤪𞤫 𞤤𞤢𞥄𞤥𞤩𞤫 𞤩𞤫𞤲 𞤫 𞤤𞤵𞤲𞤣𞤭𞤩𞤫 𞤩𞤫𞤲. 𞤍𞤵𞤲 𞤸𞤭𞤲𞤮 𞤦𞤢𞤼𞥆𞤭𞤲𞤢 𞤸𞤢𞤱𞤪𞤫 𞤫 𞤱𞤢𞤳𞥆𞤭𞤤𞤢𞥄𞤪𞤫 𞤤𞤭𞤣𞥆𞤵 𞤦𞤮𞤲𞤩𞤫 𞤥𞤢𞤱𞤩𞤫(terrorisme) 𞤼𞤮 𞤧𞤢𞥄𞤸𞤫𞤤. 𞤍𞤫𞥅 𞤣𞤢𞤪𞤯𞤫 𞤷𞤫𞥅𞤪𞤯𞤫 𞤲𞤮 𞤬𞤭𞤪𞤼𞤭 𞤥𞤢𞥄𞤲𞤣𞤫 𞤴𞤢𞤲𞤢𞤤 𞤢𞤪𞤢𞤲𞤫𞤪𞤫.

𞤅𞤭 𞤱𞤮𞤲𞤭𞤪𞤭𞥅 𞤲𞤭𞤸! 𞤬𞤪𞤢𞤲𞤧𞤭 𞤲𞤮 𞤱𞤢𞥄𞤱𞤭 𞤸𞤵𞥅𞤼𞤮𞤪𞤢𞥄𞤣𞤫 𞤤𞤫𞤤𞤲𞤮 𞤣𞤫𞤺𞤮𞤤 𞤲𞤺𞤮𞤤⹁ 𞤳𞤮 𞤯𞤵𞤲 𞤱𞤮𞤲𞤭 𞤴𞤫𞥅𞤴𞤵𞤺𞤮𞤤𞤫 𞤶𞤮𞤺𞤢𞤤𞤫 𞤯𞤫𞤲 𞤤𞤢𞤪𞤫 𞤧𞤢𞤤𞤭𞥅𞤯𞤫 𞤼𞤢𞤥𞤦𞤭𞤼𞤢𞤺𞤮𞤤 𞤬𞤪𞤢𞤲𞤧𞤭.

𞤌𞤲 𞤧𞤢𞤤𞤥𞤭𞤲𞤢𞥄𞤥𞤢.

𞤖𞤮𞤤 𞤳𞤮 𞤱𞤮𞤲𞤭 𞤫𞤤𞥆𞤢 𞤮𞤲؟ 𞤫 𞤬𞤢𞥄𞤥𞤵 𞤢𞤲⹁ 𞥑𞥖 𞤲𞤦𞤮𞤱𞤼𞤮 𞤲𞤮 𞤩𞤢𞤣𞤭𞥅⹁ 𞤸𞤢𞤨𞥆𞤵 𞤲𞤺𞤵 𞤳𞤢 𞤼𞤢𞤱𞤢𞤼𞤢 𞤳𞤵𞤶𞤭𞤲𞤢𞤲𞤣𞤫 𞤣𞤢𞤱𞤪𞤮 𞤫 𞤩𞤭𞤰𞤫𞥅𞤣𞤫 𞤨𞤮𞥅𞤥𞤢 𞤲𞤮 𞤬𞤢𞤣𞤭𞥅𞤩𞤫 𞤱𞤢𞥄𞤤𞤢𞤲𞤭𞥅(𞤤𞤢𞥄𞤥𞤩𞤫 𞤧𞤢𞥄𞤸𞤫𞤤𞤩𞤫𞤲).

𞤉 𞤼𞤵𞤥𞤦𞤮𞤲𞤣𞤭𞤪𞤢𞤤 𞤢𞤪𞤮𞥅𞤱𞤢𞤤 𞤤𞤢𞥄𞤥𞤩𞤫 𞤧𞤢𞥄𞤸𞤫𞤤 𞤩𞤫𞤲 𞤼𞤮𞤪𞤮𞤼𞤮 𞤬𞤪𞤢𞤲𞤧𞤭 𞤸𞤢𞤨𞥆𞤵 𞤲𞤺𞤢𞤥 𞤲𞤮 𞤩𞤫 𞤱𞤢𞥄𞤱𞤭𞤪𞤢 𞤣𞤭𞤧𞤮𞤲𞤣𞤭𞤪𞤣𞤫 𞤫 𞤸𞤮𞥅𞤪𞤫𞥅𞤩𞤫 𞤳𞤮𞤯𞤮𞥅𞤤𞤭 𞤫 𞤥𞤭𞤧𞤭𞤣𞤢𞥄𞤶𞤭 𞤥𞤢𞤩𞥆𞤫⹁ 𞤱𞤮𞤲𞤭 𞤳𞤮 𞤫 𞤲𞤦𞤢𞥄𞤣𞤭 𞤪𞤫𞤬𞤫𞤪𞤢𞤲𞤣𞤮𞤥 𞤱𞤢𞤤𞥆𞤢 𞤫 𞤤𞤢𞥄𞤱𞤮𞤤 𞤧𞤵𞥅𞤣𞤵 𞤲𞤦𞤢𞤼𞤭𞤪𞤣𞤵 𞤥𞤢𞥄𞤯𞤵𞤲 𞤫 𞤴𞤫𞤱𞤼𞤫𞤪𞤫 𞤸𞤵𞥅𞤩𞤵𞤲𞤣𞤫. 𞤔𞤮𞥅𞤲𞤭⹁ 𞤳𞤮 𞤸𞤮𞤲𞥆𞤮 𞤩𞤫 𞤧𞤮𞤤𞤮𞤪𞤼𞤢⹁ 𞤫 𞤥𞤮𞥅𞤩𞤮𞤲𞤣𞤭𞤪𞤢𞤤 𞤱𞤢𞤴𞤪𞤵𞤲𞤺𞤢𞤤 𞤸𞤮𞥅𞤪𞤫𞥅𞤩𞤫 𞤥𞤫𞤲 𞤩𞤫𞤲 𞤯𞤢𞤩𞥆𞤭𞤪𞤲𞤮 𞤬𞤪𞤢𞤲𞤧𞤭 𞤦𞤢𞤤𞥆𞤢𞤤 𞤬𞤢𞤺𞥆𞤵𞤣𞤵 𞤫 𞤢𞥄𞤢𞤤𞤢𞥄𞤶𞤭 𞤳𞤢𞤩𞤭𞤪𞤯𞤭 𞤧𞤮𞥅𞤪𞤭. 𞤖𞤮𞤤 𞤲𞤮 𞤩𞤫 𞤧𞤮𞤪𞤼𞤮𞤪𞤼𞤮𞥅 𞤫 𞤲𞤺𞤢𞤤 𞤤𞤭𞤣𞥆𞤮𞤲𞤣𞤭𞤪𞤢𞤤.

𞤙𞤢𞤤𞤲𞤣𞤫 𞥕 𞤲’𞤦𞤮𞤱𞤼𞤮 𞥒𞥐𞥑𞥙

𞤋𞤣𞤪𞤭𞥅𞤧𞤢 𞤢𞥄𞤴𞤢𞤼 𞤼𞤮 𞤧𞤢𞤤𞤲𞤣𞤵 𞤺𞤢𞤲𞤣𞤢𞤤 𞤳𞤮𞤱𞤫𞤼.

𞤉 𞤬𞤭𞤪𞤼𞤮𞤤: 𞤢𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮

𞤔𞤀𞤐𞤊𞤀 𞤄𞤓𞥅𞤃𞤋𞤈𞤀𞥄𞤑𞤀 𞤂𞤀𞥄𞤇𞤀𞤂

  • 𞤙𞤢𞤤𞤲𞤣𞤫 𞥕𞥐 𞤶𞤮𞥅𞤤𞤢𞤤 𞥒𞥐𞥑𞥙

𞤑𞤮 𞤧𞤢𞤯𞤭𞤥𞤮𞤲 𞤳𞤮 𞤼𞤮𞥅𞤤𞤭 𞤯𞤮𞥅 𞤫

𞤱𞤫𞤪𞤣𞤫𞤨𞤭𞤤𞤢𞤪 𞤦𞤢𞤲𞤣𞤭𞤪𞤢𞥄𞤩𞤫. 𞤐𞤣𞤫 𞤼𞤢𞤱𞤲𞤮 𞤸𞤢𞤪𞤭 𞤱𞤮𞤲𞤭𞥅 𞤱𞤢𞤴𞤪𞤭𞤲𞤣𞤭𞤪𞤢𞤤⹁ 𞤥𞤫𞤯𞤫𞤲 𞤺𞤢𞤲𞤼𞤭𞤲𞤢𞤲𞤮𞥅 𞤳𞤢𞤤𞤢 𞤬𞤢𞤲𞤧𞤶𞤮 𞤱𞤫𞤪𞤣𞤫𞤨𞤭𞤤𞤢𞤪. 𞤑𞤮 𞤥𞤫𞤲 𞤔𞤮𞤳𞥆𞤭𞤲𞤼𞤭𞤥𞤩𞤫 𞤶𞤢𞤪𞤲𞤮𞥅𞤪𞤫 𞤫 𞤧𞤢𞤲𞥆𞤮𞥅𞤪𞤫⹁ 𞤣𞤮𞤱 𞤩𞤪𞤪𞤲𞤣𞤫 𞤤𞤢𞥄𞤩𞤲𞤣𞤫 𞤧𞤫𞤤𞥆𞤭𞤪𞤲𞤣𞤫 𞤳𞤭𞤧𞤢𞤤.

𞤖𞤢𞤲𞤣𞤫 𞤯𞤫𞤲 𞤴𞤫𞤱𞤼𞤢 𞤬𞤭𞥅 𞤱𞤭𞤲𞤣𞤭𞤼𞤢𞤲𞤣𞤫 𞤬𞤮𞤳𞥆𞤭𞤼𞤵𞤲𞤣𞤫 𞤳𞤢 𞤤𞤫𞤴𞤣𞤭 𞤥𞤫𞤲 𞤺𞤭𞤲𞤫. 𞤏𞤭𞤲𞤣𞤭𞤼𞤢𞤲𞤣𞤫 𞤲𞤣𞤫 𞤤𞤢𞥄𞤥𞤵 𞤲𞤺𞤵𞤲 𞤫 𞤤𞤭𞤲𞤣𞤭𞥅𞤩𞤫 𞤩𞤫𞤲 𞤬𞤮𞤼𞥆𞤢𞤲𞤭 𞤱𞤮𞤲𞤣𞤫 𞤲𞤮 𞤸𞤢𞥄𞤲𞤭 𞤳𞤢 𞤤𞤢𞥄𞤼𞤮𞥅.

𞤐𞤺𞤮𞥅 𞤥𞤭𞥅𞤶𞤮 𞤲𞤺𞤮 𞤩𞤫 𞤸𞤢𞤤𞤣𞤭 𞤩𞤫 𞤬𞤮𞤼𞥆𞤭 𞤲𞤮 𞤸𞤢𞥄𞤲𞤭 𞤲𞤮 𞤤𞤢𞤦𞤢𞥄. 𞤀𞤤𞤤𞤢 𞤴𞤮 𞤼𞤢𞤱 𞤸𞤢𞤪𞤢 𞤳𞤮 𞤱𞤫𞥅𞤩𞤭𞤼𞤢𞥄𞤳𞤮𞤲 𞤳𞤢 𞤳𞤫𞤲𞤫 𞤳𞤮 𞤯𞤵𞤲 𞤱𞤮𞤲𞤭 𞤳𞤮 𞤢𞤲𞥆𞤭𞤴𞤢𞤲𞤢𞥄 𞤩𞤭𞤩𞥆𞤫 𞤺𞤭𞤲𞤫⹁ 𞤲𞤣𞤫 𞤼𞤢𞤱𞤲𞤮𞥅 𞤳𞤮 𞤫 𞤶𞤮𞤶𞥆𞤢𞤲𞤣𞤫 𞤳𞤢𞤤𞤢 𞤩𞤭𞥅 𞤥𞤮 𞤺𞤭𞤲𞤫 𞤱𞤭𞤲𞤣𞤭𞤼𞤢𞤺𞤮𞤤 𞤼𞤢𞤱𞤫𞥅 𞤫 𞤤𞤭𞤥𞤼𞤮𞤤 𞤷𞤮𞤬𞤼𞤮𞥅𞤩𞤫⹁ 𞤱𞤮𞤲𞤢𞤲𞤣𞤫 𞤩𞤫𞤲 𞤩𞤫 𞤣𞤵𞥅𞤩𞤭 𞤥𞤵𞤲 𞤴𞤮𞤼𞥆𞤮𞤪𞤭 𞤷𞤮𞤬𞤼𞤢𞤤.

𞤐𞤮𞥅𞤲𞤫 𞤲𞤮 𞤱𞤭𞤲𞤣𞤭𞤪𞤼𞤮𞤪𞤼𞤫𞥅 𞤫 𞤳𞤢𞤴𞤣𞤭𞥅𞤶𞤭 𞤱𞤭𞤲𞤣𞤭𞤼𞤮𞤪𞤯𞤭.

𞥑- 𞤑𞤮 𞤢𞤣𞤭𞥅 𞤳𞤮𞤲 𞤬𞤮𞤱 𞤼𞤢𞤱𞤮 𞤱𞤢𞤲𞤮 𞤸𞤮𞤤𞥆𞤭𞤪𞤯𞤫𞤲 𞤣𞤮𞤱 𞤯𞤮𞤮 𞤲𞤮𞤲. 𞤑𞤮 𞤴𞤮 𞤼𞤢𞤱 𞤸𞤢𞤪𞤢 𞤱𞤭𞤲𞤣𞤭𞤼𞤮𞤼𞤮𞥅𞤯𞤮 𞤮𞤲 𞤸𞤫𞤤𞥆𞤭𞤬𞤮𞤪𞤭𞥅 𞤣𞤵𞥅𞤩𞤭 𞤱𞤮𞤼𞤭𞤪𞤯𞤭. 𞤑𞤮 𞤯𞤵𞤲 𞤱𞤮𞤲 𞤸𞤢𞤪𞤢 𞤮 𞤣𞤢𞤻𞤭𞥅 𞥑𞥘 𞤲𞤢𞤩𞤭 𞤣𞤮𞤱.

𞥒- 𞤱𞤮𞤲𞤭 𞤳𞤮 𞤳𞤢𞤴𞤣𞤭 𞤸𞤫𞤬𞤼𞤭𞤲𞤭𞤪𞤣𞤭 𞤯𞤵𞤲 𞤱𞤮𞤲𞤭 𞤭𞤣𞤢𞤲𞤼𞤭𞤼𞤫𞥅.

𞥓 – 𞤥𞤢𞥄 𞤸𞤢𞤪𞤢 𞤳𞤮 𞤨𞤢𞥄𞤧𞤭𞤨𞤮𞥅𞤪

𞥔- 𞤳𞤢𞤴𞤣𞤭 𞤶𞤭𞤦𞤭𞤲𞤢𞤲𞤣𞤫

𞥕– 𞤥𞤢𞥄 𞤱𞤢𞥄𞤧𞤢𞥄𞤯𞤮 𞤯𞤭𞥅 𞤯𞤮𞤮 𞤯𞤭𞤯𞤭⹁ 𞤧𞤢𞤪𞤭𞤴𞤢 𞤲𞤫𞤱𞤲𞤢𞤲𞤭𞥅𞤥𞤮 𞤧𞤫𞥅𞤣𞤭𞤲𞤼𞤭𞤲𞤺𞤮𞤤 𞤼𞤢𞤼𞤮 𞤱𞤮𞤲𞤣𞤫 𞤳𞤮 𞤮 𞤶𞤭𞤦𞤭𞤲𞤢𞤲𞤣𞤫 𞤺𞤭𞤲𞤫.

𞥖- 𞤱𞤮𞤲𞤢𞤲𞤣𞤫 𞤻𞤭𞥅𞤩𞤵𞤩𞤫 𞤩𞤫𞤲 𞤳𞤢 𞤶𞤢𞤲𞤢𞤲𞤭𞤪𞤭⹁ 𞤼𞤮𞤩𞥆𞤫𞤪𞤫 𞤯𞤭𞤯𞤢𞤩𞤫𞤪𞤫 𞤫 𞤼𞤢𞤥𞥆𞤫𞤪𞤫 𞤯𞤫𞤲 𞤼𞤵𞤲 𞤱𞤮𞤲𞤭 𞤳𞤮 𞤩𞤫 𞤧𞤢𞤪-𞤭𞤲𞤢𞤲𞤢𞥄. 𞤅𞤮 𞤼𞤢𞤱𞤭𞥅 𞤲𞤮𞤲 𞤮𞤲𞤼𞤭𞤺𞤭 𞤶𞤮𞤺𞤢𞥄𞤳𞤭 𞤯𞤭𞥅 𞤯𞤮𞤮 𞤯𞤭𞤯𞤭⹁ 𞤸𞤢𞤪𞤢𞤴 𞤳𞤮 𞤳𞤮𞤲𞤧𞤭𞤤𞤫𞥅𞤪 𞤮 𞤯𞤢𞤩𞥆𞤢𞤼𞤢 𞤮𞤲𞤼𞤵𞤥𞤢 𞤧𞤭 𞤮 𞤱𞤢𞥄𞤱𞤢 𞤱𞤭𞤲𞤣𞤭𞤼𞤢𞥄𞤣𞤫.

𞤈𞤫𞤱𞤼𞤢𞤺𞤮𞤤 𞤷𞤢𞤳𞥆𞤫 𞤷𞤮𞤬𞤼𞤭𞤪𞤺𞤢𞤤!

𞤉 𞤱𞤭𞥅 𞤥𞤢𞤩𞥆𞤫⹁ 𞤫 𞤦𞤢𞤽𞥆𞤫 𞤯𞤫𞤲 𞤯𞤭𞤯𞤭𞥅 𞤲𞤮𞤲 𞤧𞤢𞤳𞥆𞤫𞤪𞤫 𞤷𞤮𞤬𞤼𞤭𞤪𞤺𞤢𞤤 𞤲𞤣𞤫𞤲 𞤲𞤮 𞤥𞤢𞤪𞤭 𞤧𞤮𞤱𞤢𞤲𞤣𞤫⹁ 𞤥𞤢𞥄𞤲𞤢 𞤫 𞤲𞤣𞤫𞤪 𞤧𞤢𞤨𞥆𞤮 𞤳𞤢𞤤𞤢 𞤲𞤶𞤫𞥅𞤼𞤢𞤼𞤮 𞤬𞤮𞤱 𞤲𞤮 𞤥𞤢𞤪𞤭 𞤳𞤢𞤪𞤼𞤫 𞤯𞤭𞤯𞤭. 𞤔𞤮𞥅𞤲𞤭 𞤲𞤺𞤢𞤥 𞤲𞤮 𞤯𞤵𞤲 𞤪𞤫’𞤭𞤪𞤢 𞤤𞤢𞥄𞤩𞤢𞤤 𞤫 𞤲𞤵𞤲𞤯𞤢𞤤 𞤻𞤭𞥅𞤩𞤢 𞤳𞤢 𞤧𞤢𞤳𞥆𞤫𞤪𞤫 𞤷𞤮𞤬𞤼𞤭𞤪𞤺𞤢𞤤 𞤳𞤮 𞤥𞤢𞥄 𞤲𞤺𞤢𞤤 𞤪𞤫𞤱𞤼𞤫𞥅.

𞤕𞤢𞤯𞤫𞥅𞤤𞤫 𞤫 𞤶𞤢𞤲𞤬𞤢 𞤱𞤮𞤲𞤳𞤢 𞤲𞤣𞤫𞤪 𞤲𞤺𞤮𞥅 𞤪𞤫𞤱𞤼𞤮!

𞤕𞤢𞤯𞤫𞤤𞤫 𞤶𞤮𞤤𞤢𞤴𞤯𞤫 𞤫 𞤲𞤺𞤮𞥅 𞤪𞤫𞤱𞤼𞤮⹁ 𞤳𞤮 𞤲𞤣𞤫 𞤼𞤢𞤱𞤲𞤮𞥅 𞤳𞤮 𞤢𞥄𞤤𞤢𞥄𞤶𞤭 𞤫𞤤𞤼𞤢𞥄𞤯𞤭 𞤲𞤺𞤢𞤥 𞤲𞤮 𞤺𞤮𞤤𞥆𞤫𞤯𞤫𞤲 𞤤𞤢𞤣𞤭𞤪𞤢 𞤧𞤫𞤲𞤺𞤮 𞤤𞤵𞤲𞤣𞤭𞤩𞤫 𞤩𞤫𞤲. 𞤑𞤮 𞤯𞤵𞤲 𞤬𞤭𞤪𞤼𞤭 𞤱𞤮𞤲𞤣𞤫 𞤤𞤢𞥄𞤥𞤵 𞤲𞤺𞤵𞤲 𞤲𞤮 𞤫𞤩𞥆𞤭 𞤲𞤺𞤢𞤥 𞤲𞤮 𞤩𞤫 𞤤𞤵𞤼𞥆𞤭𞤪𞤢 𞤫 𞤤𞤢𞥄𞤥𞤵⹁ 𞤦𞤢𞤥𞤦𞤢𞤥𞤩𞤫 𞤤𞤵𞤲𞤣𞤭𞤩𞤫 𞤺𞤭𞤲𞤫 𞤩𞤫𞤲 𞤱𞤮𞤼𞤢 𞤱𞤭𞤲𞤣𞤭𞤼𞤮. 𞤘𞤮𞤤𞥆𞤫 𞤯𞤫𞤲 𞤲𞤮 𞤼𞤮𞤲𞤺𞤭𞤪𞤫𞥅 𞤫 𞤲𞤮𞥅𞤲𞤫𞥅𞤶𞤭 𞤧𞤫𞤪𞤼𞤵𞤯𞤭⹁ 𞤱𞤢𞤲𞤮 𞤼𞤫𞤱𞤢𞤺𞤮𞤤 𞤨𞤢𞤧 𞤴𞤢𞤳𞥆𞤢 𞤢𞥄𞤤𞤢 𞤱𞤮𞤲𞤢𞥄𞤯𞤮 𞤺𞤮𞤤𞥆𞤭𞤪𞤫𞥅𞤣𞤫 𞤮𞤲⹁ 𞤫 𞤢𞤧𞤣𞤢𞤱𞤵𞤺𞤮𞤤 𞤳𞤢 𞤺𞤮𞤤𞥆𞤢𞤼𞤢 𞤯𞤮𞤲⹁ 𞤫 𞤤𞤢𞤥𞥆𞤭𞤼𞤮𞤪𞤺𞤮𞤤 𞤱𞤮𞤲𞤣𞤫 𞤪𞤫𞤧𞤮𞥅 𞤮𞤲 𞤲𞤮 𞤥𞤢𞤴𞤯𞤭 𞤲𞤫𞥅𞤩𞤭.

𞤔𞤢𞤲𞤬𞤢 𞤥𞤭𞥅𞤶𞤢𞥄𞤳𞤢 𞤳𞤢 𞤱𞤮𞤱𞤤𞤢𞥄𞤳𞤢 𞤬𞤭𞥅 𞤥𞤵𞤲.

𞤀𞤤𞤬𞤢𞥄 𞤳𞤮𞤲𞤣𞤫 𞤸𞤢𞥄 𞤸𞤢𞤲𞤣𞤫 𞤸𞤵𞥅𞤱𞤭𞤪𞤢𞥄𞤤𞤭 𞤲𞤭𞥅 𞤼𞤵𞤲 𞤳𞤵𞥅𞤺𞤢𞤤 𞤨𞤮𞥅𞤥𞤢𞥄. 𞤚𞤵𞤥𞤢 𞤳𞤢𞤤𞤢 𞤲𞤣𞤫 𞤮 𞤳𞤮𞤤𞥆𞤭 𞤺𞤮𞤤𞥆𞤢𞤤 𞤳𞤮 𞤲𞤺𞤢𞤤 𞤮 𞤶𞤮𞤪𞤼𞤭𞥅 𞤨𞤮𞤤𞤺𞤢𞤤 𞤫 𞤥𞤵𞤲. 𞤇𞤮𞥅𞤴𞤢𞥄𞤥𞤢 𞤱𞤵𞤤𞥆𞤫𞤣𞤫 𞤴𞤮 𞤧𞤵𞤩𞤮 𞤲𞤺𞤮𞤲 𞤤𞤢𞥄𞤼𞤮𞥅⹁ 𞤤𞤢𞥄𞤼𞤮𞤪𞤢 𞤲𞤵𞤲𞤯𞤢𞤤 𞤫 𞤤𞤢𞥄𞤩𞤢𞤤⹁ 𞤳𞤮𞤲𞤮 𞤧𞤮𞤲𞤳𞤢 𞤸𞤢𞥄 𞤧𞤢𞤳𞥆𞤭𞤼𞤮𞤪𞤢 𞤱𞤢 𞤪𞤢𞤱𞤢𞥄𞤲𞤣𞤵 𞤧𞤭 𞤱𞤮𞤼𞥆𞤭 𞤳𞤮 𞤧𞤢𞤴𞤪𞤫. 𞤂𞤢𞥄𞤥𞤵 𞤲𞤺𞤵𞤲 𞤶𞤢𞤩𞤭𞥅 𞤴𞤮 𞤪𞤫𞤱𞤼𞤮 𞤱𞤢𞤯𞤵⹁ 𞤳𞤮𞤲𞤮 𞤫 𞤲𞤦𞤢𞥄𞤣𞤭 𞤸𞤮𞤲𞤣𞤭! 𞤳𞤮 𞤢𞤤𞤤𞤢 𞤩𞤵𞤪𞤭 𞤢𞤲𞤣𞤵𞤣𞤫. 𞤑𞤮 𞤲𞤢𞤬𞤮𞥅𞤪𞤫 𞤸𞤮𞤲𞤣𞤫 𞤢𞤤𞤬𞤢𞤢𞥄 𞤥𞤢𞤪𞤭 𞤧𞤭 𞤼𞤢𞤱𞤭 𞤸𞤫𞤲𞤢𞤲𞤭𞥅𞤥𞤮 𞤱𞤮𞤲𞤣𞤫 𞤪𞤫𞤱𞤼𞤮 𞤲𞤺𞤮𞤲 𞤳𞤮 𞤤𞤵𞤲𞤣𞤭𞥅𞤩𞤫 𞤩𞤫𞤲 𞤼𞤵𞤲 𞤱𞤮𞤲𞤣𞤢𞤲𞤭 𞤲𞤢𞤬𞤮𞥅𞤪𞤫؟ 𞤼𞤮𞤲𞤼𞤮𞤤 𞤲𞤺𞤮𞤤 𞤯𞤮𞤲 𞤩𞤵𞤪𞤭 𞤤𞤢𞤲 𞤢𞤲𞤣𞤵𞤣𞤫. 𞤀𞤱𞤢 𞤴𞤮 𞤥𞤮 𞤳𞤢𞤤𞤢 𞤱𞤢𞤳𞥆𞤭𞤤𞤮 𞤲𞤺𞤢𞤥 𞤲𞤮 𞤱𞤭𞤲𞤣𞤭𞤼𞤮𞤪𞤢⹁ 𞤧𞤢𞤦𞤵 𞤳𞤮 𞤣𞤮𞤱 𞤯𞤵𞤲 𞤼𞤢𞤥𞤰𞤭𞤲𞤢𞥄 𞤦𞤢𞤤𞥆𞤢𞤤 𞤲𞤮 𞤱𞤫𞥅𞤩𞤢𞤲𞤭 𞤮𞤲𞤼𞤭𞤺𞤭 𞤱𞤢𞤤𞥆𞤵𞤺𞤮𞤤 𞤮𞤲 𞤥𞤮 𞤮 𞤱𞤫𞤤𞤢𞥄 𞤼𞤵𞤲𞤥𞤢 𞤲𞤣𞤫 𞤧𞤵𞤩𞤮 𞤲𞤺𞤮𞤲 𞤬𞤫𞤱𞤲𞤣𞤭𞥅. 𞤔𞤮𞥅𞤲𞤭 𞤬𞤭𞥅 𞤱𞤮𞤼𞤢 𞤤𞤢𞥄𞤥𞤵 𞤲𞤺𞤵𞤲 𞤤𞤢𞤥𞥆𞤭𞤼𞤮𞤪 𞤱𞤮𞤲𞤣𞤫 𞤪𞤫𞤱𞤼𞤮 𞤲𞤺𞤮𞤲 𞤴𞤢𞥄𞤪𞤭𞥅 𞤲𞤵𞤲𞤯𞤢𞤤 𞤫 𞤤𞤢𞥄𞤩𞤢𞤤⹁ 𞤳𞤮 𞤯𞤵𞤲 𞤢𞤣𞥆𞤭 𞤴𞤮 𞤲𞤺𞤮𞤤 𞤤𞤭𞤥𞤼𞤮𞤤 𞤯𞤮𞤮 𞤴𞤢𞥄𞤪𞤫 𞤷𞤮𞤬𞤼𞤮⹁ 𞤢𞤤𞤢𞥄 𞤳𞤮 𞤱𞤢𞤯𞥆𞤭𞥅 𞤫𞤲 𞤧𞤭𞤲𞤢𞥄 𞤴𞤢𞥄𞤺𞤮𞤤 𞤣𞤢𞤪𞤮𞥅 𞤴𞤫𞥅𞤧𞤮 𞤥𞤢𞤧𞤭𞤲 𞤮𞤲.
𞤐𞤮 𞤶𞤮𞤪𞤼𞤢𞥄 𞤲𞤣𞤫 𞤢𞤪𞤼𞤮𞤴𞤯𞤫𞤲 𞤫 𞤲𞤣𞤫𞥅 𞤱𞤭𞤲𞤣𞤢𞤲𞤣𞤫 𞤯𞤮𞤮.

𞤉 𞤳𞤵𞤯𞤮𞤤: 𞤢𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮.𞤙𞤢𞤤𞤲𞤣𞤫 𞥕𞥐 𞤶𞤮𞥅𞤤𞤢𞤤 𞥒𞥐𞥑𞥙

𞤘𞤮𞥅𞤲𞤺𞤢 𞤳𞤢𞤲 𞤳𞤮 𞤬𞤫𞥅𞤻𞤵𞤳𞤢 𞤫 𞤳𞤢𞤣𞤭 𞤸𞤭𞤳𞤢 𞤴𞤫𞥅𞤧𞤮 𞤥𞤢𞥄 !

𞤘𞤮𞥅𞤲𞤺𞤢 𞤳𞤢𞤲 𞤳𞤮 𞤬𞤫𞥅𞤻𞤵𞤳𞤢 𞤫 𞤳𞤢𞤣𞤭 𞤸𞤭𞤳𞤢 𞤴𞤫𞥅𞤧𞤮 𞤥𞤢𞥄!

𞤑𞤮 𞤢𞤣𞤭𞥅 𞤳𞤮𞤲 𞤬𞤮𞤱 𞤯𞤫𞤲 𞤬𞤵𞤯𞥆𞤮𞤪𞤢 𞤧𞤢𞤤𞤥𞤭𞤲𞤺𞤮𞤤 𞤸𞤭𞤱𞤪𞤮𞥅 𞤬𞤢𞥄𞤼𞤮𞤪𞤢𞥄𞤩𞤫 𞤩𞤫𞤲⹁ 𞤼𞤮𞤪𞤢𞤲𞤮𞥅 𞤥𞤢𞥄𞤴𞤩𞤫 𞤩𞤫𞤲 𞤼𞤮 𞤢𞤤𞤤𞤢 𞤴𞤢𞥄𞤬𞤵𞤴𞤫𞥅.

𞤖𞤢𞤲𞤣𞤫 𞤺𞤭𞤲𞤫 𞤳𞤮 𞤻𞤢𞤤𞤢𞥄𞤲𞤣𞤫 𞤥𞤢𞤱𞤲’𞤣𞤫 𞤬𞤭𞤩𞤢𞥄𞤲𞤮𞥅 𞤴𞤮 𞤤𞤢𞥄𞤼𞤢𞤲𞤮 𞤳𞤢𞤤𞤢 𞤩𞤭𞥅 𞤺𞤭𞤲𞤫𞤲𞥆𞤢𞥄𞤶𞤮⹁ 𞤫 𞤤𞤫𞤴 𞤳𞤮𞤲𞤺𞤮𞤤 𞤲’𞤣𞤫𞥅 𞤥𞤮𞤶𞤮𞤦𞤫𞤪𞤫 𞤭𞤲𞥆𞤢𞥄𞤲𞤣𞤫 𞤉𞤊- 𞤉𞤐- 𞤁𞤉- 𞤅𞤉 (FNDC) 𞤥𞤮𞤶𞤮𞤦𞤫𞤪𞤫 𞤲𞤺𞤫𞤲𞤣𞤭𞤴𞤢𞤲𞤳𞤮𞥅𞤪𞤫 𞤲’𞤺𞤢𞤥 𞤣𞤢𞤪𞤢𞤲𞤢𞤺𞤮𞤤 𞤣𞤮𞤧𞤼𞤫𞤪𞤫 𞤤𞤫𞤴𞤣𞤭 𞤲’𞤣𞤭𞤲.

𞤑𞤮𞤲𞤮 𞤥𞤭 𞤢𞤲𞤣𞤢𞥄 𞤧𞤮 𞤼𞤢𞤱𞤭𞥅 𞤳𞤮 𞤭𞤲𞤣𞤫 𞤲𞤣𞤫𞤲 𞤳𞤢𞥄𞤲𞤭 𞤽𞤢𞤳𞥆𞤭𞤪𞤢𞥄 𞤬𞤢𞤸𞤲𞤣𞤵𞤲𞤣𞤫⹁ 𞤫 𞤧𞤭 𞤼𞤢𞤱𞤭𞥅 𞤳𞤮 𞤶𞤮𞤳𞥆𞤵𞤩𞤫 𞤸𞤵𞤲𞤣𞤫 𞤲𞤣𞤫𞤲 𞤪𞤮𞤲𞤳𞤭 𞤢𞤲𞤣𞤵𞤣𞤫 𞤲𞤢𞤬𞤢 𞤬𞤢𞤸𞤲𞤣𞤵𞤲𞤣𞤫 𞤥𞤮𞤶𞤮𞤦𞤫𞤪𞤫 𞤲𞤣𞤫𞤲⹁ 𞤉 𞤧𞤭 𞤼𞤢𞤱𞤭𞥅 𞤥𞤮𞤶𞤮𞤦𞤫𞤪𞤫 𞤲𞤣𞤫𞤲 𞤳𞤮 𞤧𞤫𞤲𞤺𞤮𞤴𞤢𞤲𞤳𞤮𞥅𞤪𞤫⹁ 𞤥𞤢𞥄𞤲𞤢𞥄 𞤲𞤣𞤫 𞤶𞤮𞤲 𞤺𞤭𞥅𞤯𞤫 𞤧𞤫𞤪𞤼𞤵𞤯𞤫 𞤫 𞤳𞤮 𞤬𞤫𞥅𞤻𞤭𞤲𞤢𞥄𞤳𞤮𞤲.

𞤅𞤢𞤦𞤵𞤲𞤢 𞤤𞤢𞥄𞤩𞤭𞥅 𞤨𞤮𞤧 𞤱𞤮𞤲𞤣𞤫 𞤸𞤢𞤴 𞤧𞤭 𞤼𞤢𞤱𞤭𞥅 𞤴𞤢𞤤𞤼𞤭𞤪𞤢𞥄𞤥𞤢  𞤷𞤫𞤲𞤯𞤫⹁ 𞤳𞤮𞤲𞤮 𞤬𞤢𞤸𞤥𞤫𞤲 𞤳𞤢𞤣𞤭 𞤲𞤮 𞤱𞤮𞥅𞤣𞤭 𞤳𞤢𞤣𞤭 𞤷𞤫𞤲𞤯𞤫 𞤳𞤢 𞤴𞤢𞤤𞤼𞤢𞥄𞤳𞤢. 𞤂𞤢𞥄𞤥𞤵 𞤲’𞤺𞤵𞤲 𞤲𞤮 𞤫𞤼𞤢𞥄𞤣𞤫⹁ 𞤫 𞤳𞤢𞤣𞤭 𞤬𞤢𞤴𞤣𞤢 𞤲𞤺𞤵 𞤸𞤵𞤩𞤲𞤭𞥅 𞤳𞤮 𞤲𞤺𞤵 𞤩𞤮𞥅𞤴𞤭 𞤴𞤭𞥅𞤤𞤭𞤪𞤣𞤫 𞤯𞤢𞤴𞤲𞤭𞤪𞤢 𞤶𞤢𞤲𞤬𞤮𞤪𞤢 𞤩𞤭𞤩𞥆𞤫 𞤺𞤭𞤲𞤫⹁ » 𞤧𞤫𞤲𞤣𞤢 𞤬𞤭𞥅 𞤲𞤮 𞤢𞤪𞤣𞤮𞤪𞤢 ». 𞤃𞤭 𞤧𞤭𞤬𞤮𞥅 𞤫 𞤯𞤭𞥅 𞤳𞤮𞤲𞤺𞤭 𞤢𞤲 𞤤𞤫𞤴 𞤯𞤮𞤮:

« ðž¤…𞤫𞤲𞤣𞤢 𞤬𞤭𞥅 𞤲𞤮 𞤢𞤪𞤣𞤮𞤪𞤢 »

𞤖𞤢𞤲𞤣𞤫 𞤫𞤲 𞤸𞤵𞤩𞤭𞤲𞤣𞤮𞤼𞤢𞥄𞤳𞤮 𞤤𞤭𞤥𞤵𞤺𞤮𞤤 𞤥𞤢𞥄𞤴𞤩𞤫 𞤥𞤫𞤲⹁ 𞤫 𞤳𞤢𞤣𞤭 𞤫𞤲 𞤱𞤢𞥄𞤱𞤢 𞤧𞤭𞤬𞤢𞥄𞤣𞤫 𞤲𞤮𞥅𞤲𞤫 𞤲𞤮 𞤩𞤫𞥅 𞤥𞤢𞥄𞤴𞤭𞤪𞤭. 𞤧𞤭𞤳𞥆𞤫 𞤢𞤤𞤢𞥄 𞤳𞤮 𞤳𞤵𞤪𞤫 𞤣𞤢𞤣𞤭𞥅𞤣𞤢𞤪𞤭𞥅-𞤫𞤲⹁ 𞤳𞤢 𞤱𞤮𞥅𞤱𞤭 𞤯𞤮𞤲 𞤳𞤢 𞤢𞤲𞤣𞤢𞥄 𞤯𞤮𞤲 𞤫 𞤸𞤮𞥅𞤪𞤫 𞤢𞤲𞤣𞤢𞥄𞤩𞤫 𞤩𞤫𞤲. 𞤖𞤮𞤤؟ 𞤳𞤮 𞤱𞤮𞤲𞤭 𞤬𞤢𞤸𞤲𞤣𞤵𞤲𞤣𞤫 𞤱𞤢𞤪𞤵𞤺𞤮𞤤 𞤼𞤵𞤥𞤢 𞤳𞤢𞤤𞤢 𞤲𞤮𞤳𞥆𞤵 𞤲𞤺𞤮𞥅𞤼𞤵𞤲⹁ 𞤫 𞤴𞤭𞤥𞤩𞤫 𞤪𞤫𞤲𞤣𞤮 𞤱𞤮𞥅𞤼𞤮. 𞤃𞤭 𞤧𞤭𞤬𞤮𞥅:

 » 𞤍𞤮𞤲 𞤢𞤲𞤣𞤭 𞤲𞤺𞤫𞥅𞤼𞤵 𞤦𞤢𞤲𞤭𞥅 𞤢𞥄𞤣𞤢𞤥𞤢 𞤲𞤮 𞤴𞤢𞥄𞤱𞤭 𞤳𞤢 𞤱𞤮𞥅𞤱𞤼𞤭𞤲𞤼𞤮𞥅 𞤸𞤵𞥅𞤲𞤣𞤫⹁ 𞤳𞤢𞤤𞤢 𞤱𞤮𞥅 𞤲𞤮 𞤲𞤣𞤫𞤲 𞤸𞤵𞥅𞤲’𞤣𞤫 𞤱𞤢𞥄𞤱𞤭 𞤧𞤭𞤬𞤮𞤪𞤣𞤫 𞤦𞤮𞤲𞤵𞤺𞤮𞤤 𞤳𞤢𞥄𞤲𞤢⹁ 𞤲’𞤺𞤵𞤲 𞤱𞤮𞤱𞤼𞤢𞤴. 𞤅𞤭 𞤩𞤮𞥅𞤴𞤭𞥅 𞤲𞤺𞤵 𞤲𞤢𞤼𞥆𞤢 𞤬𞤢𞤸𞤥𞤵𞤣𞤫 𞤱𞤮𞤲𞤣𞤫 𞤲𞤣𞤫𞤲 𞤸𞤵𞥅𞤲𞤣𞤫 𞤳𞤮 𞤦𞤮𞤲𞤣𞤫⁏ 𞤸𞤢 𞤲’𞤺𞤵𞤲 𞤧𞤭𞤳𞥆𞤢 𞤲𞤮 𞤸𞤢𞥄𞤲𞤭 𞤸𞤢𞥄 𞤤𞤢𞤦𞤢𞥄 𞤲𞤮 𞤱𞤮𞤲𞤭 𞤫 𞤬𞤫𞤰𞥆𞤭𞤪𞤣𞤫 𞤲𞤮𞤲 ».

𞤔𞤮𞥅𞤲𞤭 𞤲𞤣𞤫𞤲 𞤬𞤢𞤸𞤲𞤣𞤵𞤲𞤣𞤫 𞤤𞤢𞥄𞤥𞤵 𞤲’𞤺𞤵𞤲 𞤰𞤫𞤤𞥆𞤭𞤼𞤭𞤳𞤫 𞤫 𞤥𞤢𞤴𞤪𞤫. 

𞤖𞤢𞤤𞤣𞤫𞤼𞤫 𞤬𞤮𞤼𞥆𞤫𞥅 𞤴𞤮 𞤬𞤮𞤱 𞤴𞤢𞤤𞤼𞤵 𞤱𞤵𞤤𞥆𞤭𞤼𞤮𞥅 𞤱𞤫𞥅𞤩𞤭𞤼𞤢 𞤥𞤫𞤼𞥆𞤵 𞤩𞤫𞤪𞤲𞤯𞤫 𞤥𞤵𞤲⹁ 𞤱𞤮𞤯𞤩𞤫 𞤴𞤢𞤤𞤼𞤢 𞤫 𞤱𞤮𞤯𞤩𞤫 𞤪𞤮𞤲𞤳𞤢 𞤴𞤢𞤤𞤼𞤵𞤣𞤫⹁ 𞤯𞤮𞤲 𞤢𞤲𞤣𞤭 𞤳𞤮 𞤬𞤭𞥅 𞤸𞤮𞤲𞤯𞤵𞤲 𞤱𞤢𞤯𞤭 𞤩𞤫 𞤢𞤤𞤢𞥄 𞤫 𞤴𞤢𞤤𞤼𞤵𞤣𞤫⹁ 𞤳𞤮 𞤩𞤢𞤴 𞤤𞤢𞥄𞤥𞤵 𞤲’𞤺𞤵𞤲 𞤺𞤢𞤴𞤲𞤭𞥅𞤲𞤮 𞤧𞤮𞥅𞤪𞤵𞤣𞤫 𞤳𞤢 𞤸𞤢𞤳𞥆𞤭𞤤𞥆𞤫 𞤥𞤢𞤩𞥆𞤫 𞤱𞤮𞤲𞤣𞤫 𞤳𞤮 𞤩𞤫𞤴𞤢 𞤱𞤮𞤲𞤭 𞤫 𞤸𞤢𞤱𞤪𞤵𞤣𞤫 𞤫 𞤥𞤵𞤲 𞤳𞤮𞤲⹁ 𞤱𞤢𞤲𞤮: 𞤱𞤢𞤪𞤫𞥅𞤣𞤫 𞤫 𞤨𞤭𞤴𞤫𞥅𞤣𞤫 𞤫 𞤲𞤶𞤢𞤺𞥆𞤫𞥅𞤣𞤫 𞤬𞤫𞤤𞥆𞤫𞥅!   𞤳𞤮 𞤦𞤢𞤼𞥆𞤢𞤲𞤫 𞤳𞤵𞥅𞤯𞤫 𞤥𞤢𞤩𞥆𞤫 𞤯𞤫𞤲 𞤲𞤮𞤲⹁ 𞤫 𞤳𞤢𞤣𞤭 𞤳𞤮 𞤳𞤮 𞤩𞤫 𞤸𞤢𞥄𞤲𞤣𞤭 𞤫 𞤥𞤵𞤲 𞤩𞤫 𞤬𞤮𞤼𞤣𞤭. 𞤀𞤱𞤢 𞤥𞤵𞤧𞤭𞤩𞥆𞤫 𞤫𞤲𞤫𞤲 𞤳𞤢𞤣𞤭 𞤲𞤣𞤢𞤪𞤼𞤫𞤲 𞤳𞤮’𞤫 𞤥𞤫𞤲

𞤐’𞤺𞤢𞤴𞤲’𞤺𞤵 𞤲’𞤺𞤵𞤲 𞤳𞤮 𞤬𞤫𞥅𞤻𞤵𞤲𞤺𞤵 𞤱𞤮𞤼𞤢 𞤦𞤵𞥅𞤥𞤭𞤼𞤮.

𞤘𞤭𞤤𞤢 𞤫 𞤤𞤫𞤴 𞤳𞤮𞤲𞤺𞤮𞤤 𞤲𞤣𞤫𞤲𞤣𞤢𞥄𞤲𞤣𞤭 𞤢𞤪𞤢𞤲𞤭𞤪𞤭⹁ 𞤳𞤮 𞤲’𞤣𞤫𞥅 𞤸𞤢𞤱𞤪𞤫 𞤱𞤮𞤲𞤢𞤯𞤫𞤲 𞤫 𞤸𞤢𞤩𞤫𞥅𞤣𞤫⹁ 𞤯𞤫𞤲 𞤧𞤢𞤧𞤫𞥅 𞤯𞤫𞤲 𞤶𞤢𞥄𞤧𞤭𞤲𞤫𞥅 𞤯𞤫𞤲 𞤱𞤢𞤪𞤫𞥅⹁ 𞤶𞤢𞤲𞤣𞤫 𞤬𞤢𞤴𞤩𞤫 𞤥𞤫𞤲 𞤲𞤮 𞤴𞤭𞤪𞤦𞤭𞤲𞤭𞤪𞤫𞥅 𞤧𞤫𞥅𞤯𞤢-𞤧𞤫𞥅𞤯𞤢. 𞤀𞤱𞤢 𞤥𞤭 𞤸𞤢𞥄𞤤𞤢𞤴𞤯𞤮𞥅 𞤳𞤮𞤲𞤺𞤮𞤤 𞤲’𞤺𞤮𞤤 𞤪𞤭𞥅𞤱𞤮𞤼𞤢𞥄𞤳𞤮.  » 𞤘𞤭𞤲𞤫 𞤳𞤮 𞤶𞤢𞤤𞤢𞤲𞤢𞤴𞤩𞤫 𞤫𞤲 𞤱𞤮𞥅𞤣𞤭 𞤱𞤮𞤲𞤢𞥄 𞤦𞤢𞤥𞤦𞤢𞤴𞤩𞤫 𞤫𞤲 𞤬𞤭𞥅 𞤲𞤮 𞤢𞤪𞤣𞤮𞤪𞤫𞤲. »   𞤅𞤫𞥅𞤣𞤫𞥅 𞤥𞤵𞤲 𞤳𞤮 𞤼𞤵𞤬𞤵𞤲𞤣𞤫 𞤸𞤮𞤲𞤣𞤫 𞤶𞤢𞤩𞤭 𞤴𞤢𞤤𞤼𞤵𞤺𞤮𞤤 𞤲𞤶𞤫𞤥𞤦𞤢 « ðž¤‚𞤢𞤦𞤫 »â¹ 𞤸𞤢𞤴 𞤫 𞤱𞤮𞥅𞤼𞤫𞤪𞤫 𞤸𞤫𞤩𞤢𞥄𞤳𞤭. 𞤉𞤼𞤫𞤤𞤫! 𞤖𞤭𞤲𞤢𞥄 𞤧𞤢𞥄𞤪𞤫 𞤥𞤢𞤴𞤲𞤣𞤫 𞤱𞤭𞤢𞥄.

 𞤐𞤮 𞤺𞤢𞤧𞤢 𞤱𞤮𞤩𞥆𞤫 𞤫 𞤥𞤮𞤲 𞤱𞤭’𞤢𞤲 𞤥𞤭 𞤥𞤢𞤤𞥆𞤢 𞤱𞤮𞤱𞤤𞤢 𞤯𞤭 𞤧𞤫𞤤𞥆𞤵 𞤱𞤮𞤱𞤤𞤭𞤯𞤭𞤲 𞤱𞤮𞤲𞤣𞤫 𞤴𞤢𞤤𞤼𞤢𞥄𞤥𞤢⹁ 𞤸𞤢𞤸! 𞤌𞤲 𞤳𞤮 𞤣𞤢𞤱𞤪𞤮𞤲𞤳𞤫𞥅𞤶𞤮⹁ 𞤫𞤳𞤢𞤣𞤭⹁ 𞤧𞤭 𞤫𞤲 𞤼𞤢𞤧𞤳𞤭 𞤳𞤮𞤲𞤺𞤵𞤯𞤭 𞤥𞤢𞤳𞥆𞤮 𞤯𞤭𞤲⹁ 𞤫𞤲 𞤧𞤮’𞤢𞤴 𞤫 𞤥𞤢𞤶𞥆𞤭 𞤲𞤭𞤥𞤧𞤫𞤪𞤫 𞤧𞤫𞥅𞤯𞤢⁏ 𞤱𞤢𞤲𞤮 𞤸𞤮𞤲𞥆𞤮 𞤱𞤮𞤲𞤭𞤪𞤼𞤢.  𞤌 𞤱𞤭𞤭: » 𞤸𞤢𞤪𞤭 𞤸𞤢𞥄 𞤸𞤢𞤲𞤣𞤫 𞤤𞤫𞤴𞤣𞤭 𞤲’𞤣𞤭𞤲 𞤤𞤮’𞤭𞤪𞤢𞥄𞤤𞤭 𞤲𞤭𞥅. »  𞤉 𞤬𞤢𞤸𞤥𞤵 𞤥𞤮𞤲⹁ 𞤸𞤮𞤤 𞤳𞤮 𞤢𞤣𞥆𞤭 𞤴𞤮 𞤮 𞤸𞤵𞥅𞤼𞤮𞤪 𞤳𞤮𞤲𞤺𞤮𞤤  » 𞤤𞤮’𞤫𞤪𞤫 » 𞤳𞤮 𞤩𞤢𞤴 𞤱𞤮𞤲𞤢𞥄 𞤳𞤮 𞤸𞤢𞤤𞤣𞤢𞤲𞤮𞥅𞤳𞤮𞤲 𞤤𞤢𞥄𞤼𞤭𞥅⹁ 𞤧𞤢𞤦𞤵 𞤧𞤭 𞤬𞤮𞤱 𞤱𞤢𞤯𞤵𞤲𞤮 𞤧𞤭𞤬𞤢 𞤳𞤮 𞤤𞤢𞤦𞤫 𞤱𞤢𞤯𞤭 𞤳𞤮𞤲⹁ 𞤮 𞤼𞤫𞥅𞤽𞤼𞤭𞤲𞤭𞤪𞤢𞤴𞤲𞤮 𞤳𞤮𞤲𞤺𞤵𞤯𞤭 𞤥𞤢𞤳𞥆𞤮 𞤯𞤭𞤲 𞤧𞤭𞤬𞤢 𞤯𞤭𞥅> « ðž¤²ðž¤ºðž¤¢ðž¤»ðž¤¢ðž¤ªðž¤­ 𞤨𞤮𞤤𞤺𞤢𞤤⹁ » 𞤥𞤢𞤱𞤲𞤫𞤪𞤫 𞤶𞤢𞤤𞤼𞤢𞤤 𞤲𞤺𞤢𞤤⹁ 𞤳𞤮𞤲𞤮 ⹁ 𞤳𞤮 𞤮 𞤱𞤭𞤭 𞤳𞤮: « ðž¤¤ðž¤®’𞤫𞤪𞤫« .𞤂𞤮’𞤫𞤪𞤫 𞤲𞤮𞤲 𞤸𞤭𞤲𞤢𞥄 𞤤𞤭𞤩𞤫𞤪𞤫 𞤦𞤢𞤤 𞤳𞤮 𞤥𞤭𞤻𞤢𞤲 𞤥𞤵𞤲. 

𞤀𞤲𞤣𞤭𞤲𞤼𞤭𞤲𞤮𞤤 𞤫 𞤱𞤢𞤧𞤭𞤴𞤫𞥅

𞤀𞤱𞤢 𞤥𞤵𞤧𞤭𞤩𞥆𞤫 𞤫𞤲𞤫𞤲 𞤳𞤢𞤣𞤭 𞤲𞤣𞤢𞤪𞤼𞤫𞤲 𞤳𞤮’𞤫 𞤥𞤫𞤲⹁ 𞤧𞤭 𞤸𞤢𞤤𞤣𞤢𞥄𞤥𞤢 𞤴𞤮 𞤴𞤢𞤤𞤼𞤫⹁ 𞤩𞤫𞤴𞤢 𞤳𞤢𞤻𞤵𞤲 𞤤𞤵𞤼𞥆𞤭𞥅 𞤳𞤢 𞤷𞤵𞥅𞤯𞤭 𞤥𞤵𞤲 𞤲𞤶𞤫𞤥𞤦𞤫𞤥𞤩𞤫⹁ 𞤧𞤢𞤦𞤵 𞤧𞤭 𞤤𞤮𞤪𞥆𞤢 𞤢𞤪𞤭𞥅 𞤱𞤮𞤼𞤢 𞤫𞤲 𞤧𞤭𞤳𞥆𞤵 𞤫𞤲 𞤣𞤢𞤯𞤢𞤴 𞤩𞤫 𞤤𞤮𞤪𞥆𞤮𞥅 𞤳𞤢𞤥𞤩𞤫 𞤼𞤵𞤲. 𞤉 𞤬𞤢𞤸𞤥𞤵 𞤥𞤮𞤲 𞤳𞤮 𞤢𞤣𞥆𞤭 𞤴𞤮 𞤩𞤫 𞤧𞤢𞤤𞤮 𞤩𞤫 𞤥𞤢𞥄𞤼𞤢𞤥 𞤩𞤫𞤲 𞤴𞤢𞤤𞤼𞤢⹁ 𞤫 𞤸𞤭𞤲𞤢𞥄 𞤳𞤮 𞤩𞤢𞤴 𞤩𞤫 𞤴𞤭𞤯𞤢𞤼𞤢𞥄 𞤲𞤢𞤲𞤣𞤫 𞤴𞤢𞤤𞤼𞤭𞤪𞤢𞥄𞤥𞤢 𞤸𞤫𞤲 𞤬𞤮𞤱 𞤩𞤫 𞤬𞤫𞤤𞥆𞤭𞤪𞤭𞥅 𞤧𞤫𞤲𞤺𞤮 𞤱𞤮𞥅𞤼𞤮 𞤩𞤫 𞤱𞤢𞤪𞤭𞥅.  𞤥𞤵𞤧𞤭𞤯𞥆𞤮 𞤵𞤣𞥆𞤭𞤼𞤵 𞤸𞤢𞤳𞥆𞤭𞤤𞥆𞤫 𞤥𞤢𞥄 𞤯𞤫𞤲 𞤴𞤢𞤻𞥆𞤢𞥄⹁ 𞤱𞤮𞤼𞤢 𞤶𞤢𞤩𞤵 𞤱𞤮𞤲𞤵𞤺𞤮𞤤 𞤥𞤮 𞤥𞤭𞥅𞤶𞤮 𞤥𞤵𞤲 𞤴𞤢𞤱𞤼𞤢𞥄 𞤤𞤫𞥅𞤩𞤮𞤤 𞤧𞤵𞤳𞤵𞤲𞤣𞤵 𞤸𞤮𞥅𞤪𞤫 𞤥𞤵𞤲.

𞤉 𞤳𞤵𞤯𞤮𞤤: 𞤢𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮

𞤁𞤢𞤱𞤪𞤮

𞥒𞥙 𞤧𞤭𞥅𞤤𞤼𞤮 𞥒𞥐𞥑𞥙 

𞤖𞤢𞤪𞤢 𞤬𞤵𞥅𞤼𞤢 𞤲𞤮 𞤤𞤭𞤣𞥆𞤭𞤲𞤮𞥅 𞤶𞤫𞤴𞤼𞤢𞥄𞤪𞤫 ؟ 𞤬𞤫𞤬𞤭𞤲𞤣𞤢𞥄𞤪𞤫 𞤦𞤮𞤲𞤣𞤫 𞤲𞤣𞤫 𞤧𞤫𞥅𞤳𞤵 𞤼𞤵𞥅𞤪𞤫 𞤬𞤫𞤬𞤭𞤲𞤣𞤭𞥅.

𞤉 𞤲𞤣𞤫𞥅 𞤻𞤢𞤤𞤢𞥄𞤲𞤣𞤫 𞥒𞥘 𞤧𞤭𞥅𞤤𞤼𞤮 𞥒𞥐𞥑𞥙⹁ 𞤻𞤢𞤤𞤲𞤣𞤫 𞤣𞤵𞥅𞤩𞤭𞤼𞤢𞤲𞤣𞤫 𞤪𞤫𞤬𞤫𞤪𞤢𞤲𞤣𞤮𞤥 𞤺𞤮𞤤𞤭𞤲𞥆𞤢𞥄𞤩𞤫 𞤩𞤫𞤲⹁ 𞤥𞤫𞥅𞤪𞤭 𞤳𞤭𞤯𞥆𞤮 𞤋𞤆𞤈 𞤮𞤲 𞤳𞤢 𞤼𞤵𞤬𞤵𞤲𞤣𞤫 𞤤𞤢𞤦𞤫⹁ 𞤫 𞤺𞤮𞥅𞤤𞤵𞤯𞤮 𞤳𞤢 𞤨𞤢𞤪𞤼𞤭𞥅 𞤤𞤢𞥄𞤥𞤵 𞤺𞤭𞤲𞤫(𞤆𞤁𞤘- 𞤈𞤁𞤀) 𞤮 𞤱𞤫𞥅𞤩𞤭𞤼𞤭𞥅 𞤳𞤢𞥄 𞤧𞤵𞥅𞤣𞤵 𞤶𞤢𞤴𞤲𞤭𞤪𞤣𞤵 𞤤𞤢𞤦𞤫 𞤲𞤣𞤫𞤲 𞤸𞤵𞥅𞤲𞤣𞤫 𞤲𞤣𞤫 𞤮 𞤭𞤲𞥆𞤭𞤪𞤭 >𞤢𞤧𞤳𞤵𞤥𞤨𞤭𞤼𞤢𞤤 𞤦𞤢𞤯𞤢𞤤 𞤨𞤫𞤰𞥆𞤮𞤤𞤳𞤫𞤱𞤢𞤤 𞤦𞤮𞤲𞤺𞤢𞤤 < 𞤲𞤺𞤢𞤤 𞤢𞥄𞤥𞤣𞤵 𞤧𞤫𞥅𞤳𞤵 𞤼𞤵𞥅𞤪𞤫 𞤧𞤮𞤧𞤭 𞤫 𞤸𞤭𞤼𞤢𞥄𞤲𞤣𞤫 𞥑𞥙𞥗𞥗 𞤳𞤢 𞤤𞤭𞤥𞤢𞤤 𞤦𞤭𞤤𞤫𞤼𞤫𞤲𞤶𞤭 » 𞤢𞤱𞤢 »  𞤱𞤭𞤲𞤣𞤭𞤼𞤢𞥄𞤯𞤭 𞤲𞤣𞤫𞤪 𞤬𞤵𞥅𞤼𞤢 𞤶𞤢𞤤𞤮𞥅.

𞤏𞤢𞤲𞤮 𞤢𞤲𞤣𞤭𞤪𞤯𞤫𞤲 𞤲𞤮𞤲 𞤫 𞤸𞤭𞤼𞤢𞥄𞤲𞤣𞤫 𞥑𞥙𞥗𞥗 𞤢𞥄𞤥𞤢𞤣𞤵 𞤧𞤫𞥅𞤳𞤵 𞤼𞤵𞥅𞤪𞤫 𞤤𞤢𞥄𞤥𞤯𞤮 𞤥𞤫𞤲 𞤮𞤲⹁ 𞤳𞤢 𞤴𞤫𞤱𞤼𞤫𞤪𞤫 𞤥𞤢𞤳𞥆𞤮 𞤦𞤢𞤯𞤼𞤭𞤲𞤣𞤫 𞤸𞤢𞤳𞥆𞤵𞤲𞤣𞤫 𞤸𞤵𞥅𞤱𞤮𞤲𞤣𞤭𞤪𞤢𞤤 𞤬𞤢𞤪𞤢𞤲𞤧𞤭-𞤺𞤭𞤲𞤫 𞤲𞤺𞤮𞤲 𞤮 𞤸𞤮𞤤𞥆𞤵𞤲𞤮 » 𞤬𞤫𞤱𞤲𞤣𞤮 𞤶𞤭𞤨𞥆𞤭𞤪𞤮 𞤸𞤫𞤼𞥆𞤢𞥄𞤪𞤫 𞤲𞤺𞤫𞤲𞤣𞤭𞤴𞤢𞤲𞤳𞤮𞥅𞤪𞤫⹁  𞤤𞤭𞤣𞥆𞤵 𞤳𞤢𞤪𞤢𞤸𞤢𞤲𞤳𞤢𞥄𞤳𞤵𞥅⹁ 𞤫𞤲 𞤧𞤫𞥅𞤣𞤭𞤳𞤫 𞤢𞤧𞤺𞤮𞤤𞥆𞤮𞤲𞤣𞤭𞤪𞤢𞤤 𞤶𞤢𞤲𞤺𞤵𞤩𞤫 𞤬𞤵𞤤𞤩𞤫 𞤬𞤫𞤷𞥆𞤫𞤪𞤫 𞤲𞤣𞤫𞤲…  𞤫 𞤳𞤢𞤣𞤭 𞤥𞤢𞥄 𞤩𞤢𞤲𞤺𞤭𞤲𞤫𞤲⹁ 𞤳𞤢 𞤪𞤫𞤬𞤫𞤪𞤢𞤲𞤣𞤮𞤥 𞥒𞥘 𞤧𞤭𞥅𞤤𞤼𞤮⹁ 𞤬𞤫𞤱𞤲𞤣𞤮 𞤺𞤭𞤲𞤫 𞤬𞤮𞤱 𞤤𞤭𞥅𞤤𞤢𞤴𞤲𞤮 𞤥𞤢𞤲𞤼𞤮𞤪𞤢 » 𞤲𞤮𞥅 » 𞤲𞤺𞤢𞤥 𞤶𞤫𞤴𞤼𞤢𞥄𞤪𞤫 𞤫 𞤲𞤣𞤭𞤥𞤢𞥄𞤳𞤵⹁ 𞤳𞤮 𞤬𞤵𞥅𞤼𞤢 𞤼𞤵𞤲 𞤤𞤭𞥅𞤤𞤵𞤲𞤮𞥅 𞤥𞤢𞤲𞤼𞤮𞤪𞤭 « ðž¤±ðž¤µðž¤´ » 𞤧𞤢𞤦𞤵 𞤬𞤢𞤸𞤥𞤭𞤲𞤳𞤭𞤲𞤢𞥄𞤪𞤫 𞤫 𞤢𞤲𞤺𞤢𞤤 𞤸𞤫𞤪𞤧𞤢⹁ 𞤯𞤵𞤲 𞤲𞤮 𞤬𞤭𞤪𞤼𞤭:  » 𞤯𞤫𞤲 𞤴𞤭𞤯𞤭 𞤤𞤵𞤼𞥆𞤵𞤺𞤮𞤤 𞤫 𞤶𞤫𞤦𞥆𞤭𞤤𞤢𞥄𞤪𞤫 𞤳𞤢𞤪𞤸𞤢𞥄𞤳𞤵! ». 

𞤌 𞤱𞤭𞤭 𞤳𞤢𞤣𞤭 > 𞤩𞤫 𞤬𞤢𞥄𞤤𞤢𞤲𞤮𞥅𞤳𞤢 𞤶𞤫𞤴𞤼𞤢𞥄𞤪𞤫⹁ 𞤩𞤫𞥅 𞤬𞤵𞤤𞤩𞤫⹁ 𞤫 𞤳𞤢𞤣𞤭 𞤩𞤫 𞤸𞤫𞤪𞤧𞤭𞤲𞤭𞤪𞤭𞥅 𞤺𞤮𞤲𞤣𞤢𞤤 𞤥𞤫𞤲 𞤲𞤺𞤢𞤤 𞤷𞤮𞤬𞤼𞤮  » 𞤱𞤵𞤴 »< ⹁ 𞤫𞤯𞤫𞤲 𞤱𞤢𞥄𞤱𞤭 𞤼𞤢𞤱𞤣𞤫 𞤯𞤵𞤲 𞤳𞤢 𞤨𞤮𞤼𞥆𞤮𞤢𞤤 𞤲𞤺𞤫𞤲𞤣𞤭𞤱𞤢𞤤⹁ 𞤈𞤁𞤀 𞤲98⹁ 𞤼𞤢𞤴𞤪𞤫 𞤼𞤢𞤥𞥆𞤫𞤪𞤫⹁ 𞤥𞤮𞤪𞤧𞤮 𞥑𞥙𞥗𞥗⹁ 𞤳𞤮𞤲𞤢𞥄𞤳𞤪𞤭⹁ 𞤸𞤫𞤤𞥆𞤮𞤤 𞥒𞥐𞥐. 

𞤉 𞤬𞤢𞤸𞤥𞤵 𞤥𞤫𞥅𞤪𞤭 𞤳𞤭𞤯𞥆𞤮 𞤤𞤢𞤦𞤫 𞤮𞤲⹁ 𞤢𞤤𞤢𞤶𞥆𞤭 𞤭𞤦𞤪𞤢𞥄𞤸𞤭𞥅𞤥𞤢 𞤧𞤢𞤥𞤨𞤭𞤪𞤭𞤲 𞤶𞤢𞤤𞥆𞤮⹁ « ðž¤³ðž¤® 𞤯𞤭𞥅 𞤯𞤮𞤮 𞤱𞤮𞤲𞤭: 𞤳𞤮𞤲𞤺𞤵𞤯𞤭 𞤨𞤫𞤲𞤢𞥄𞤤𞤫 𞤦𞤮𞤲𞤯𞤭 𞤺𞤢𞤴 𞤫 𞤦𞤢𞤯𞤢𞤤 𞤨𞤫𞤰𞥆𞤮𞤤𞤳𞤫𞤱𞤢𞤤⹁ 𞤯𞤭 𞤬𞤢𞥄𞤲𞤣𞤵𞤲𞤣𞤫 𞤥𞤵𞤲 𞤹𞤭𞤪𞥆𞤢𞥄𞤳𞤢 𞤫 𞤶𞤢𞤼𞥆𞤵𞤺𞤮𞤤 𞤬𞤵𞥅𞤼𞤢 𞤳𞤢𞤤𞤢 𞤸𞤢𞤲𞤣𞤵𞤴𞤫𞥅 𞤼𞤢𞤱𞤼𞤮𞤪𞤫𞥅𞤣𞤫 𞤫 𞤲𞤺𞤢𞤤 𞤨𞤮𞤤𞤺𞤢𞤤 𞤥𞤢𞤱𞤲𞤺𞤢𞤤 𞤐𞤌𞥅 𞤪𞤮𞤳𞥆𞤵𞤲𞤺𞤢𞤤 𞤺𞤭𞤲𞤫 𞤶𞤫𞤴𞤼𞤢𞥄𞤪𞤫 𞤲𞤣𞤫𞤲𞤣𞤢𞥄𞤲𞤣𞤭 𞤥𞤵𞤲 𞤸𞤵𞥅𞤩𞤵𞤲𞤣𞤭.

𞤅𞤭𞤳𞥆𞤫 𞤱𞤮𞥅 𞤢𞤤𞤢𞥄⹁ 𞤧𞤮 𞤼𞤢𞤱𞤭𞥅 𞤫𞤲 𞤼𞤫𞤱𞤼𞤭𞤳𞤫 𞤲’𞤣𞤫𞥅 𞤤𞤭𞤥𞤮𞥅𞤪𞤫 𞥕𞥐.𞥕𞥐𞥒 𞤦𞤭𞤤𞤫𞤼𞤫𞤲 » 𞤱𞤵𞤴 » 𞤼𞤢𞤱𞤢𞥄𞤯𞤭 𞤬𞤵𞥅𞤼𞤢⹁ 𞤸𞤢𞤪𞤢 𞤱𞤢’𞤢𞤴 𞤱𞤢 𞤧𞤭 𞤫𞤲 𞤼𞤢𞤱𞤼𞤭𞥅 𞤲𞤺𞤮𞥅 𞤥𞤭𞥅𞤶𞤮 𞤻𞤮𞤤𞤲𞤺𞤮 𞤤𞤢𞥄𞤥𞤵 𞤧𞤫𞥅𞤳𞤵 𞤼𞤵𞥅𞤪𞤫 𞤬𞤢𞥄𞤤𞤢𞤲𞤮𞥅𞤲𞤺𞤵 𞤣𞤭𞤪𞤼𞤭𞤲𞤣𞤫 𞤳𞤢𞤤𞤢 𞤺𞤫𞤩𞤢𞤤 𞤥𞤮𞤰𞥆𞤢𞤤 𞤲𞤫𞤱𞤭𞤲𞤺𞤢𞤤  𞤬𞤢𞥄𞤲𞤣𞤵𞤲𞤣𞤫 𞤼𞤭𞤺𞤭𞤼𞤭𞤺𞤭𞤪𞤫 𞤲𞤣𞤫𞤲 𞤫 𞤲𞤺𞤮𞤲 𞤷𞤮𞤬𞤼𞤮.

𞤑𞤮𞤲𞤮⹁ 𞤧𞤭 𞤫𞤲 𞤲𞤣𞤢𞥄𞤪𞤭𞤪𞤭𞥅 𞤤𞤢𞤲𞤣𞤢𞤤 𞤲𞤺𞤢𞤤 𞤫 𞤬𞤮𞤲𞤺𞤮 𞤤𞤭𞤣𞥆𞤭𞥅𞤲𞤺𞤮⹁ 𞤥𞤢𞥄𞤲𞤢 𞤳𞤢 𞤴𞤫𞤱𞤼𞤵𞤺𞤮𞤤 𞤫 𞤺𞤫𞤯𞤫𞤤 𞤼𞤵𞥅𞤺𞤲𞤮𞤪𞤺𞤫𞤤( élément fondamental) 𞤲𞤺𞤫𞤤 𞤱𞤮𞤲𞤢𞥄 𞤧𞤭𞤲𞤢𞥄 𞤷𞤮𞤬𞤼𞤮 « ðž¤ðž¤Œðž¥… » 𞤲𞤺𞤮𞤲⹁ 𞤫𞤩𞥆𞤭𞤥𞤣𞤭𞤪𞤢𞤤 𞤯𞤵𞤲 𞤫 𞤫𞤥𞤦𞤫𞤪𞤫 𞤩𞤫𞤲 𞤷𞤮𞤬𞤼𞤵𞤩𞤫 𞤲𞤣𞤫𞤪 𞤳𞤢𞤤𞤢 26 𞤧𞤭𞤪𞤳𞤮𞤲𞤧𞤳𞤪𞤭𞤨𞤧𞤭𞤮𞤲𞤶𞤭 𞤯𞤭𞤲 𞤮𞤲𞤼𞤵𞤥𞤢 𞤫 𞤳𞤢𞤤𞤢 𞤼𞤵𞤬𞤵𞤲𞤣𞤫 𞤤𞤫𞤴𞤣𞤭 𞤲𞤣𞤭𞤲⹁ 𞤯𞤫𞤲 𞤪𞤢𞤱𞤲𞤮𞤪𞤢 𞤺𞤫𞤯𞤫𞤤 𞤩𞤵𞤪𞤲𞤺𞤫𞤤 𞤼𞤢𞤦𞤭𞤼𞤵𞤣𞤫 𞤤𞤢𞥄𞤩𞤭⹁ 𞤱𞤮𞤲𞤣𞤫𞤥𞤢 𞤺𞤭𞤲𞤫 𞤬𞤮𞥅𞤪𞤫𞤧𞤭𞤴𞤫𞥅𞤪  𞤲𞤮 𞤶𞤮𞤺𞤭𞤲𞤮𞥅 5 𞤧𞤭𞤪𞤳𞤮𞤲𞤧𞤳𞤪𞤭𞤨𞤧𞤭𞤮𞤲𞤶𞤭 𞤫 𞤳𞤢𞤣𞤭 𞤳𞤮 𞤳𞤢𞤴𞤪𞤫 𞤱𞤮𞤲𞥆𞤮𞥅 𞤼𞤵𞤬𞤵𞤲𞤣𞤫 𞤢𞤪𞤢𞤲𞤫𞤪𞤫 𞤷𞤮𞤬𞤼𞤵𞤺𞤮𞤤 »ðž¤²ðž¤®ðž¤² »â¹ 𞤱𞤮𞤲𞤣𞤵𞤣𞤫 𞥙𞥙%. 𞤊𞤵𞥅𞤼𞤢⹁ 𞤱𞤮𞤲𞤣𞤵𞤣𞤫 𞤫 𞤧𞤭𞤪𞤳𞤮𞤲𞤧𞤳𞤪𞤭𞤨𞤧𞤭𞤮𞤲𞤶𞤭 𞥙 ⹁ 𞤻𞤫𞤼𞥆𞤢𞤴 𞤶𞤵𞤤𞥆𞤫𞤪𞤫 𞤯𞤭𞤯𞤢𞤩𞤫𞤪𞤫 𞤱𞤮𞤲𞤣𞤵𞤣𞤫 𞤫 𞥙𞥘 % « ðž¤²ðž¤®ðž¥… ». 

𞤏𞤢𞤲𞤮 𞤢𞤲𞤣𞤭𞤪𞤯𞤫𞤲 𞤲𞤮𞤲 𞤺𞤫𞤲𞤣𞤭 𞤲𞤣𞤭𞤲 𞤫 𞤳𞤵𞥅𞤩𞤢𞤤⹁ 𞤷𞤮𞤬𞤼𞤮 𞤲𞤺𞤮𞤲 𞤳𞤮 𞤲𞤶𞤢𞤤𞤼𞤵𞤣𞤭 𞤲𞤣𞤭 1.200.171 𞤷𞤮𞤬𞤼𞤮𞥅𞤩𞤫 𞤣𞤢𞤻𞤭⹁ 1.130.292 𞤦𞤭𞤤𞤫𞤼𞤫𞤲 »ðž¤²ðž¤®ðž¥… » 𞤳𞤮 𞤸𞤢𞤱𞤪𞤭 94%. 

 » 𞤑𞤮 𞤧𞤢𞤦𞤵 𞤲𞤣𞤭𞥅 𞤲𞤶𞤢𞤤𞤼𞤵𞤣𞤭 𞤨𞤮𞤤𞤺𞤢𞤤 𞤯𞤮𞤮 𞤱𞤮𞤲𞤭 𞤳𞤮 𞤺𞤭𞤲𞤫 𞤱𞤢𞥄𞤱𞤭 𞤧𞤢𞤤𞤮𞤪𞤣𞤫 𞤬𞤢𞤸𞤲𞤣𞤵𞤲𞤣𞤫 𞤬𞤢𞤪𞤢𞤲𞤧𞤭 𞤲𞤣𞤫𞤲 » >𞤳𞤮 𞤯𞤵𞤲 𞤮 𞤱𞤭𞤭<  𞤶𞤮𞥅𞤲𞤭 𞤲𞤮𞤲 𞤱𞤭𞤵𞤺𞤮𞤤 𞤬𞤵𞥅𞤼𞤢 𞤬𞤢𞥄𞤤𞤢𞤲𞤮𞥅𞤳𞤢 𞤷𞤮𞤬𞤼𞤵𞤣𞤫 𞤬𞤭𞥅 𞤶𞤫𞤴𞤼𞤢𞥄𞤪𞤫⹁ 𞤯𞤵𞤲 𞤱𞤮𞤲𞤢𞥄 𞤸𞤵𞥅𞤲𞤣𞤫 𞤧𞤭𞥅𞤲𞤢 𞤬𞤢𞥄𞤤𞤫 𞤤𞤢𞤥𞥆𞤭𞤼𞤮𞤪𞤺𞤮𞤤 𞤦𞤮𞤲𞥆𞤫𞤪𞤫 𞤲𞤣𞤫 𞤤𞤢𞥄𞤥𞤵 𞤲𞤺𞤵𞤲 𞤢𞥄𞤣𞤭𞤲𞤮𞥅 𞤬𞤢𞤱𞤭 𞤪𞤫𞤲𞤣𞤮 𞤴𞤭𞤥𞤩𞤫 𞤲𞤣𞤫𞥅𞤲 𞤼𞤵𞤬𞤵𞤲𞤣𞤫 𞤬𞤵𞥅𞤼𞤢 𞤫 𞤲𞤣𞤫𞤪 𞤺𞤫𞤲𞤣𞤭 𞤲𞤣𞤭𞤲< 𞤳𞤮 𞤯𞤵𞤲 𞤱𞤮𞤲𞤭 𞤳𞤮 𞤩𞤢𞤲𞤺𞤭𞤲𞤭 𞤢𞤤𞤢𞤶𞥆𞤭 𞤭𞤦𞤪𞤢𞥄𞤸𞤭𞥅𞤥𞤢 𞤧𞤢𞤥𞤨𞤭𞤪𞤭𞤲 𞤶𞤢𞤤𞥆𞤮.

𞤉 𞤳𞤵𞤯𞤮𞤤 𞤢𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮.

𞤉𞤪𞤣𞤮𞤺𞤢𞥄𞤲 𞤸𞤫𞤪𞤧𞤭𞤪𞤢𞥄𞤤𞤭 𞤳𞤮𞤲𞤺𞤵𞤯𞤭 𞤥𞤵𞤲 ðž¤¯ðž¤­ðž¤².

𞤃𞤮𞤪𞤧𞤭𞥅⹁ 𞤫 𞤳𞤢𞤧𞤮𞤺𞤶𞤭⹁ 𞤫 𞤪𞤮𞤸𞤭𞤲𞤺𞤢𞥄⹁ 𞤫 𞤨𞤢𞤤𞤫𞤧𞤼𞤭𞥅𞤲⹁ 𞤫 𞤳𞤢𞤧𞤥𞤭𞥅𞤪⹁ 𞤳𞤮 𞤯𞤭𞥅 𞤱𞤮𞤲𞥆𞤮𞥅 𞤼𞤭𞥅𞤼𞤮𞥅𞤯𞤫 𞤴𞤫𞤱𞤼𞤫𞤪𞤫 𞤫𞤪𞤣𞤮𞤺𞤢𞥄𞤲 𞤲𞤣𞤫𞤲 𞤼𞤮 𞤣𞤫𞤲𞤼𞤢𞤤 𞤤𞤢𞤪𞤫 𞤨𞤮𞤼𞥆𞤵𞤯𞤫.(𞤲𞤫𞤱-𞤴𞤮𞤪𞤳)

𞤂𞤢𞥄𞤥𞤯𞤮 𞤼𞤵𞤪𞤳𞤭𞥅 𞤮𞤲⹁ 𞤪𞤢𞤶𞤢𞤦 𞤼𞤢𞤴𞥆𞤭𞤦 𞤫𞤪𞤣𞤮𞤺𞤢𞥄𞤲 𞤱𞤫𞤪𞤤𞤭𞤳𞤫 𞤳𞤮𞤲𞤺𞤵𞤯𞤭 𞤳𞤢 𞤲𞤦𞤢𞤼𞤭𞤪𞤣𞤵 𞤳𞤵𞥅𞤩𞤢𞤤 𞤣𞤫𞤲𞤼𞤢𞤤 𞤤𞤢𞤪𞤫 𞤨𞤮𞤼𞥆𞤵𞤯𞤫⹁ 𞤫 𞤬𞤫𞥅 𞤺𞤫𞤩𞤫 𞤸𞤫𞥅𞤱𞤵𞤯𞤫 𞤴𞤮𞤱𞤮𞤲𞤣𞤭𞤪𞤯𞤫 𞤫 𞤭𞤧𞤤𞤢𞥄𞤥 𞤲𞤣𞤫𞤪 𞤱𞤭𞤲𞤣𞤫𞤪 𞤲𞤣𞤫𞤲⹁ 𞤳𞤮 𞤱𞤢𞤲𞤮 𞤳𞤢𞤣𞤭⹁ 𞤫 𞤨𞤮𞤤𞤺𞤢𞤤 𞤥𞤢𞤱𞤲𞤺𞤢𞤤 𞤱𞤮𞤲𞤵𞤺𞤢𞤤  𞤣𞤮𞤱 𞤤𞤫𞤴𞤯𞤫 𞤳𞤫𞥅𞤪𞤭𞤲𞤢𞥄𞤯𞤫 𞤱𞤮𞤲𞤢𞤲𞤣𞤫 𞤲𞤶𞤵𞤩𞥆𞤵𞤣𞤭 𞤱𞤭𞤲𞤣𞤫𞤪𞤫𞤴𞤢𞤲𞤳𞤮𞥅𞤪𞤭 𞤲𞤣𞤭𞤲.

𞤂𞤢𞥄𞤥𞤯𞤮 𞤼𞤵𞤪𞤳𞤭𞥅 𞤮𞤲⹁ 𞤮 𞤫𞥅𞤱𞤭𞤳𞤫 𞤢𞤣𞤵𞤲𞤢 𞤮𞤲 𞤬𞤮𞤱 𞤲𞤣𞤫 𞤩𞤫 𞤰𞤫𞤼𞥆𞤢𞤼𞤢 𞤨𞤫𞤸𞤫 𞤪𞤫’𞤢𞤴𞤯𞤫 𞤶𞤭𞥅𞤩𞤮𞤤𞤣𞤵 𞤲𞤫𞤯𞥆𞤢𞥄𞤳𞤵 𞤱𞤮𞤲𞤵𞤺𞤵 𞤧𞤭𞤪𞤭𞥅 𞤲𞤺𞤵𞤲⹁ 𞤫 𞤮 𞤫𞥅𞤱𞤭𞤳𞤫 𞤳𞤢𞤣𞤭⹁ 𞤪𞤫𞤲𞤣𞤮 𞤢𞤣𞤵𞤲𞤢𞤴𞤢𞤲𞤳𞤫𞥅𞤱𞤮 𞤲𞤺𞤮𞤲 𞤲𞤣𞤫 𞤲𞤺𞤮 𞤻𞤭𞥅𞤩𞤭𞤲𞤼𞤢 𞤸𞤭𞤱𞤢𞥄𞤪𞤫 𞤳𞤢 𞤧𞤢𞥄𞤪𞤫 𞤧𞤭𞤪𞤭𞤲𞥆𞤢𞥄𞤩𞤫 𞤭𞤣𞤤𞤭𞥅𞤦. 

« ðž¤‰ðž¤² 𞤱𞤢𞥄𞤱𞤢𞤼𞤢𞥄 𞤣𞤢𞤻𞤢𞤲𞤣𞤫 𞤼𞤢𞤲𞤢𞥄 𞤱𞤮𞤲𞤳𞤢 𞤧𞤭𞤪𞤭𞥅𞤳𞤢𞤲 𞤬𞤫𞤸𞤪𞤫 𞤻𞤭𞥅𞤩𞤢𞤴𞤲𞤣𞤫⹁ 𞤧𞤭 𞤱𞤮𞤲𞤢𞥄⹁ 𞤲𞤣𞤫 𞤣𞤢𞤯𞤼𞤮𞤪𞤯𞤫𞤲 𞤳𞤮𞤲𞤺𞤮𞤤 𞤺𞤮𞥅𞤼𞤮𞤤 𞤫 𞤬𞤫𞥅 𞤨𞤫𞤤𞥆𞤫 𞤮𞤱𞤲𞤮𞥅𞤶𞤫 »â¹ (organisation terroriste) 𞤳𞤮 𞤯𞤵𞤲 𞤱𞤮𞤲𞤭 𞤳𞤮 𞤸𞤮𞤤𞥆𞤭 𞤫𞤪𞤣𞤮𞤺𞤢𞥄𞤲.

𞤌 𞤽𞤢𞤼𞤭𞥅𞤳𞤫 𞤫 𞤸𞤭𞤥𞥆𞤫𞤪𞤫 𞤪𞤫𞤵𞤺𞤮𞤤 𞤣𞤫𞤲𞤼𞤫 𞤺𞤮𞤤𞥆𞤮𞥅𞤩𞤫 𞤳𞤭𞤪𞤣𞤭𞤧𞤼𞤢𞤲𞤩𞤫 𞤱𞤮𞤲𞤭𞤪𞤩𞤫 𞤬𞤵𞤯𞤲𞤢𞥄𞤲𞤺𞤫   𞤬𞤢𞤪𞤢𞤼 𞤧𞤭𞤪𞤭𞥅 𞤩𞤫𞤲 .

𞤌 𞤶𞤮𞥅𞤨𞤭𞤳𞤫 𞤳𞤢𞤣𞤭 𞤱𞤮𞤲𞤣𞤫 𞤼𞤵𞤪𞤳𞤭𞥅 𞤣𞤢𞤲𞤣𞤭𞥅 𞥓𞥒𞥐𞥐𞥐 𞤼𞤵𞤽𞤢𞤪𞤢𞤲𞤳𞤫𞥅𞤩𞤫 𞤢𞤧𞤳𞤢𞤴𞤣𞤭𞤴𞤢𞤲𞤳𞤮𞥅𞤩𞤫 𞤱𞤢𞥄𞤧𞤵𞤣𞤫 𞤴𞤮𞥅𞤤𞤢𞥄𞤣𞤫 𞤳𞤢 𞤥𞤢𞥄𞤴𞤮 𞤲𞤣𞤫𞤪 𞤲𞤣𞤫𞥅 𞤸𞤭𞤼𞤢𞥄𞤲𞤣𞤫 » 𞤫 𞤥𞤫𞤲 𞤲𞤢𞤩𞤼𞤭𞥅 𞤼𞤵𞤽𞤢𞤪𞤢𞤲𞤳𞤫𞥅𞤩𞤫 𞥕𞥘𞥐𞥐𞥐 𞤩𞤫 𞤱𞤮𞤲𞤢𞥄 𞤧𞤭𞤪𞤭𞤲𞥆𞤢𞥄𞤩𞤫 𞤳𞤢 𞤤𞤫𞤴𞤯𞤫 𞤥𞤢𞤯𞤩𞤫 ». 

 ðž¤‰ðž¤ªðž¤£ðž¤®ðž¤ºðž¤¢ðž¥„𞤲 𞤲𞤮 𞤲𞤭𞤥𞤧𞤭⹁ 𞤼𞤢𞤱𞤣𞤫 𞤯𞤵𞤲 𞤫 𞤴𞤢𞥄𞤱𞤣𞤫 𞤢𞤣𞤵𞤲𞤢 𞤮𞤲 𞤴𞤫𞤶𞥆𞤭𞤼𞤭𞥅 𞤨𞤢𞤴𞤳𞤵𞤲 𞤧𞤭𞤪𞤭𞤲𞥆𞤢𞤸𞤵𞤲 𞤭𞤤𞤢𞤲 𞤳𞤵𞤪𞤣𞤭⹁ 𞤥𞤢𞥄𞤴𞤭𞤪𞤲𞤮𞥅𞤳𞤵𞤲 𞤴𞤮𞥅𞤤𞤢𞥄𞤪𞤫 𞤼𞤢𞤱𞤭 𞤩𞤫𞤴𞤲’𞤺𞤵𞥅𞤪𞤫 𞤥𞤢𞤳𞥆𞤵𞤲 𞤮𞤲 𞤲𞤮 𞤫 𞤤𞤢𞥄𞤱𞤮𞤤 𞤫𞤪𞤮𞤨. » 𞤏𞤮𞤼𞤢 𞤮𞤲 𞤴𞤫𞤶𞥆𞤭𞤼⹁ 𞤴𞤮𞤲𞤼𞤢 𞤮𞤲 𞤲𞤮 𞤱𞤢𞥄𞤱𞤭 𞤴𞤭𞥅𞤤𞤢𞥄𞤣𞤫 𞤸𞤢𞤪𞤢 𞤮𞤲𞤮𞤲 𞤳𞤢𞤣𞤭⹁ 𞤯𞤮𞤲 𞤫 𞤧𞤭𞤬𞤢 𞤮𞤲 𞤢𞤤𞤸𞤢𞥄𞤤𞤭 »â¹ 𞤳𞤮 𞤯𞤵𞤲 𞤮 𞤸𞤮𞤤𞥆𞤭. 

𞤗𞤵𞤣𞤵𞤧 𞤫 𞤳𞤭𞤧𞤥𞤭𞥅𞤪

𞤑𞤮 𞤴𞤮𞤱𞤮𞤲𞤣𞤭𞤪𞤭 𞤫 𞤨𞤢𞤤𞤫𞤧𞤼𞤭𞥅𞤲 𞤳𞤮𞤲⹁ 𞤤𞤢𞥄𞤥𞤯𞤮 𞤼𞤵𞤪𞤳𞤭𞥅 𞤮𞤲 𞤸𞤮𞤤𞥆𞤭𞥅 𞤱𞤮𞤲𞤣𞤫𞤥𞤢⹁ 𞤣𞤫𞤲𞤼𞤫 𞤤𞤢𞤪𞤫 𞤨𞤮𞤼𞥆𞤵𞤯𞤫 𞤲𞤮 𞤸𞤢𞥄𞤲𞤭 𞤦𞤢𞤥𞤦𞤵𞤣𞤫 𞤨𞤢𞤤𞤫𞤧𞤼𞤭𞥅𞤲 𞤩𞤵𞤪𞤭 𞤳𞤢 𞤬𞤮𞤣𞤮𞥅𞤶𞤫.

𞤌 𞤩𞤫𞤴𞤣𞤭⹁ « ðž¤…𞤭 𞤦𞤫𞥅𞤤𞤮𞤤 (conscience) 𞤥𞤫𞤲 𞤲𞤺𞤮𞤤 𞤥𞤫𞤥𞥆𞤭𞤲𞤢𞤲𞤢𞥄𞤳𞤭 𞤲𞤣𞤫𞥅 𞤥𞤢𞤴𞤣𞤫 𞤳𞤢𞥄𞤲𞤵𞤣𞤫  𞤮𞥅 𞤣𞤫𞤦𞥆𞤮 𞤨𞤢𞤤𞤫𞤧𞤼𞤭𞤲𞥆𞤢𞥄𞤶𞤮 𞤼𞤮𞥅𞤻𞤢𞥄𞤯𞤮 𞤥𞤮 𞤩𞤫𞥅 𞤣𞤢𞤪𞤭𞥅𞤩𞤫 𞤣𞤢𞤣𞤭𞤼𞤢𞤲𞤭𞥅 𞤸𞤭𞤱𞤢𞥄𞤪𞤫 𞤭𞤧𞤪𞤢𞥄𞤭𞥅𞤤 𞤱𞤢𞤪𞤵𞤲𞤮𞥅⹁ 𞤸𞤢𞤪𞤢𞤴 𞤸𞤢𞤲𞤣𞤫 𞤳𞤢𞤣𞤭 𞤸𞤢𞤤𞤢 𞤳𞤢𞤲 𞤥𞤢𞤪𞤢𞥄 𞤥𞤢𞥄𞤲𞤢𞥄 ».  

𞤌 𞤶𞤢𞤲𞤼𞤭𞤳𞤫 𞤱𞤮𞤲𞤣𞤫𞤥𞤢 𞤌𞤐𞤋𞥅 𞤫 𞤶𞤮𞤲𞤣𞤫 𞤸𞤭𞤱𞤢𞥄𞤪𞤫 𞤼𞤢𞤦𞤭𞤲𞤼𞤭𞤲𞤢𞥄𞤤𞤭 𞤣𞤢𞤣𞤭𞤼𞤮𞥅𞤶𞤫 (résolutions) 𞤯𞤫𞤲 𞤣𞤮𞤱 𞤭𞤧𞤪𞤢𞥄𞤭𞥅𞤤. 𞤌 𞤤𞤢𞤲𞤣𞤭𞤼𞤭𞥅⹁ 𞤐𞤢𞤬𞤢 𞤣𞤫𞤲𞤼𞤫 𞤤𞤢𞤪𞤫 𞤨𞤮𞤼𞥆𞤵𞤯𞤫؟ 𞤅𞤭 𞤬𞤫𞤱𞤶𞤮𞥅𞤶𞤫 𞤥𞤫𞤲 𞤯𞤫𞤲 𞤦𞤢𞤼𞥆𞤭𞤲𞤢𞥄𞤤𞤭 𞤫 𞤥𞤫𞤲⹁ 𞤳𞤮 𞤸𞤮𞤲𞤼𞤮 𞤲𞤵𞤲𞤯𞤢𞤤 𞤲𞤺𞤢𞤤 𞤣𞤢𞤻𞤫𞤼𞤫𞥅؟

« ðž¤‘𞤵𞤲𞤼𞤢𞤤 (solution) 𞤲𞤺𞤢𞤤 𞤳𞤮 𞤶𞤮𞤰𞥆𞤭𞤲𞤺𞤮𞤤 𞤳𞤭𞤧𞤢𞤲 𞤤𞤢𞥄𞤥𞤵 𞤨𞤢𞤤𞤫𞤧𞤼𞤭𞤲𞥆𞤢𞤱𞤵 𞤳𞤢𞤤𞤢 𞤱𞤮𞥅 𞤲𞤮 𞤲𞤫𞤱𞤮𞤪𞤭⹁ 𞤤𞤢𞤪𞤢𞤤 𞤲𞤣𞤭𞤥𞤢𞤤 𞤫 𞤤𞤫𞤴𞤱𞤮𞤤 𞤳𞤫𞥅𞤪𞤭 𞤯𞤭𞤲 𞥑𞥙𞥖𞥗 𞤱𞤮𞤲𞤣𞤵𞤣𞤫 𞤶𞤫𞤪𞤵𞤧𞤢𞤤𞤫𞤥 𞤬𞤵𞤯𞥆𞤲𞤢𞥄𞤲𞤺𞤫 𞤤𞤢𞥄𞤥𞤮𞤪𞤣𞤫 ». 𞤍𞤵𞤥 𞤱𞤮𞤲𞤭 𞤳𞤮 𞤌 𞤸𞤮𞤤𞥆𞤭. 

𞤂𞤢𞥄𞤥𞤯𞤮 𞤼𞤵𞤪𞤳𞤭𞥅 𞤮𞤲 𞤸𞤮𞤤𞥆𞤭𞥅 𞤱𞤮𞤲𞤣𞤫𞤥𞤢 𞤼𞤵𞤬𞤵𞤲𞤣𞤫 𞤳𞤢𞤧𞤥𞤭𞥅𞤪 𞤲𞤣𞤫𞤲 𞤲𞤮 𞤥𞤵𞥅𞤧𞤫𞥅𞤣𞤫  𞤬𞤢𞤴𞤣𞤢 𞤬𞤢𞤤𞥆𞤫𞤪𞤫 𞤥𞤢𞤱𞤲𞤣𞤫 𞤫 𞤸𞤮𞥅𞤪𞤫 𞤣𞤢𞤣𞤭𞤼𞤮𞥅𞤶𞤫 𞤶𞤮𞤲𞤣𞤫 𞤸𞤭𞤱𞤢𞥄𞤪𞤫 𞤣𞤫𞤲𞤼𞤫 𞤨𞤮𞤼𞥆𞤵𞤯𞤫 ( conseil de sécurité des nations unies)⹁ 𞤫 𞤳𞤢𞤣𞤭 𞤮 𞤧𞤭𞤬𞤼𞤭𞤲𞤭𞥅 𞤦𞤢𞤼𞥆𞤢𞤲𞤫 𞤴𞤵𞤪𞤥𞤵𞤯𞤫 𞤯𞤫 𞤼𞤵𞥅𞤽𞤢𞤪𞤢𞤲𞤳𞤫𞥅𞤩𞤫 𞤪𞤮𞤸𞤭𞤲𞤺𞤢𞥄 𞤱𞤮𞤲𞤭 𞤫 𞤥𞤵𞤲.

𞤂𞤢𞥄𞤥𞤭𞤯𞤮 𞤼𞤵𞤪𞤳𞤭𞤲𞥆𞤢𞥄𞤩𞤫 𞤮𞤲 𞤬𞤮𞤣𞤭𞥅 𞤱𞤫𞥅𞤩𞤭𞤼𞤵𞤺𞤮𞤤 𞤳𞤵𞤥𞤨𞤭𞤼𞤫 𞤫 𞤬𞤫𞥅 𞤥𞤢𞤴𞤣𞤫 𞤸𞤫𞤧𞤤𞤮𞥅𞤱𞤮 𞤧𞤢𞤱𞤣𞤭𞤲𞥆𞤢𞥄𞤶𞤮  𞤶𞤢𞤥𞤢𞤤 𞤳𞤢𞥄𞤧𞤮𞤺𞤭𞥅⹁ 𞤮𞤲 𞤥𞤮 𞤬𞤵𞤪𞤫𞥅 𞤥𞤵𞤥 𞤴𞤭𞥅𞤼𞤢𞤲𞤮𞥅 𞤳𞤢 𞤳𞤮𞤲𞤧𞤭𞤤𞤢𞥄 𞤤𞤫𞤴𞤣𞤭 𞤥𞤢𞤳𞥆𞤮 𞤭𞤧𞤼𞤢𞤲𞤦𞤵𞥅𞤤⹁ 𞤳𞤮 𞤱𞤢𞤲𞤮𞤲 𞤳𞤢𞤣𞤭 𞤫 𞤲𞤦𞤢𞥄𞤣𞤭 𞤥𞤢𞤴𞤣𞤫 𞤤𞤢𞥄𞤥𞤯𞤮 𞤥𞤭𞤧𞤪𞤢 𞤮𞤲 𞤥𞤢𞤥𞥆𞤢𞤣𞤵 𞤥𞤮𞤪𞤧𞤭𞥅⹁ 𞤧𞤢𞤦𞤵 𞤥𞤢𞤴𞤣𞤫 𞤥𞤢𞤳𞥆𞤮 𞤲𞤣𞤫𞤲 𞤳𞤮 𞤥𞤢𞤴𞤣𞤫 𞤩𞤢𞤧𞤭𞤲𞤣𞤫.

𞤔𞤮𞤺𞤢𞤤 𞤲𞤭𞤳𞤤𞤫𞥅𞤪

𞤉 𞤬𞤮𞤲𞤺𞤮 𞤺𞤮𞥅⹁ 𞤫𞤪𞤣𞤮𞤺𞤢𞥄𞤲 𞤸𞤮𞤤𞥆𞤭𞥅 𞤱𞤮𞤲𞤣𞤫𞤥𞤢 𞤫𞤲𞤫𞤪𞤶𞤭𞥅 𞤲𞤭𞤳𞤤𞤫𞥅𞤪 𞤮𞤲 𞤱𞤮𞤲𞤢𞤲𞤢 𞤬𞤮𞤱 𞤱𞤢𞤤𞥆𞤢 𞤼𞤮𞤽𞤢𞤲𞤫𞥅 𞤤𞤫𞤴𞤯𞤫 𞤯𞤫𞤲 𞤬𞤮𞤬⹁ 𞤫 𞤸𞤢𞤶𞤢𞤲𞤣𞤫  » 𞤢𞤧𞤬𞤮𞤼𞤮𞤲𞤣𞤭𞤪𞤢𞤤 » 𞤸𞤢𞤳𞥆𞤵𞤲𞤣𞤫 𞤤𞤫𞤴𞤯𞤫 𞤯𞤫𞤲 𞤫 𞤲𞤣𞤫𞥅 𞤼𞤮𞤩𞥆𞤫𞤪𞤫 𞤤𞤭𞥅𞤰𞤢𞤴 𞤬𞤵𞤳𞥆𞤭𞤲𞤢 𞤲𞤢𞤲𞤮𞤲𞤣𞤭𞤪𞤢𞤤 𞤱𞤭𞤲𞤣𞤫𞤪𞤴𞤢𞤲𞤳𞤮𞤱𞤢𞤤 𞤲𞤺𞤢𞤤.

« ðž¤ðž¤¢ðž¤ªðž¤²ðž¤£ðž¤« 𞤥𞤢𞤳𞥆𞤮 𞤲𞤣𞤫𞤲 𞤫 𞤬𞤫𞥅 𞤫𞤲𞤫𞤪𞤶𞤭𞥅 𞤲𞤭𞤳𞤤𞤫𞥅𞤪 𞤮𞤲⹁ 𞤳𞤮 𞤴𞤮 𞤼𞤮𞤽𞤢𞤲𞤫 𞤬𞤮𞤬 𞤱𞤢𞤤𞥆𞤢 𞤤𞤢𞥄𞤼𞤢𞤲𞤮𞥅 𞤬𞤮𞤨 »â¹ 𞤳𞤮 𞤯𞤵𞤲 𞤱𞤮𞤲𞤭 𞤳𞤮 𞤮 𞤸𞤮𞤤𞥆𞤭 𞤳𞤢 𞤲𞤦𞤢𞤼𞤭𞤪𞤣𞤵 𞤳𞤵𞥅𞤩𞤢𞤤 𞤣𞤫𞤲𞤼𞤫 𞤤𞤢𞤪𞤫 𞤨𞤮𞤼𞥆𞤵𞤯𞤫.

𞤑𞤮 𞤴𞤮𞤱𞤮𞤲𞤣𞤭𞤪𞤭 𞤫 𞤶𞤮𞤺𞤢𞤤𞤶𞤭 𞤥𞤵𞤲𞤷𞤢𞤴𞤯𞤭 𞤸𞤵𞥅𞤩𞤵𞤯𞤭⹁  » 𞤮 𞤸𞤮𞤤𞥆𞤭𞥅: 𞤲𞤫𞤱𞤲𞤢 𞤲𞤮𞤲 𞤳𞤢𞤤𞤢 𞤤𞤫𞤴𞤣𞤭⹁ 𞤥𞤢𞥄𞤯𞤵𞤲 𞤼𞤮𞤽𞤢𞤲𞤮𞤲 𞤳𞤢𞤤𞤢 𞤤𞤫𞤴𞤣𞤭⹁ 𞤯𞤮𞤲 𞤸𞤢𞤪𞤢𞤴 𞤫𞤤𞥆𞤢 𞤮𞤲 𞤻𞤢𞤱𞤲𞤣𞤭𞤪𞤢𞥄𞤥𞤢 𞤲𞤵𞤲𞤯𞤢𞤤 ». 

𞤉 𞤬𞤭𞥅 𞤲𞤶𞤵𞤩𞥆𞤵𞤣𞤭 𞤱𞤭𞤲𞤣𞤫𞤪𞤫𞤴𞤢𞤲𞤳𞤮𞥅𞤪𞤭 𞤲𞤣𞤭𞤲⹁ 𞤥𞤮𞥅𞤣𞤭 𞤫𞤪𞤣𞤮𞤺𞤢𞥄𞤲 𞤸𞤮𞤤𞥆𞤭𞥅: 𞤸𞤭𞤼𞥆𞤫𞤪𞤫 𞤫 𞤸𞤢𞤼𞤮𞤲𞤶𞤭𞤲𞤢𞤤 𞤬𞤫𞤱𞤲𞤭𞤼𞤢𞥄𞤪𞤫 (réformer)  𞤳𞤢 𞤶𞤮𞤲𞤣𞤫 𞤸𞤭𞤱𞤢𞥄𞤪𞤫 »â¹ 𞤮 𞤩𞤫𞤴𞤣𞤭𞤼𞤭:  » 𞤥𞤫𞤲 𞤱𞤢𞤯𞤭𞥅 𞤥𞤮𞥅𞤣𞤭 𞤬𞤵𞤤𞤳𞤢𞤲 𞤦𞤮𞤶𞤳𞤫𞤪 𞤳𞤢 𞤢𞤪𞤣𞤢𞤺𞤮𞤤 𞤪𞤮𞤺𞤫𞤪𞤫(session) 𞤲𞤦𞤢𞤼𞤭𞤪𞤣𞤵 𞤳𞤵𞥅𞤩𞤢𞤤 𞤣𞤫𞤲𞤼𞤫 𞤤𞤢𞤪𞤫 𞤨𞤮𞤼𞥆𞤵𞤯𞤫.

𞤌𞤥𞤮 𞤼𞤢𞤥𞤰𞤭𞤲𞤭𞥅 𞤳𞤢𞤣𞤭 𞤳𞤢 𞤬𞤭𞤴𞤢𞥄𞤳𞤫 𞤭𞤪𞤢𞤲 𞤮𞤲 𞤴𞤫𞤱𞤼𞤭𞤪𞤢𞥄 𞤳𞤫𞤱𞤼𞤵𞤺𞤮𞤤(rationnelle) 𞤫 𞤧𞤢𞥄’𞤭 𞤥𞤮 𞤱𞤮𞤯𞥆𞤢𞥄.

𞤉 𞤳𞤵𞤯𞤮𞤤: 𞤢𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮.

𞤄𞤭𞤧𞤢𞥄𞤱/ 𞤺𞤭𞤲𞤫. 

𞤙𞤢𞤤𞤲𞤣𞤫 𞥒𞥕 𞤧𞤭𞤤𞤼𞤮 𞥒𞥐𞥑𞥙.

𞤁𞤢𞤩𞥆𞤭𞤼𞤫𞤪𞤫 𞤨𞤫𞤪𞤮𞤲𞤶𞤭 𞤴𞤢𞥄𞤧𞤭𞥅𞤶𞤭 𞤯𞤭𞤯𞤭 𞤲𞤣𞤫𞤪 𞤺𞤭𞤲𞤫 𞤦𞤭𞤧𞤢𞥄𞤱𞤵⹁ 𞤩𞤭𞤯𞤩𞤫 𞤺𞤭𞤲𞤫 𞤲𞤶𞤮𞤱𞤮(𞥕) ðž¤¸ðž¤«ðž¤£ðž¥†ðž¤­ðž¤³ðž¤«.

𞤖𞤢𞤲𞤣𞤫 𞤫 𞤸𞤮𞥅𞤪𞤫𞤦𞤭𞥅𞤪𞤫 / 𞥒𞥑 / 𞤧𞤭𞥅𞤤𞤮 / 𞥒𞥐𞥑𞥙 𞤪𞤫𞤲𞤣𞤮 𞤺𞤭𞤲𞤫 𞤲𞤺𞤮𞤲 𞤭𞤥𞥆𞤮𞤣𞤭𞥅 𞤫 𞤧𞤵𞤲𞤮 𞤥𞤢𞤱𞤲𞤺𞤮. 𞤐𞤶𞤮𞤱𞤮 𞤱𞤮𞤲𞤭𞥅 𞤳𞤮 𞤲𞤮𞥅𞤼𞤭 𞤶𞤮𞥅𞤥𞤭 𞤥𞤢𞤯𞤩𞤫⹁ 𞤫 𞤲𞤢𞤴𞤮(𞥙) 𞤸𞤫𞤤𞤵𞤩𞤫 𞤦𞤢𞤪𞤥𞤭. 𞤒𞤮 𞤢𞤤𞤤𞤢 𞤸𞤭𞤲𞥆𞤮 𞤴𞤢𞥄𞤬𞤮 𞤬𞤢𞥄𞤼𞤭𞥅𞤩𞤫 𞤩𞤫𞤲⹁ 𞤧𞤫𞤤𞥆𞤭𞤲𞤢 𞤦𞤢𞤪𞤥𞤵𞤩𞤫 𞤩𞤫𞤲

𞤃𞤵𞤧𞤭𞤯𞤩𞤫 𞤱𞤢𞤲𞤮 𞤧𞤵𞤼𞤮𞤪𞤯𞤮𞤲 𞤲𞤮𞤲 𞤫 𞤲𞤺𞤢𞤤 𞤲𞤢𞤼𞤢𞤤⹁ 𞤳𞤮 𞤸𞤵𞤩𞤫𞥅𞤪𞤫 𞤲𞤣𞤫 𞤷𞤮𞤱𞤢𞤲𞤯𞤫 𞤥𞤢𞤸𞤣𞤭𞥅𞤶𞤭 𞤼𞤢𞤼𞤭⹁ 𞤱𞤮𞤲𞤭 𞤳𞤮 𞤨𞤫𞤪𞤮𞤲𞤶𞤭 𞤥𞤵𞤥 𞤴𞤢𞥄𞤧𞤭𞥅𞤶𞤭 𞤯𞤭𞤯𞤭⹁ 𞤣𞤢𞤩𞥆𞤭𞤼𞤭𞥅 𞤸𞤮𞥅𞤪𞤫 𞤩𞤫𞥅 𞤩𞤭𞤯𞤩𞤫 𞤺𞤭𞤲𞤫𞤲𞤢𞥄𞤩𞤫. 𞤖𞤢𞤲𞤳𞤭 𞤶𞤫𞤥𞥆𞤢⹁ 𞤳𞤢 𞤸𞤮𞤶𞤮𞤥𞤫𞤪𞤫 𞤶𞤫𞥅𞤼𞤢𞤼𞤭𞤩𞤭𞥅𞤪𞤫 𞤫 𞤳𞤮 𞤬𞤢𞤱𞤭⹁ 𞤳𞤮𞤴 𞤨𞤫𞤪𞤮𞤲 𞤸𞤮𞤴 𞤣𞤢𞤩𞥆𞤭𞤼𞤭𞥅 𞤴𞤢𞤲𞤭 𞤸𞤮𞥅𞤪𞤫 𞤥𞤢𞤯𞤩𞤫

𞤖𞤢𞤲𞤳𞤭 𞤶𞤫𞤥𞥆𞤢 𞤬𞤫𞤲𞤣𞤮 𞤳𞤢 𞤲’𞤣𞤭𞤴𞤢𞤲 𞤯𞤢𞤲 𞤧𞤢𞥄𞤰𞤼𞤢 𞤯𞤮𞤲⹁ 𞤢𞤪𞤵𞤲𞤮𞥅𞤩𞤫 𞤯𞤵𞤱𞤢𞤺𞤮𞤤⹁ 𞤫 𞤴𞤫𞥅𞤴𞤢𞤴𞤲𞤮𞥅𞤩𞤫 𞤬𞤮𞤱⹁ 𞤤𞤵𞤼𞥆𞤭𞥅 𞤫 𞤲𞤺𞤮 𞤥𞤢𞤧𞤭𞥅𞤦𞤮 𞤱𞤢𞤯𞤵𞤲𞤺𞤮 𞤸𞤢𞤲𞤳𞤭. 𞤉𞤳𞤢𞤣𞤭 𞤩𞤫 𞤣𞤢𞤯𞤭𞥅 𞤱𞤢𞤴𞤲𞤮𞤣𞤭𞤪𞤣𞤫 𞤫 𞤩𞤫𞤴𞤲𞤺𞤵𞥅𞤪𞤫𞥅𞤶𞤭 𞤥𞤢𞤯𞤩𞤫.𞤸𞤢𞤲𞤳𞤭 𞤤𞤢𞥄𞤼𞤢𞤲𞤭𞤳𞤫𞤩𞤫 𞤻𞤢𞤤𞤢𞥄𞤲𞤣𞤫 𞤧𞤢𞤳𞥆𞤭𞤼𞤭𞥅𞤲𞤣𞤫 𞤫 𞤣𞤵𞤲𞤴𞤢𞥄𞤪𞤵. 𞤸𞤢𞤲𞤳𞤭 𞤩𞤫   𞤸𞤮𞥅𞤼𞤭𞥅 𞤧𞤢𞤸𞤪𞤫 𞤺𞤮𞥅𞤲𞤺𞤢.

𞤅𞤫𞥅𞤯𞤢 𞤫 𞤲𞤮 𞤺𞤢𞤯𞤢𞤤(𞤢𞤳𞤧𞤭𞤮𞤲) 𞤲𞤺𞤢𞤤 𞤬𞤫𞤰𞥆𞤭𞤪𞤭.

𞤇𞤵𞤪𞤯𞤮 𞤤𞤮𞤤𞥆𞤵𞤣𞤫 𞤫 𞤥𞤢𞤯𞤩𞤫 𞤮𞤲 𞤳𞤮: 𞤷𞤵𞤳𞥆𞤮 𞤴𞤭𞥅𞤤𞤭𞤪𞤣𞤫 𞤴𞤢𞤤𞤼𞤵𞤩𞤫 𞤺𞤭𞤲𞤫 𞤩𞤫𞤲⹁ 𞤤𞤮𞤤𞥆𞤭𞤪𞤯𞤮 » 𞤷𞤭𞤱𞤼𞤮 »â¹ 𞤲𞤫𞤯𞥆𞤮 𞤣𞤢𞤪𞤢𞤲𞤭𞤲𞤮𞥅𞤯𞤮 𞤩𞤭𞤯𞥆𞤮 𞤺𞤭𞤲𞤫 𞤬𞤫𞤱𞤲𞤣𞤮 𞤸𞤢𞤲𞤣𞤫⹁ 𞤫 𞤧𞤮𞤲𞥆𞤢𞥄𞤶𞤮 𞤴𞤫𞥅𞤴𞤮𞥅𞤱𞤮 𞤼𞤮𞥅𞤪𞤭⁏ 𞤱𞤮𞤲𞤣𞤵𞤣𞤫 𞤫 𞤶𞤭𞤱𞤵𞤲 𞤥𞤢𞤳𞥆𞤮. 

𞤉 𞤱𞤭’𞤭𞥅 𞤧𞤫𞥅𞤣𞤫𞥅𞤩𞤫 𞤺𞤮𞥅⹁ » 𞤲𞤣𞤫 𞤨𞤫𞤪𞤮𞤲 𞤸𞤵𞤲 𞤱𞤮𞤲𞤭𞤪𞤳𞤵𞤲 𞤣𞤮𞤱 𞤳𞤵𞤲 𞤬𞤮𞤳𞥆𞤭𞤼𞤵𞤲𞤮⹁ 𞤫𞥅𞤱𞤮𞤤 𞤶𞤭𞤱𞤮 𞤲𞤶𞤢𞤲𞤮 𞤧𞤮𞤲𞥆𞤢𞥄𞤶𞤮 𞤴𞤫𞥅𞤴𞤮𞥅𞤱𞤮 𞤼𞤮𞥅𞤪𞤭 𞤮𞤲⹁ 𞤫 𞤱𞤮𞤲𞥆𞤮𞥅𞤩𞤫 𞤧𞤫𞤪𞤢 𞤩𞤫𞤲⹁ 𞤱𞤮𞥅𞤣𞤢𞥄𞤲𞤮 𞤳𞤮 𞤲𞤢𞤬𞤭𞤩𞤫. 𞤅𞤢𞤦𞤵 𞤣𞤮𞤺𞤵𞤲𞤮𞥅𞤩𞤫 𞤲𞤺𞤢𞤥 𞤣𞤢𞤯𞤵𞤺𞤮𞤤 𞤩𞤫𞤲⹁ 𞤳𞤮 𞤯𞤮𞤲 𞤼𞤵𞥅𞤬𞤫 𞤺𞤮𞥅 𞤣𞤮𞤰𞥆𞤭𞤼𞤭𞥅 𞤫 𞤥𞤢𞤯𞤩𞤫⹁ 𞤳𞤮 𞤢𞤣𞤭𞥅 𞤩𞤫 𞤧𞤮𞤪𞤼𞤢𞥄𞤣𞤫. 𞤖𞤢𞤳𞥆𞤫𞤥𞤢 𞤳𞤮 𞤺𞤢𞤯𞤢𞤤 𞤲𞤺𞤢𞤤 𞤴𞤢𞥄𞤱𞤭 𞤳𞤮𞤲⹁ 𞤳𞤮 𞤽𞤢𞤤𞤢𞤱 𞤱𞤮𞤲𞤼𞤢𞤲𞤵 𞤼𞤢𞤱𞤢𞤲𞤮𞥅𞤩𞤫 𞤩𞤫𞤲 ». 

𞤏𞤮𞤯𞤩𞤫 𞤫 𞤥𞤢𞤯𞤩𞤫 𞤳𞤮 𞤳𞤮 𞤦𞤵𞤤𞤣𞤫𞤶𞤫𞥅𞤪 𞤮𞤲 𞤢𞤪𞤭⹁ 𞤢𞤲𞤣𞤭𞥅⹁ 𞤶𞤢𞤳𞤢 𞤩𞤫 𞤥𞤢𞤴𞤲𞤮.𞤒𞤫𞤪𞤵 𞤸𞤫𞤤𞤵𞤩𞤫 𞤩𞤫𞤲⹁ 𞤲𞤮 𞤩𞤫 𞤸𞤫𞤤𞤭𞤪𞤭 𞤳𞤮 𞤤𞤢𞤩𞥆𞤭 𞤸𞤫𞤩𞤢𞥄𞤳𞤭 𞤫 𞤥𞤵𞤲 𞤼𞤢𞤸𞤮⹁ 𞤧𞤢𞤦𞤵 𞤲𞤮𞤲⹁ 𞤩𞤫 𞤬𞤮𞤱 𞤳𞤮 𞤧𞤢𞤳𞥆𞤭𞤼𞤮𞤪𞤩𞤫 𞤦𞤢𞤧𞤢𞤺𞤮𞤤 𞤳𞤢 𞤤𞤢𞤦𞤵𞤼𞤢𞥄𞤲𞤫. 𞤑𞤮 𞤩𞤵𞤪𞤭 𞤬𞤫𞥅𞤻𞤵𞤣𞤫 𞤳𞤮𞤲⹁ 𞤳𞤮 𞤦𞤢𞤼𞥆𞤫 𞤦𞤭𞤪𞤳𞤭𞥅𞤶𞤫 𞤺𞤮𞥅 𞤸𞤢𞤱𞤪𞤭 𞤫 𞤥𞤢𞤯𞤩𞤫(𞤧𞤢𞤬𞤪𞤭𞤪𞤣𞤵). 

𞤎𞤫𞥅𞤱𞤫𞤲 𞤲𞤢𞤼𞤢𞤤 𞤲𞤺𞤢𞤤 𞤤𞤫𞤴 𞤯𞤮𞤮⹁ 𞤩𞤵𞤪𞤼𞤫𞤲 𞤼𞤫𞤽𞤼𞤭𞤲𞤣𞤫 𞤦𞤢𞤯𞤢𞤤 𞤲𞤺𞤢𞤤.

𞤑𞤮𞤴 𞤨𞤫𞤪𞤮𞤲 𞤸𞤮𞤴 𞤳𞤮𞤴 𞤧𞤵𞤼𞤭𞤯𞤮𞤲 𞤯𞤮𞥅⹁ 𞤲𞤮 𞤳𞤮𞤴 𞤣𞤭𞤣𞤮𞤪𞤭 𞤢𞤤𞤢 𞤫 𞤥𞤢𞤳𞥆𞤮𞤴 𞤥𞤢𞤪𞤳𞤮𞤴 𞤲𞤶𞤢𞤲𞤣𞤭 𞤳𞤮 𞤼𞤢𞤥𞤦𞤮𞥅𞤳𞤮𞤴⹁ 𞤳𞤮 𞤧𞤭𞤥𞤢𞤲 𞤩𞤮𞤤𞤮⹁ 𞤥𞤢𞥄𞤲𞤢𞥄 𞤦𞤫𞤼𞤮𞤲 𞤨𞤫𞤼.

𞤉 𞤣𞤮𞤱 𞤳𞤮𞤲𞤺𞤮𞤤 𞤴𞤢𞥄𞤳𞤮𞤪𞤢𞥄𞤯𞤮 𞤺𞤭𞤲𞤫 𞤮𞤲 𞤲𞤣𞤫𞤪 𞤺𞤭𞤲𞤫 𞤦𞤭𞤧𞤢𞥄𞤱⹁ 𞤫 𞤸𞤮𞥅𞤪𞤫𞥅𞤶𞤮 𞤳𞤢𞤱𞤼𞤭𞤼𞤢𞤤 𞤪𞤫𞤲𞤣𞤮 𞤴𞤢𞤤𞤼𞤵𞤩𞤫 𞤺𞤭𞤲𞤫 𞤮𞤲⹁ 𞤸𞤮𞤤𞥆𞤭 𞤱𞤮𞤲𞤣𞤫 𞤱𞤢𞤯𞤼𞤭𞤲𞤺𞤮𞤤 𞤲𞤺𞤮𞤤⹁ 𞤳𞤮 𞤶𞤢𞤲𞤺𞤮 𞤣𞤫𞤱𞤮 𞥒𞥒 𞤧𞤭𞥅𞤤𞤮 𞥒𞥑𞥐𞥙 𞤳𞤢 𞤲𞤶𞤢𞤥𞤣𞤭 𞤧𞤢𞤨𞥆𞤢𞤩𞤭𞥅𞤪𞤭 𞤫 𞤸𞤢𞤳𞥆𞤵𞤲𞤣𞤫(𞥑𞥐: 𞥓𞥐)⹁ 𞤳𞤢 𞤦𞤫𞤪𞤯𞤫 𞤢𞤲𞤼𞤭𞤤𞤢 𞤦𞤮𞤲𞤮. 𞤖𞤢𞤪𞤢𞤴 𞤥𞤮 𞤳𞤢𞤤𞤢 𞤲𞤮 𞤼𞤮𞤪𞤢𞥄 𞤼𞤢𞤱𞤼𞤮𞤪𞤫𞥅𞤣𞤫 𞤱𞤮𞤲𞤢𞤲𞤣𞤫 𞤻𞤭𞥅𞤩𞤭𞤩𞤫 𞤺𞤭𞤲𞤫 𞤦𞤭𞤧𞤢𞥄𞤱.

𞤃𞤫𞤲 𞤢𞤪𞤼𞤮𞤴𞤢𞤴 𞤫 𞤥𞤮𞤲 𞤫 𞤳𞤢𞤤𞤢 𞤳𞤵𞤥𞤨𞤭𞤼𞤢𞤤 𞤴𞤮𞤱𞤮𞤲𞤣𞤭𞤪𞤲𞤺𞤢𞤤 𞤫 𞤲𞤺𞤮𞥅 𞤥𞤢𞤧𞤭𞥅𞤦𞤮 𞤧𞤵𞤲𞤭𞤲𞤺𞤮. 

𞤉 𞤳𞤵𞤯𞤮𞤤: 𞤢𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮.

𞤘𞤭𞤲𞤫 𞤦𞤭𞤧𞤢𞥄𞤱.

𞤖𞤌𞤂 𞤄𞤀𞤚𞥆𞤉 𞤉 𞤁𞤌𞤐𞤑𞤋𞤐 ðž¤‚𞤉𞥅𞤆𞤋؟

𞤔𞤮𞤥 𞤲𞤺𞤮𞥅 𞤥𞤭𞥅𞤶𞤮 𞤲𞤮𞤪𞤯𞤵𞤲𞤺𞤮

 ðž¤ðž¤«ðž¤ªðž¤£ðž¤«ðž¤¨ðž¤µðž¤¤ðž¤¢ðž¤ª 𞤲𞤮 𞤧𞤢𞤤𞤥𞤭𞤲𞤢 𞤳𞤢𞤤𞤢 𞤤𞤢𞥄𞤼𞤭𞥅𞤯 𞤲𞤮  

𞤼𞤢𞤪𞤢 𞤥𞤫𞤲⹁ 𞤫 𞤳𞤢𞤤𞤢 𞤥𞤭𞥅𞤶𞤭𞥅𞤯𞤮 𞤪𞤮𞤲𞤳𞤭 𞤤𞤢𞥄𞤼𞤢𞥄𞤣𞤫. 𞤖𞤢𞤲𞤣𞤫 𞤫 𞤲’𞤣𞤫𞥅 𞤻𞤢𞤤𞤢𞥄𞤲𞤣𞤫 𞤼𞤫𞤣𞥆𞤵𞤲𞤣𞤫 𞤯𞤫𞤲 𞤶𞤢𞤲𞤼𞤮𞥅 𞤱𞤢𞤤𞥆𞤢 𞤱𞤭’𞤫𞤲 𞤯𞤫𞤲 𞤪𞤮𞤳𞥆𞤢 𞤺𞤭𞥅𞤯𞤫 𞤴𞤮𞤺𞤢𞥄𞤶𞤫 𞤫 𞤬𞤢𞤸𞤥𞤵 𞤥𞤫𞤲 𞤣𞤮𞤱 𞤣𞤮𞤲𞤳𞤭𞤲𞤤𞤫𞤨𞥆𞤭. 𞤃𞤮 𞤳𞤢𞤤𞤢 𞤲𞤮 𞤼𞤮𞤪𞤢𞥄 𞤻𞤢𞥄𞤺𞤢𞥄 𞤱𞤫𞥅𞤩𞤭𞤼𞤵𞤺𞤮𞤤 𞤥𞤭𞥅𞤶𞤮 𞤥𞤵𞤲 𞤫 𞤲𞤣𞤫𞥅 𞤼𞤮𞤩𞥆𞤫𞤪𞤫.

لبسم الله الرحمن الرحيم

𞤉𞤲 𞤲𞤶𞤫𞤼𞥆𞤭𞥅 𞤺𞤫𞤲𞤮 𞤼𞤢𞤱𞤲𞤵𞤯𞤮 𞤫𞤲⹁ 𞤣𞤮𞤲𞤳𞤭𞤲 𞤸𞤭𞤳𞥆𞤢 𞤱𞤫𞤤𞤼𞤢𞥄𞤪𞤫 𞤲’𞤣𞤫𞤲

𞤫𞤲 𞤶𞤵𞥅𞤤𞤭𞥅 𞤫 𞤧𞤵𞤩𞤢𞥄𞤯𞤮 𞤼𞤫𞤬𞤢𞤲𞤢𞤴𞤯𞤮 𞤫𞤲⹁ 𞤶𞤢𞤲𞤺𞤮، 𞤼𞤵𞤥𞤢 𞤲𞤣𞤫 𞤬𞤮𞤱 𞤪𞤮𞤲𞤳𞤢𞤲𞤭 

𞤴𞤮 𞤮 𞤧𞤵𞤳𞥆𞤭𞤲 𞤣𞤫𞥅𞤰𞤫𞤪𞤫 𞤫 𞤥𞤫𞤲⹁ 𞤸𞤢𞥄 𞤨𞤮𞥅𞤥𞤢𞥄 𞤯𞤫𞤲 𞤴𞤫𞤼𞥆𞤭𞤪𞤢 𞤥𞤮 𞤯𞤵𞤲

𞤴𞤫𞥅𞤦𞤮𞤪𞤣𞤫 𞤨𞤭𞤲𞤫 𞤥𞤫𞤲 𞤮 𞤣𞤢𞤲𞤣𞤢 𞤫𞤲⹁ 𞤺𞤢𞤴𞤲𞤢𞤤 𞤸𞤢𞥄𞤶𞤵 𞤥𞤫𞤲 𞤮 𞤼𞤭𞥅𞤯𞤭𞤲𞤢 𞤫𞤲

𞤃𞤭𞥅𞤶𞤮 𞤲’𞤺𞤮 𞤥𞤮 𞤳𞤢𞤤𞤢 𞤱𞤮𞤲𞤢𞤲𞤯𞤮 𞤼𞤮𞥅𞤱𞤢𞤤 𞤫 

𞤈𞤫𞤱𞤩𞤫 𞤬𞤵𞤤𞤩𞤫

𞤼𞤭𞥅𞤯𞤢𞤤 𞤩𞤢𞤥𞤼𞤢𞥄𞤪𞤫 𞤪𞤫𞤲𞤣𞤮 𞤥𞤢𞤳𞥆𞤮 𞤫 𞤺𞤮𞤲𞤣𞤢𞤤 𞤥𞤢𞤳𞥆𞤮.

𞤒𞤭𞤯𞤩𞤫 𞤢𞤲⹁ 𞤸𞤢𞤲𞤣𞤫 𞤤𞤢𞥄𞤩𞤢𞤲𞤭 𞤳𞤢𞤤𞤢 𞤩𞤭𞥅 𞤲’𞤺𞤮𞤤 𞤤𞤫𞤻𞤮𞤤 𞤱𞤮𞤲𞤣𞤫𞤥𞤢 𞤳𞤮 𞤸𞤢𞤯𞤭 𞤫𞤲 𞤨𞤮𞤤𞤺𞤢𞤤 𞤫 𞤩𞤢𞤥𞤼𞤢𞤤 𞤲𞤢𞥄 𞤳𞤮 𞤦𞤵𞤴 𞤸𞤫𞥅𞤱𞤢𞤼𞤢 𞤥𞤭𞥅𞤶𞤢𞥄𞤣𞤫 𞤱𞤢𞤤𞥆𞤢 𞤧𞤭𞤳𞥆𞤢𞤼𞤢⹁ « ðž¤¢ðž¤²ðž¤ºðž¤¢ðž¤¤ 𞤤𞤢𞥄𞤥𞤵. » 𞤖𞤢𞤴 𞤲𞤮𞤲 𞤧𞤭 𞤼𞤢𞤱𞤭𞥅 𞤤𞤢𞥄𞤥𞤵 𞤲𞤮 𞤩𞤢𞤥𞤼𞤢⹁ 𞤶𞤢𞤳𞤢 𞤴𞤮 𞤸𞤫𞤲𞤢𞤲 𞤫𞤲 𞤲𞤮 𞤱𞤮𞥅𞤣𞤭𞥅 𞤳𞤮 𞤢𞤼𞤭𞥅⹁ 𞤲𞤮 𞤱𞤮𞥅𞤣𞤭 𞤳𞤮 𞤸𞤢𞥄𞤲𞤭 𞤢𞤪𞤣𞤢𞥄𞤣𞤫⹁ 𞤲𞤮 𞤱𞤮𞥅𞤣𞤭 𞤳𞤮 𞤸𞤢𞥄𞤲𞤭 𞤸𞤭𞤳𞥆𞤢𞥄𞤣𞤫 𞤴𞤫𞥅𞤧𞤮 𞤧𞤭 𞤤𞤢𞥄𞤥𞤵 𞤶𞤮𞤳𞥆𞤢⁏ 𞤯𞤵𞤲 𞤲𞤢𞥄 𞤸𞤢𞤴 𞤫 𞤸𞤵𞥅𞤲𞤣𞤫 𞤧𞤮 𞤱𞤮𞤲𞤢𞥄 » 𞤲𞤺𞤫𞥅𞤼𞤵 𞤧𞤫𞤤𞥆𞤵𞤲𞤺𞤵 𞤸𞤭𞤧𞤭⹁ 𞤸𞤭𞤧𞤭𞤪𞤲𞤺𞤵 𞤢𞤲𞤣𞤢𞤤 𞤫 𞤥𞤭𞤷𞥆𞤢𞥄𞤳𞤵 𞤱𞤮𞤯𞥆𞤵𞤲𞤺𞤵⹁ 𞤱𞤮𞤲𞤣𞤵𞤣𞤫 𞤫 𞤢𞤪𞤣𞤮𞥅𞤣𞤭 𞤰𞤫𞤤𞥆𞤭𞤼𞤭𞥅𞤲𞤣𞤭 𞤰𞤫𞤤𞥆𞤭𞤼𞤢𞤲𞤭𞥅 𞤳𞤢𞤤𞤢 𞤲𞤮𞥅𞤲𞤫 𞤫 𞤬𞤭𞤴𞤢𞤳𞤵𞥅𞤶𞤭 𞤣𞤵𞤲𞤴𞤢𞥄𞤪𞤵 𞤱𞤢𞥄𞤱𞤢𞤴𞤲𞤺𞤵 𞤧𞤢𞤳𞥆𞤢𞥄𞤣𞤫 𞤳𞤢𞤤𞤢 𞤨𞤫𞤸𞤫 𞤺𞤢𞤻𞤮 𞤫 𞤺𞤭𞤯𞤮 𞤥𞤮 𞤢𞤲𞤣𞤢𞥄 𞤲𞤮 𞤲𞤢𞤬𞤭𞤪𞤢 𞤺𞤭𞤯𞤮 𞤥𞤵𞤲⹁ 𞤤𞤢𞥄𞤼𞤮𞤼𞤮𞥅𞤲𞤣𞤭 𞤴𞤮𞤲𞥆𞤮𞤪𞤺𞤢𞤤 𞤴𞤭𞤥𞤩𞤫 𞤥𞤢𞤺𞥆𞤵 ».

𞤑𞤮 𞤨𞤮𞤼𞥆𞤢𞤤 𞤫 𞤲𞤢𞤲𞤮𞤲𞤣𞤭𞤪𞤢𞤤 𞤪𞤭𞤥𞤢𞤼𞤢!

𞤊𞤫𞤱 𞤸𞤢𞤲𞤣𞤫 𞤤𞤢𞥄𞤩𞤭𞤪𞤭𞥅 𞤱𞤢 𞤩𞤵𞤪𞤢𞥄𞤯𞤢𞤲 𞤳𞤫𞤷𞥆𞤢𞤲

𞤕𞤵𞤳𞤢𞤤𞤫𞤤 𞤨𞤵𞤤𞤫𞤤

𞤏𞤮𞤲𞤣𞤫𞤥𞤢 𞤧𞤭 𞤫𞤲 𞤴𞤭𞤯𞤭𞥅 𞤸𞤵𞥅𞤲𞤣𞤫 𞤫𞤲 𞤬𞤮𞤼𞥆𞤭𞥅 𞤫 𞤥𞤢𞤴𞤪𞤫 𞤳𞤮𞤲𞤺𞤮𞤤 𞤫 𞤳𞤵𞥅𞤺𞤢𞤤⹁ 𞤤𞤢𞥄𞤥𞤵 𞤴𞤭𞤯𞤭 𞤢𞤻𞤭 𞤲𞤺𞤵 𞤯𞤮𞤱𞤮𞤪𞤢𞤴 𞤫𞤲⁏ 𞤲𞤺𞤵 𞤱𞤫𞤤𞤢𞥄 𞤐𞤺𞤵 𞤥𞤫𞤼𞥆𞤢𞥄 𞤐𞤺𞤵 𞤯𞤢𞤩𞥆𞤭𞤪𞤢𞤴 𞤫𞤲 𞤨𞤫𞤸𞤫⹁ 𞤲𞤺𞤵 𞤣𞤭𞥅𞤧𞤮𞤼𞤮 𞤫𞤲⹁ 𞤲’𞤺𞤵 𞤱𞤢𞥄𞤱𞤢𞤼𞤢𞥄 𞤤𞤢𞥄𞤼𞤢𞥄𞤣𞤫 𞤳𞤮 𞤱𞤮𞥅𞤪𞤭 𞤫𞤲⹁ 𞤫 𞤳𞤢 𞤧𞤢𞤳𞥆𞤭𞤼𞤮𞥅𞤣𞤫 𞤲’𞤺𞤵 𞤶𞤭𞤤𞥆𞤢𞤴 𞤫𞤲 𞤳𞤢 𞤺𞤮𞤤𞥆𞤫 𞤳𞤢𞤬𞤵 𞤤𞤫𞤴𞤣𞤭. 𞤅𞤭 𞤢 𞤲𞤢𞤲𞤭𞥅 𞤱𞤢𞤤𞥆𞤢 𞤢 𞤴𞤭’𞤭𞥅 𞤤𞤢𞥄𞤥𞤵 𞤣𞤮𞤤𞤲𞤵𞤲𞤺𞤵 𞤲𞤮 𞤼𞤢𞤦𞤭𞤼𞤭 𞤫 𞤲𞤮𞤳𞥆𞤵⹁ 𞤱𞤮𞤼𞤢 𞤤𞤢𞤲𞤣𞤮 𞤬𞤫𞤤𞥆𞤭𞤼𞤵 𞤳𞤮 𞤼𞤢𞤱𞤢𞤼𞤢𞥄 𞤯𞤮𞤲 𞤳𞤮 𞤺𞤮𞤲𞤣𞤢𞤤 /population) 𞤶𞤢𞥄𞤧𞤵𞤲𞤺𞤢𞤤 𞤤𞤮’𞤭.

𞤀𞤱𞤢 𞤦𞤢𞤲𞤣𞤭𞤪𞤢𞥄𞤩𞤫 𞤴𞤮 𞤣𞤮𞤲𞤳𞤭𞤲𞤤𞤫𞤨𞥆𞤭 𞤱𞤮𞤲𞤢𞤲 𞤫𞤲 𞤬𞤭𞥅𞤲𞤢𞤲𞤣𞤫⹁ 𞤲𞤣𞤫 𞤣𞤭𞤥𞤯𞤫 𞤥𞤵𞤲 𞤧𞤫𞥅𞤪𞤢𞤼𞤢𞥄 𞤫 𞤥𞤫𞤲 𞤸𞤢𞥄 𞤻𞤢𞤤𞤲𞤣𞤫. 𞤐𞤣𞤫 𞤣𞤭𞤥𞤯𞤫 𞤥𞤵𞤲 𞤫 𞤲𞤦𞤫𞤤𞤢𞤲 𞤥𞤵𞤲 𞤥𞤫𞤼𞥆𞤢𞤼𞤢𞥄 𞤼𞤮 𞤬𞤮𞤲𞤣𞤮𞥅𞤶𞤭 𞤥𞤫𞤲 𞤸𞤢𞥄 𞤨𞤮𞥅𞤥𞤢

𞤁𞤮𞤲𞤳𞤭𞤲𞤤𞤫𞤨𞥆𞤭 𞤪𞤵𞤼𞤭𞥅 𞤥𞤢𞤶𞤢𞤲𞤮𞥅𞤯𞤭 𞤥𞤫𞤲 𞤸𞤫𞥅𞤱𞤯𞤭⹁

𞤏𞤮𞤲𞤭 𞤳𞤮 𞤳𞤢 𞤦𞤢𞤲𞤽𞤫 𞤰𞤫𞤤𞥆𞤭𞤼𞤢𞤲𞤢𞤺𞤮𞤤 𞤼𞤢𞤱𞤢𞤤 𞤥𞤫𞤲 𞤲’𞤺𞤢𞤤 𞤫 𞤴𞤭𞤯𞤢𞤲𞤺𞤮𞤤 𞤥𞤮 𞤥𞤵𞤲 𞤳𞤮 𞤥𞤭𞤲 𞤳𞤮𞤲. 𞤉 𞤳𞤢𞤣𞤭  𞤱𞤮𞤲𞤭 𞤳𞤮 𞤳𞤢 𞤻𞤫𞤲𞤼𞤭𞤲𞤺𞤮𞤤 𞤴𞤫𞥅𞤧𞤮𞥅𞤩𞤫 𞤥𞤫𞤲 𞤩𞤫𞤲. 𞤣𞤮𞤲𞤳𞤭𞤲𞤤𞤫𞤨𞥆𞤭 𞤱𞤵𞤪𞤲𞤭𞤼𞤭𞥅 𞤩𞤢𞤤𞥆𞤭 𞤫 𞤱𞤮𞤲𞤳𞤭𞥅𞤶𞤭 𞤯𞤭 𞤺𞤮𞥅𞤼𞤮 𞤧𞤭𞤳𞥆𞤢𞤼𞤢𞥄𞤲𞤮 𞤱𞤵𞥅𞤪𞤭𞤼𞤵𞤺𞤮𞤤 𞤥𞤢𞤶𞥆𞤭⹁ 𞤸𞤢𞤲𞤣𞤫 𞤫𞤲 𞤱𞤢𞥄𞤱𞤭𞥅 𞤣𞤢𞤻𞤵𞤣𞤫 𞤧𞤵𞤳𞤢𞥄𞤩𞤫 𞤩𞤫 𞤣𞤵𞥅𞤩𞤭 𞤼𞤢𞤼𞤭 𞤸𞤢𞥄 𞤫 𞤶𞤮𞤱𞤭 𞤻𞤢𞥄𞤰𞤮𞤪𞤢𞤴𞤩𞤫 𞤳𞤢 𞤥𞤫𞤲 𞤥𞤢𞤲𞤼𞤮𞤪𞤢 𞤭𞤱𞤣𞤭 𞤥𞤢𞤱𞤩𞤫 𞤥𞤢𞤯𞤩𞤫 𞤫 𞤥𞤢𞥄𞤥𞤭𞤪𞤢𞥄𞤩𞤫 𞤥𞤢𞤯𞤩𞤫.

𞤒𞤮𞤺𞤢 𞤫 𞤨𞤭𞥅𞤲𞤢𞤤𞤫 𞤯𞤫 𞤣𞤮𞤲𞤳𞤭𞤲𞤤𞤫𞤨𞥆𞤭 𞤲𞤮 𞤬𞤭𞥅𞤲𞤢 𞤫𞤲

𞤄𞤢𞤼𞥆𞤢𞤲𞤫 𞤨𞤮𞤼𞥆𞤢𞤤 𞤸𞤢𞤳𞥆𞤵𞤲𞤣𞤫 𞤶𞤫𞤴𞤣𞤵𞤩𞤫.

𞤐𞤣𞤢𞥄𞤪𞤫 𞤬𞤢𞤴𞤩𞤫 𞤫 𞤥𞤢𞤱𞤩𞤫 𞤲𞤮 𞤱𞤮𞤲𞤭 𞤸𞤵𞥅𞤲𞤣𞤫 𞤱𞤮𞥅𞤼𞤫𞤪𞤫⹁ 𞤳𞤢 𞤣𞤭𞥅𞤲𞤢⹁ 𞤳𞤢 𞤫𞤲𞤯𞤢𞤲 𞤫 𞤳𞤢 𞤣𞤢𞤱𞤤𞤢(𞤤𞤢𞤪𞤢𞤤)⹁ 𞤴𞤢𞤤𞥆𞤭 𞤱𞤢 𞤯𞤵𞤲 𞤫 𞤽𞤢𞤪𞤭𞤲𞤣𞤫 𞤱𞤫𞤴𞤯𞤢 𞤲𞤮 𞤱𞤮𞥅𞤣𞤭؟ 𞤢𞤤𞤢𞥄⹁ 𞤫𞤲 𞤸𞤫𞤩𞤢𞤼𞤢𞥄⹁ 𞤫𞤲 𞤬𞤮𞤼𞤭𞤲𞤣𞤭𞤪𞤼𞤢𞥄 𞤲’𞤣𞤫𞥅 𞤶𞤵𞤤𞤣𞤫𞥅𞤪𞤫 𞤯𞤮𞤮 ⹁ 𞤫 𞤸𞤢𞤴 𞤫 𞤱𞤮𞥅𞤼𞤫𞤪𞤫 𞤴𞤫𞤪𞤵 𞤯𞤫 𞤥𞤭 𞤥𞤢𞥄𞤲𞤣𞤭𞥅 𞤯𞤫𞤲⹁ 𞤧𞤮 𞤼𞤢𞤱𞤭𞥅 𞤲𞤮 𞤱𞤮𞥅𞤣𞤭 𞤸𞤢𞤪𞤢𞤴 𞤴𞤺𞤭𞥅𞤯𞤫 𞤥𞤮𞤲 𞤯𞤫𞤲 𞤲𞤮 𞤵𞤣𞥆𞤭𞤼𞤢𞤲𞤢 𞤬𞤮𞤲𞤼𞤢𞤲𞤢𞥄 𞤶𞤵𞥅𞤯𞤫 𞤫 𞤱𞤫𞥅𞤪𞤤𞤭𞤼𞤮𞤤. 𞤁𞤮𞤲𞤳𞤭𞤲𞤤𞤫𞤨𞥆𞤭 𞤲𞤮 𞤶𞤢𞤲𞥆𞤢 𞤫𞤲 𞤱𞤮𞤲𞤣𞤫𞤥𞤢 𞤫𞤲 𞤧𞤫𞤤𞤢𞤴 𞤧𞤵𞥅𞤯𞤭𞤼𞤢𞥄𞤪𞤫 𞤫 𞤶𞤢𞥄𞤧𞤭𞤲𞤳𞤭𞤲𞤢𞥄𞤪𞤫 𞤫 𞤸𞤫𞤪𞤧𞤢 𞤳𞤢 𞤱𞤫𞤤𞥆𞤭𞤼𞤢𞤤. 𞤁𞤮𞤲𞤳𞤭𞤲𞤤𞤫𞤨𞥆𞤭 𞤲𞤮 𞤶𞤢𞤲𞥆𞤢 𞤫𞤲 𞤱𞤮𞤲𞤣𞤫𞤥𞤢 𞤩𞤵𞤩𞤼𞤵 𞤫 𞤩𞤢𞤥𞤼𞤢𞤤 𞤳𞤮 𞤲’𞤣𞤫𞤪 𞤭𞤫𞤪𞤢𞤼𞤢⹁ 𞤨𞤮𞥅𞤥𞤢𞥄 𞤩𞤢𞤥𞤼𞤢𞤤 𞤫 𞤤𞤮𞤤𞥆𞤫𞤪𞤫 𞤲𞤮 𞤭𞤱𞤪𞤢𞤲𞤢 𞤪𞤫𞤲𞤣𞤮 𞤴𞤢𞥄𞤧𞤭. 𞤁𞤮𞤲𞤳𞤭𞤲𞤤𞤫𞤨𞥆𞤭 𞤲𞤮 𞤶𞤢𞤲𞥆𞤢 𞤫𞤲 𞤱𞤮𞤲𞤣𞤫𞤥𞤢 𞤳𞤮 𞤶𞤮𞤳𞥆𞤫𞤪𞤫 𞤫𞤲𞤯𞤢𞤥⹁ 𞤫 𞤲𞤢𞤲𞤮𞤲𞤣𞤭𞤪𞤢𞤤 𞤫 𞤸𞤵𞥅𞤤𞤢𞤲𞤣𞤫 𞤱𞤮𞥅𞤼𞤫𞤪𞤫 𞤸𞤢𞤴 𞤧𞤭 𞤳𞤮 𞤫 𞤲𞤦𞤢𞥄𞤣𞤭 𞤧𞤫𞤪𞤼𞤵𞤲𞤣𞤭 𞤱𞤮𞤲𞤭 𞤺𞤢𞤴𞤲𞤫𞤪𞤫 𞤸𞤢𞥄𞤶𞤵⹁ 𞤱𞤮𞤲𞤭 𞤯𞤢𞤯𞤮𞤤 𞤳𞤢𞤤𞤢 𞤼𞤮𞥅𞤱𞤢𞤤 𞤫 𞤼𞤭𞥅𞤯𞤢𞤤 𞤪𞤫𞤲𞤣𞤮 𞤫 𞤳𞤢𞤤𞤢 𞤳𞤮 𞤶𞤮𞤳𞥆𞤭𞤲𞤺𞤮. 𞤁𞤮𞤲𞤳𞤭𞤲𞤤𞤫𞤨𞥆𞤭 𞤲𞤮 𞤼𞤭𞤲𞤣𞤭𞤲𞤢 𞤫𞤲 𞤱𞤮𞤲𞤣𞤫𞤥𞤢 𞤸𞤮𞥅𞤤𞤮𞤪𞤣𞤫 𞤼𞤢𞤱𞤢𞤤 𞤨𞤵𞤤𞤢𞥄𞤳𞤵 𞤨𞤫𞤼(𞤼𞤢𞤲) 𞤱𞤢𞥄𞤱𞤢𞥄𞤤𞤭 𞤫𞤲 𞤩𞤢𞤥𞤼𞤵𞤣𞤫⹁ 𞤳𞤮 𞤥𞤢𞥄 𞤺𞤮𞤤𞥆𞤢𞤤 𞤧𞤫𞤥𞤦𞤵𞤲’𞤺𞤢𞤤 𞤶𞤮𞤳𞥆𞤮𞤪𞤢 𞤲’𞤣𞤫𞤲 𞤸𞤮𞥅𞤤𞤢𞥄𞤪𞤫. 𞤁𞤮𞤲𞤳𞤭𞤲𞤤𞤫𞤨𞤭 𞤲𞤮 𞤩𞤢𞤲𞤺𞤭𞤲𞤢𞤲𞤢 𞤫𞤲 𞤬𞤢𞥄𞤲𞤣𞤵𞤲𞤣𞤫 𞤩𞤢𞥄𞤱𞤮 𞤣𞤢𞤪𞤭𞥅𞤯𞤮 𞤫 𞤢𞤴𞤲𞤮𞥅𞤱𞤮 𞤱𞤵𞤪𞤲𞤭𞤼𞤢 𞤩𞤫𞤪𞤯𞤫 𞤱𞤵𞥅𞤪𞤭𞤣𞤢𞥄𞤩𞤫 𞤩𞤫𞤲 𞤩𞤢𞤲𞤼𞤢𞥄𞤤𞤭 𞤳𞤢𞤱𞤼𞤭𞤼𞤢𞤤 𞤸𞤢𞤴 𞤫 𞤺𞤮𞥅𞤼𞤢𞤤 𞤲’𞤣𞤫𞤪 𞤱𞤭𞤲𞤣𞤫𞤪𞤫 𞤲𞤣𞤫𞤲. 𞤁𞤮𞤲𞤳𞤭𞤲𞤤𞤫𞤨𞤭 𞤬𞤫𞤲𞤧𞤭𞤼𞤢𞤲𞤭𞥅 𞤫𞤲 𞤤𞤢𞥄𞤩𞤢𞤤 𞤪𞤫𞥅𞤣𞤵 𞤩𞤮𞤤𞤢𞤤 𞤳𞤮 𞤢𞤤𞤣𞤢𞥄 𞤥𞤭𞥅𞤶𞤮 𞤣𞤢𞤪𞤢𞤲𞤼𞤮𞥅𞤲𞤺𞤮 𞤲’𞤺𞤢𞤤 𞤤𞤢𞥄𞤩𞤢𞤤 𞤳𞤮 𞤶𞤭𞥅𞤩𞤮𞤤𞤣𞤵 𞤫 𞤴𞤫𞥅𞤦𞤫𞤪𞤫 𞤶𞤮𞤥 𞤲𞤺𞤫𞥅𞤼𞤵𞥅𞤶𞤭 𞤤𞤮𞤵𞤯𞤭⹁ 𞤪𞤭𞤥𞤢𞤲𞤼𞤢 𞤪𞤫𞤲𞤣𞤮 𞤥𞤫𞤲.

𞤇𞤵𞤪𞤭𞤴𞤢𞥄

𞤒𞤮 𞤺𞤫𞤲𞤮 𞤪𞤫𞥅𞤲𞤢𞤲 𞤫𞤲 𞤩𞤵𞤪𞤭𞤴𞤢𞥄 𞤫 𞤳𞤢𞤬𞤭𞤣𞤭𞥅𞤩𞤫 𞤥𞤢𞤳𞥆𞤮.

𞤃𞤵𞤧𞤭𞤣𞤯𞤩𞤫 𞤫𞤲 𞤱𞤢𞥄𞤱𞤢𞥄 𞤸𞤮𞤥𞤦𞤵𞤣𞤫 𞤲’𞤣𞤫𞥅 𞤱𞤭𞤲𞤣𞤢𞤲𞤣𞤫 𞤯𞤮𞥅 𞤳𞤮 𞤸𞤭𞤲𞤢𞥄 𞤫 𞤱𞤫𞤤𞤼𞤢𞤲𞤢𞥄𞤣𞤫 𞤶𞤢𞤪𞤲𞤢 𞤩𞤫𞤲 𞤶𞤮𞥅𞤯𞤭𞥅𞤩𞤫 𞤥𞤭𞥅𞤶𞤭𞤼𞤭𞥅 𞤳𞤮 𞤩𞤮𞥅𞤴𞤭 𞤶𞤵𞥅𞤼𞤭𞤲𞤭⹁ 𞤪𞤮𞤲𞤳𞤭 𞤸𞤫𞤪𞤼𞤮𞤪𞤣𞤫 𞤲𞤺𞤮𞥅 𞤥𞤭𞥅𞤶𞤮⹁ 𞤱𞤢𞤯𞤭𞤲𞤺𞤮 𞤥𞤭𞥅𞤶𞤮 𞤪𞤫𞤲𞤣𞤢𞥄𞤲𞤺𞤮. 𞤃𞤭𞥅𞤶𞤮 𞤲’𞤺𞤮 𞤲𞤢𞤬𞤮𞥅𞤪𞤫 𞤥𞤵𞤲 𞤤𞤵𞤼𞥆𞤢𞤼𞤢 𞤸𞤢𞥄 𞤨𞤮𞥅𞤥𞤢. 𞤉𞤲 𞤣𞤵’𞤢𞤲𞤼𞤮𞤩𞤫 𞤼𞤮𞤪𞤢𞤲𞤮𞤯𞤫𞤲 𞤩𞤫 𞤼𞤮 𞤢𞤤𞤤𞤢𞤸𞤵 𞤥𞤢𞤤𞤢𞤤 𞤳𞤢 𞤢𞤣𞤵𞤲𞤢 𞤺𞤢𞥄 𞤫 𞤼𞤮 𞤤𞤢𞥄𞤳𞤢𞤪𞤢⹁ 𞤼𞤮𞤪𞤲𞤣𞤫 𞤲𞤣𞤫 𞤳𞤢𞤤𞤢 𞤶𞤵𞥅𞤤𞤯𞤮  𞤴𞤫𞤤𞤢𞤲𞤭𞥅 𞤺𞤭𞤯𞤮 𞤥𞤢𞤳𞥆𞤮 𞤶𞤵𞥅𞤤𞤯𞤮⹁ 𞤲’𞤺𞤵𞤪𞤣𞤢𞤲 𞤫 𞤥𞤢𞥄𞤴𞤣𞤫⹁ 𞤯𞤫𞤲 𞤱𞤭’𞤢 𞤴𞤮 𞤢𞤤𞤤𞤢𞤸𞤵 𞤪𞤮𞤳𞥆𞤵𞤩𞤫 𞤢𞤤𞤶𞤢𞤲𞥆𞤢 𞤬𞤭𞤪𞤣𞤢𞤱𞤧𞤭 𞤩𞤵𞤪𞤯𞤮 𞤼𞤮𞥅𞤱𞤣𞤫⹁ 𞤢𞥄𞤥𞤭𞥅𞤲𞤢. 

 â¦.🇦🇼⁩⁦🇦🇿⁩⁦🇨🇮⁩⁦🇨🇬⁩⁦🇨🇲⁩⁦🇬🇳⁩⁦🇬🇭⁩⁦🇬🇼⁩⁦🇲🇱⁩

𞤉 𞤳𞤵𞤯𞤮𞤤 𞤘𞤭𞤯𞤢𞥄𞤯𞤮 𞤺𞤭𞤯𞤮 𞤥𞤮𞤲: 𞤢𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮.

𞤖𞤮𞤴𞤲𞤢𞤲 𞤸𞤮𞥅𞤪𞤫 𞤥𞤢𞥄 𞤫 𞤬𞤫𞥅 𞤩𞤫𞥅 𞤪𞤫𞤱𞤩𞤫( ðž¤§ðž¤®ðž¤²ðž¥†ðž¤¢ðž¥„𞤩𞤫)

𞤖𞤢𞤲𞤣𞤫 𞤫 𞤲𞤣𞤫𞥅 𞤻𞤢𞤤𞤢𞥄𞤲𞤣𞤫 𞤥𞤢𞤱𞤲𞤣𞤫(𞤶𞤵𞤥𞤢) 𞤥𞤭 𞤱𞤢𞥄𞤱𞤭𞥅 𞤪𞤮𞤱𞤼𞤭𞤪𞤢𞥄𞤣𞤫 𞤣𞤮𞤲𞤺𞤢𞤤 𞤥𞤢𞤤𞥆𞤢 𞤩𞤭𞤼𞥆𞤫𞤪𞤫 𞤥𞤢𞤱𞤲𞤣𞤫 𞤶𞤮𞤤𞤢𞤴𞤲𞤣𞤫 𞤫 𞤲’𞤣𞤫𞤪 𞤷𞤵𞥅𞤯𞤭 𞤥𞤫𞤲 𞤸𞤢𞤳𞥆𞤵𞤲𞤣𞤫 𞤥𞤮 𞤯𞤭𞤯𞤮 𞤫 𞤼𞤢𞤼𞤮 𞤸𞤢𞥄 𞤲𞤢𞤴𞤮 𞤩𞤫𞤴𞤲’𞤺𞤵.

𞤖𞤮𞤤 𞤳𞤮 𞤱𞤮𞤲𞤭 𞤲’𞤺𞤢𞤤 𞤣𞤮𞤲𞤺𞤢𞤤 𞤥𞤢𞤤𞥆𞤢 𞤩𞤵𞤼𞥆𞤫𞤪𞤫 ؟

𞤏𞤮𞤲𞤢𞥄 𞤳𞤮 𞤶𞤵𞤸𞤭⹁ 𞤫 𞤳𞤢𞤣𞤭 𞤱𞤮𞤲𞤢𞥄 𞤳𞤮 𞤥𞤢𞤶𞥆𞤢𞤯𞤫𞤲 𞤧𞤢𞤼𞥆𞤫𞥅𞤲𞤣𞤫 𞤫 𞤩𞤭𞤼𞥆𞤫𞤪𞤫 𞤲𞤣𞤫 𞤭𞤲𞤮 𞤣𞤢𞤻𞤢 𞤱𞤢𞤤𞥆𞤢 𞤸𞤢𞤱𞤪𞤢 𞤫 𞤥𞤵𞤲 𞤳𞤢𞤤𞤢 𞤶𞤮𞤥𞤦𞤵𞤯𞤮 𞤯𞤭𞤯𞤮⹁ 𞤳𞤮 𞤴𞤮𞤱𞤮𞤲𞤣𞤭𞤪𞤭 𞤫 𞤬𞤭𞥅 𞤬𞤮𞤼𞤲𞤵𞤺𞤮𞤤 𞤩𞤫 𞤱𞤢𞤤𞥆𞤢 𞤶𞤮𞤺𞤢𞤲𞤢𞤺𞤮𞤤 𞤩𞤫 𞤺𞤭𞤺𞥆𞤮𞤤 𞤺𞤮𞥅𞤼𞤮𞤤.

𞤃𞤵𞤧𞤭𞤣𞤯𞤮 𞤸𞤢𞤴𞤬𞤭𞤲𞤢𞤲 𞤸𞤮𞥅𞤪𞤫 𞤥𞤢𞥄 𞤸𞤮𞤴𞤲𞤢𞥄⹁ 𞤳𞤮𞤲𞤮 𞤱𞤮𞤼𞤢 𞤶𞤢𞤺𞥆𞤭𞤼𞤵. 𞤇𞤢𞥄𞤱𞤮 𞤢𞤤𞤤𞤢𞤸𞤵 𞤣𞤢𞥄𞤤𞤭𞥅 𞤫 𞤲𞤣𞤫𞥅 𞤧𞤭𞤥𞤮𞥅𞤪𞤫  » 𞤮𞤲 𞤸𞤢𞤼𞥆𞤢𞤲𞤢𞥄 𞤲’𞤣𞤫 𞤲𞤵𞤲𞤯𞤮𞤼𞤮𞤲 𞤸𞤢𞤳𞥆𞤵𞤲’𞤣𞤫 𞤧𞤮𞤲𞥆𞤢𞥄𞤩𞤫 𞤩𞤫𞤲 𞤸𞤢𞤴 𞤧𞤭 𞤮𞤲 (𞤤)𞤪𞤫𞤪𞤯𞤭𞥅 ». ( 𞤈𞤫𞤱𞤩𞤫/ 𞤥𞤢𞥄𞤲𞤣𞤫/ 𞥑𞥒𞥙) 𞤢𞤤𞤤𞤢 𞤼𞤢𞤺𞤵𞤯𞤮 𞤥𞤢 𞤮𞤲 𞤹𞤭𞤪𞥆𞤭𞤼𞤢𞤲𞤭𞤳𞤫 𞤥𞤢 𞤢𞤧𞤸𞤢𞤯𞤼𞤢𞤲𞤺𞤮𞤤 𞤬𞤮𞤼𞤭𞤲𞤣𞤭𞤪𞤮 𞤸𞤢𞤳𞥆𞤵𞤲𞤣𞤫 𞤧𞤮𞤲𞥆𞤢𞥄𞤩𞤫 𞤥𞤢𞥄 𞤩𞤫𞤲⹁ 𞤸𞤮𞤤 𞤳𞤮 𞤬𞤢𞤱𞤭𞤼𞤢𞤲𞤼𞤮𞤯𞤢𞥄 𞤯𞤵𞤥.

مثنى و ثلاث و رباع

𞤇𞤢𞤴 𞤥𞤭 𞤶𞤢𞤲𞤺𞤭𞥅 𞤮𞥅 𞤢𞥄𞤴𞤢(𞤥𞤢𞥄𞤲𞤣𞤫) 𞤯𞤮𞥅⹁ 𞤳𞤮 𞤥𞤭 𞤱𞤮𞥅𞤲𞤣𞤭𞤪𞤭𞥅 𞤶𞤮𞥅𞤥𞤭 𞤢𞤲 𞤥𞤭 𞤣𞤢𞤻𞤵𞤲𞤮 𞤲𞤦𞤫𞤤𞤢𞤲 𞤫 𞤣𞤢𞤳𞤥𞤭𞤼𞤮𞤤 𞤱𞤮𞤲𞤣𞤵𞤺𞤮𞤤 𞤫 𞤪𞤫𞤱𞤩𞤫 𞤯𞤭𞤯𞤮 𞤸𞤢𞥄 𞤼𞤢𞤼𞤮 𞤫 𞤲𞤢𞤴𞤮. 𞤁𞤮𞤲𞤺𞤢𞤤 𞤸𞤢𞤧𞤦𞤫𞥅𞤣𞤫 𞤻𞤢𞤤𞤲𞤣𞤫 𞤶𞤢𞤲𞤺𞤮 𞤬𞤭𞥅 𞤥𞤭𞤯𞤮 𞤴𞤭𞤯𞤭 𞤮𞤴𞤢 𞤩𞤵𞤪𞤭 𞤮𞤴𞤢 𞤬𞤮𞤬 𞤰𞤢𞥄𞤪𞤭𞤪𞤭 𞤫 𞤢𞤲 𞤱𞤢 𞤤𞤢𞤳𞥆𞤫𞤪𞤫 𞤲𞤣𞤫 𞤭𞤲𞤮 𞤰𞤢𞥄𞤪𞤢 𞤫 𞤼𞤭𞥅𞤲𞤣𞤫 𞤮𞤲𞤼𞤭𞤺𞤭. 𞤃𞤭 𞤩𞤭𞥅𞤪𞤭𞤪𞤭 𞤲’𞤺𞤢𞤤 𞤱𞤢𞤲𞤮 𞤮𞤲𞤼𞤭𞤺𞤭 𞤩𞤭𞥅𞤪𞤭𞤪𞤼𞤢 𞤲𞤣𞤫 𞤧𞤭 𞤥𞤭 𞤤𞤢𞤳𞥆𞤢𞥄𞤥𞤢⹁ 𞤥𞤭 𞤬𞤫𞤪𞤭𞥅𞤼𞤮𞥅. 𞤌𞥅 𞤢𞥄𞤴𞤢 𞤮𞤳𞥆𞤭𞥅𞤤𞤢𞤲 𞤲𞤮𞥅𞤲𞤫 𞤳𞤫𞤧𞤮 𞤫 𞤥𞤭𞥅𞤶𞤮. 𞤌𞥅 𞤢𞥄𞤴𞤢 𞤩𞤫𞤴𞤣𞤭𞥅𞤤𞤢𞤲 𞤵𞤣𞥆𞤭𞤼𞤵𞤣𞤫 𞤴𞤭𞥅𞤼𞤫𞤪𞤫 𞤫 𞤧𞤫𞤲𞤺𞤮 𞤩𞤫𞥅 𞤪𞤫𞤱𞤩𞤫 𞤳𞤮 𞤥𞤭 𞤢𞤲𞤣𞤢𞥄𞤲𞤮. 𞤌𞥅 𞤢𞥄𞤴𞤢 𞤥𞤫𞤥𞥆𞤭𞤲𞤢𞤲 𞤰𞤭𞥅𞤰𞤢𞤲 𞤣𞤫𞤥𞤦𞤵𞤲𞤮𞥅𞤯𞤢𞤲⹁ 𞤯𞤢𞤲 𞤱𞤢𞤼𞥆𞤭 𞤭𞤤𞤵𞤣𞤫 𞤧𞤢𞥄𞤳𞤮𞥅⹁ 𞤧𞤭𞤲𞤼𞤫𞤪𞤫 𞤳𞤢𞤤𞤢 𞤫 𞤤𞤢𞥄𞤱𞤮𞤤 𞤥𞤵𞤲 𞤫 𞤶𞤵𞤪𞤮𞤤 𞤥𞤢𞤺𞥆𞤮𞤤. 𞤌𞥅 𞤢𞥄𞤴𞤢 𞤬𞤫𞤱𞤲𞤭𞥅 𞤤𞤢𞤲 𞤤𞤢𞥄𞤱𞤮𞤤 𞤣𞤮𞤺𞤭𞤲𞤭𞤪𞤺𞤮𞤤 𞤥𞤭𞥅𞤶𞤮 𞤲𞤫𞤯𞥆𞤮 𞤫 𞤳𞤢𞤤𞤢 𞤸𞤵𞥅𞤲𞤣𞤫⹁ 𞤧𞤭 𞤥𞤭𞥅𞤶𞤮𞥅𞤶𞤭 𞤢𞤲 𞤯𞤭𞤲 𞤳𞤮 𞤤𞤫𞤴 𞤭𞤱𞤪𞤢𞤲𞤮𞥅 𞤰𞤢𞤱𞤪𞤢 𞤸𞤢𞤲𞤣𞤫 𞤳𞤢𞤣𞤭 𞤳𞤮 𞤣𞤮𞤱 𞤯𞤭 𞤱𞤮𞤲𞤭 𞤤𞤢𞤲 𞤭𞤱𞤪𞤢𞤲𞤣𞤫 𞤯𞤭 𞤶𞤮𞤤𞤣𞤢. 𞤐𞤮 𞤶𞤮𞤳𞥆𞤭……

𞤀𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮

𞤃𞤭𞤷𞥆𞤢𞥄𞤳𞤵/ 𞤥𞤭𞥅𞤶-𞤥𞤭𞥅𞤶𞤼𞤭𞤴𞤢𞤲𞤳𞤢𞥄𞤺𞤢𞤤

𞤉𞤲𞤧𞤼𞤢𞤴𞤲 𞤢𞤤𞤦𞤫𞤪

𞤃𞤭𞤷𞥆𞤢𞥄𞤳𞤵 (philosophie/ 𞤬𞤭𞤤𞤮𞤧𞤮𞤬𞤭𞥅) 𞤳𞤮 𞤺𞤢𞤲𞤣𞤢𞤤 𞤲𞤮𞤣𞥆𞤵𞤲𞤺𞤢𞤤 𞤳𞤮 𞤱𞤭’𞤫𞤼𞤫𞥅 𞤥𞤭𞥅𞤶𞤢𞤺𞤮𞤤 𞤫 𞤥𞤭𞥅𞤶𞤭𞥅𞤼𞤢𞥄𞤣𞤫⹁ 𞤱𞤢𞤤𞥆𞤢 𞤱𞤭’𞤭𞤪𞤫𞤲-𞤲𞤭𞥅 𞤤𞤵𞤺𞥆𞤭𞤲𞤢𞤺𞤮𞤤 𞤫 𞤥𞤭𞥅𞤶𞤮 𞤲’𞤺𞤢𞤥 𞤸𞤫𞤩𞤵𞤺𞤮𞤤 𞤼𞤮𞤲𞤼𞤭 𞤧𞤢𞤯𞤼𞤵𞤯𞤭 𞤼𞤮𞤲𞤼𞤢𞥄𞤣𞤫. 𞤑𞤮 𞤼𞤢𞤧𞤳𞤢𞥄 𞤫 𞤺𞤢𞤲𞤣𞤢𞤤 𞤲’𞤺𞤢𞤤 𞤳𞤮𞤲 𞤳𞤮 𞤲’𞤺𞤢𞤤 𞤬𞤵𞤯𞥆𞤭𞥅𞤥𞤢 𞤺𞤭𞤤𞤢 𞤼𞤫𞥅𞤥𞤭𞤣𞤢𞤲𞤯𞤫 𞤶𞤮𞤴𞤢𞤩𞤭𞥅𞤪𞤫 𞤱𞤢𞤤𞥆𞤢 𞤳𞤮 𞤢𞤣𞤭𞥅 𞤯𞤵𞤥. 𞤘𞤢𞤲𞤣𞤢𞤤 𞤲’𞤺𞤢𞤤 𞤲𞤮 𞤸𞤮𞤪𞤥𞤭𞥅 𞤸𞤢𞤳𞤭𞤤𞥆𞤫 𞤬𞤮𞤼𞤢. 𞤑𞤮 𞤯𞤵𞤲 𞤱𞤢𞤯𞤭 𞤧𞤭 𞤱𞤭’𞤵𞤲𞤮𞥅𞤥𞤭: 𞤸𞤢𞤳𞤭𞤤𞥆𞤫 𞤳𞤮 𞤷𞤵𞤯𞤢𞥄𞤪𞤭 𞤩𞤵𞤪𞤲𞤣𞤭 𞤳𞤢𞤤𞤢 𞤷𞤵𞤯𞤢𞥄𞤪𞤭.

𞤖𞤢𞤳𞥆𞤭𞤤𞥆𞤫 𞤮𞥅𞤪.

𞤃𞤢𞤪 𞤢𞤲𞤣𞤢𞤤.

𞤍𞤢𞤩𞥆𞤵 𞤲’𞤺𞤢𞤤.

𞤀𞤪𞤼𞤭𞤪 𞤲’𞤺𞤢𞤤.

𞤙𞤭𞤨𞥆𞤢𞥄 𞤣𞤮𞤳𞤮𞤼𞤢𞤤⹁ 𞤣𞤫𞤬𞤼𞤫 𞤷𞤵𞤥𞤮𞥅𞤱𞤢𞤤.𞤖𞤵𞤩𞥆𞤢𞥄 𞤣𞤵𞤯𞤢𞤤⹁ 𞤫 𞤶𞤢𞤲𞤣𞤫 𞤱𞤢𞤤𞥆𞤮𞥅𞤪𞤫.

𞤖𞤢𞤳𞥆𞤭𞤤𞥆𞤫 𞤲𞤮 𞤸𞤢𞤱𞤲𞤭𞥅⹁ 𞤺𞤫𞤯𞤫 𞤥𞤵𞤲 𞤲𞤮 𞤧𞤵𞥅𞤯𞤭𞥅. 𞤘𞤮𞤼𞤯𞤮 𞤲𞤮 𞤬𞤮𞤼𞤭 𞤣𞤵𞤪𞤲𞤵𞤺𞤮𞤤 𞤸𞤢𞤳𞥆𞤭𞤤𞥆𞤫 𞤥𞤵𞤲 𞤫 𞤳𞤢𞤤𞤢 𞤧𞤢’𞤭. 𞤐𞤫𞤯𞥆𞤮 𞤲𞤮 𞤸𞤢𞥄𞤲𞤭 𞤥𞤭𞥅𞤶𞤢𞥄𞤣𞤫 𞤫 𞤨𞤭𞥅𞤶𞤭(𞤺𞤫𞤯𞤫) 𞤯𞤭 𞤮 𞤴𞤭’𞤢𞤼𞤢𞥄⁏ 𞤸𞤭𞤥𞤮 𞤸𞤢𞥄𞤲𞤭 𞤳𞤢𞤣𞤭 𞤥𞤭𞥅𞤶𞤢𞥄𞤣𞤫 𞤫 𞤨𞤭𞥅𞤶𞤭 𞤯𞤭 𞤮 𞤸𞤢𞥄𞤤𞤢𞤲𞤼𞤫𞥅. 𞤚𞤵𞤥𞤢 𞤳𞤢𞤤𞤢 𞤲𞤣𞤫 𞤲𞤫𞤯𞥆𞤮 𞤴𞤭𞥅𞤤𞤭 𞤸𞤢𞤳𞥆𞤭𞤤𞥆𞤫 𞤥𞤵𞤲⹁𞤸𞤫𞤩𞤮𞤼𞤮 𞤳𞤮 𞤮 𞤴𞤢𞤤𞤼𞤭𞤲𞤭 𞤼𞤮𞤲 𞤳𞤮 𞤲𞤢𞤬𞤢𞤼𞤢. 𞤍𞤵𞤲 𞤫 𞤥𞤵’𞤵𞤲 𞤥𞤭𞤷𞥆𞤢𞥄𞤳𞤵 𞤳𞤮 𞤸𞤵𞥅𞤲𞤣𞤫 𞤧𞤢𞤯𞤼𞤵𞤲𞤣𞤫 𞤬𞤢𞤸𞤥𞤣𞤫. 𞤅𞤭 𞤲𞤫𞤯𞥆𞤮 𞤪𞤫𞥅𞤲𞤢𞥄𞤳𞤭 𞤫 𞤯𞤵𞤲⹁ 𞤲𞤮 𞤸𞤫𞥅𞤱𞤭 𞤳𞤢 𞤮 𞤴𞤫𞤣𞥆𞤢 𞤺𞤫𞤲𞤮. 𞤅𞤭 𞤲𞤫𞤯𞥆𞤮 𞤬𞤫𞤤𞥆𞤭𞤼𞤭𞥅 𞤱𞤮𞤲𞤵𞤺𞤮𞤤 𞤥𞤭𞥅𞤶𞤼𞤭𞤴𞤢𞤲𞤳𞤫⹁ 𞤴𞤮 𞤮 𞤪𞤮𞤲𞤣𞤮 𞤺𞤢𞤲𞤣𞤫 𞤸𞤫𞥅𞤱𞤣𞤫 𞤳𞤮 𞤢𞤣𞤭𞥅 𞤮 𞤬𞤵𞤯𞥆𞤢𞥄𞤣𞤫 𞤧𞤭 𞤱𞤮𞤲𞤢𞥄 𞤯𞤵𞤲 𞤮 𞤲𞤢𞥄𞤼𞤢𞤴 𞤳𞤢 𞤮 𞤴𞤢𞤤𞤼𞤢𞤼𞤢𞥄.

𞤅𞤮𞤳𞤪𞤢𞤼

𞤃𞤭 𞤧𞤭𞤬𞤼𞤭𞤲𞤢⹁ 𞤥𞤭 𞤼𞤭𞤲𞤣𞤭𞤲𞤢⹁ 𞤥𞤭 𞤢𞤲𞤣𞤭𞤲𞤢 𞤩𞤫 𞤢𞤲𞤣𞤢𞥄𞤲𞤮. 𞤃𞤭𞥅𞤶𞤮 𞤩𞤮𞤤𞤮 𞤴𞤮𞤲𞤢𞥄𞤤𞤭. 𞤖𞤢𞤳𞥆𞤭𞤤𞥆𞤫 𞤼𞤵𞤲 𞤴𞤮𞤲𞤢𞥄𞤤𞤭 𞤲’𞤺𞤢𞤥 𞤻𞤢𞥄𞤱𞤣𞤫 𞤳𞤢𞤤𞤢 𞤸𞤵𞥅𞤲𞤣𞤫. 𞤚𞤫𞥅𞤽𞤼𞤭𞤲𞤭𞥅 𞤲𞤮𞥅𞤲 𞤫 𞤣𞤢𞥄𞤪𞤼𞤮𞤤(𞤨𞤫𞤰𞥆𞤮𞤤). 𞤖𞤢𞤳𞥆𞤭𞤤𞥆𞤫 𞤼𞤵𞤲 𞤲𞤢𞤬𞤢𞤼𞤢𞥄 𞤯𞤮𞥅𞤲 𞤳𞤢 𞤼𞤢𞤱𞤢𞤼𞤢 𞤯𞤫 𞤼𞤵𞥅𞤺𞤭𞤲𞤢𞥄𞤳𞤭 𞤫 𞤣𞤫𞤬𞤼𞤫 𞤦𞤭𞤲𞤣𞤢𞥄𞤯𞤫 𞤱𞤢𞤤𞥆𞤢 𞤫 𞤺𞤢𞤲𞤣𞤫 𞤼𞤮𞥅𞤱𞤯𞤫 𞤯𞤫 𞤬𞤫𞤲𞥆𞤢𞥄𞤳𞤢.

𞤑𞤮 𞤸𞤫𞥅𞤱𞤭 𞤫 𞤥𞤭𞤷𞥆𞤢𞤲𞤳𞤮𞥅𞤩𞤫 𞤫 𞤢𞤲𞤣𞤵𞤩𞤫 𞤺𞤢𞤲𞤣𞤫 𞤼𞤮𞥅𞤱𞤯𞤫 𞤱𞤢𞤲𞤮 𞤱𞤫𞥅𞤴𞤭𞤱𞤢𞤤⹁ 𞤲𞤺𞤵𞥅𞤪𞤲𞤣𞤭𞤱𞤢𞤤⹁ 𞤫 𞤸𞤭𞥅𞤧𞤭𞤱𞤢𞤤 𞤸𞤭𞤩𞤫 𞤴𞤫𞤣𞥆𞤭 𞤺𞤮𞥅𞤣𞤢𞤤 𞤺𞤫𞤲𞤮 𞤱𞤢𞤤𞥆𞤢 𞤺𞤮𞥅𞤣𞤢𞤤 𞤣𞤭𞥅𞤲𞤢. 𞤐𞤣𞤫 𞤼𞤢𞤱𞤲𞤮𞥅 𞤳𞤮 𞤩𞤵𞤪𞤭 𞤸𞤫𞥅𞤱𞤵𞤺𞤮𞤤 𞤫 𞤥𞤢𞤯𞤩𞤫 𞤳𞤮 𞤭𞤲𞥆𞤢𞤼𞤢 𞤺𞤢𞤲𞤣𞤢𞤤 𞤳𞤮 𞤳𞤮 𞤴𞤭’𞤮𞤼𞤮𞥅⹁ 𞤥𞤫𞥅𞤥𞤮𞤼𞤮𞥅⹁ 𞤼𞤭𞤲𞤮𞤼𞤮𞥅.𞤳𞤢𞤤𞤢 𞤳𞤮 𞤱𞤮𞤲𞤢𞥄 𞤯𞤵𞤲 𞤩𞤫 𞤴𞤫𞤣𞥆𞤢𞤴.

𞤃𞤭𞤲 𞤫 𞤴𞤭’𞤢𞤲𞤣𞤫 𞤢𞤥⹁ 𞤧𞤭 𞤺𞤮𞤼𞤯𞤮 𞤶𞤢𞤲𞤺𞤭𞥅 𞤯𞤫𞥅 𞤺𞤢𞤲𞤣𞤫 𞤼𞤮𞥅𞤱𞤵𞤯𞤫 𞤩𞤫𞤴𞤣𞤢𞥄𞤳𞤭 𞤸𞤵𞤤𞤣𞤫 𞤺𞤫𞤲𞤮 𞤱𞤢𞤤𞥆𞤢 𞤺𞤮𞤲𞤯𞤭𞤲𞤺𞤮𞤤 𞤥𞤮⹁ 𞤮𞤲 𞤲𞤫𞤯𞥆𞤮 𞤳𞤮 𞤥𞤢𞤱𞤲𞤭𞤲𞤳𞤭𞤲𞤭𞥅𞤯𞤮 𞤫 𞤪𞤫𞤱𞤵𞤺𞤮𞤤 𞤺𞤫𞤲𞤮 𞤥𞤢 𞤸𞤢𞤪𞤢 𞤲𞤮 𞤱𞤮𞥅𞤣𞤭 𞤳𞤮 𞤱𞤮𞤲𞤭 𞤥𞤮 𞤫 𞤣𞤵𞤻𞤵𞤣𞤫 𞤫 𞤱𞤢𞥄𞤧𞤣𞤫 𞤪𞤫𞤱𞤣𞤫 𞤺𞤫𞤲𞤮.

𞤃𞤢𞤪𞤳- 𞤼𞤵𞤱𞤫𞤲

𞤃𞤭𞤷𞥆𞤢𞥄𞤳𞤵 𞤲𞤮 𞤸𞤢𞥄𞤲𞤭 𞤴𞤢𞥄𞤣𞤵𞤣𞤫 𞤫 𞤱𞤭𞤯𞤼𞤮𞥅𞤶𞤭 𞤫 𞤻𞤭𞥅𞤩𞤭𞤪𞤯𞤫 𞤼𞤭𞥅𞤯𞤵𞤯𞤫 𞤬𞤭𞥅 𞤲𞤮 𞤮𞤲𞤼𞤭𞤺𞤭 𞤸𞤢𞥄𞤤𞤭𞤪𞤢 𞤳𞤢𞤤𞤢 𞤳𞤮 𞤮 𞤱𞤫𞤤𞤢𞥄 𞤸𞤢𞤤𞤣𞤫⁏ 𞤤𞤵𞤼𞥆𞤢 𞤧𞤭 𞤸𞤢𞥄𞤤𞤢 𞤳𞤢𞤲 𞤲𞤮 𞤺𞤮𞥅𞤲𞤺𞤭 𞤥𞤢𞤤𞥆𞤢 𞤧𞤭 𞤳𞤢 𞤱𞤢𞥄𞤧𞤢𞥄. 𞤅𞤭 𞤲𞤫𞤯𞥆𞤮 𞤴𞤭𞤯𞤭𞥅 𞤳𞤮 𞤸𞤢𞤳𞥆𞤭𞤤𞥆𞤫 𞤥𞤵’𞤵𞤲 𞤥𞤭𞥅𞤶𞤭𞥅⹁ 𞤧𞤫𞤯𞤭⹁ 𞤧𞤢𞤻𞤭⹁ 𞤺𞤮𞥅𞤲𞤺𞤭⹁ 𞤴𞤮 𞤮 𞤶𞤮𞤺𞤮 𞤼𞤵𞥅𞤺𞤢𞤤. 𞤃𞤭𞥅𞤶𞤮⹁ 𞤥𞤭𞤶𞤼𞤮⹁ 𞤥𞤭𞥅𞤶-𞤼𞤭𞤲𞤣𞤭𞤲𞤮⹁ 𞤴𞤮 𞤼𞤢𞤱 𞤸𞤢𞤪𞤢 𞤥𞤭𞥅𞤶𞤮 𞤲𞤺𞤮𞤲 𞤲𞤮 𞤱𞤮𞤲𞤣𞤭 𞤫 𞤩𞤢𞤤𞤢𞤤 𞤼𞤮 𞤩𞤢𞤺𞥆𞤭𞥅.

𞤖𞤫𞥅𞤱𞤭 𞤳𞤢 𞤥𞤭𞥅𞤶𞤮 𞤩𞤮𞤤𞤮 𞤯𞤮𞤱𞤭 𞤩𞤢𞤲𞤣𞤵 𞤱𞤮𞤲𞤼𞤢𞤲𞤭 𞤶𞤮𞤥 𞤥𞤵’𞤵𞤲 𞤲𞤭𞤥𞤧𞤫. 𞤖𞤫𞥅𞤱𞤭𞥅 𞤳𞤢 𞤥𞤭𞥅𞤶-𞤥𞤭𞤶𞤼𞤭𞤲𞤣𞤢𞥄𞤣𞤫 𞤩𞤮𞤤𞤲’𞤣𞤫 𞤲𞤣𞤫 𞤣𞤭𞥅𞤧𞤮𞤲𞤣𞤭𞤪𞤢𞥄𞤳𞤢 𞤱𞤮𞤲𞤼𞤢𞤲𞤭 𞤲𞤫𞤯𞥆𞤮 𞤺𞤮𞤰𞤢. 𞤖𞤫𞥅𞤱𞤭 𞤳𞤢 𞤺𞤭𞥅𞤯𞤫 𞤩𞤫𞤪𞤲𞤣𞤫 𞤯𞤮𞤱𞤭 𞤸𞤢𞤳𞥆𞤭𞤤𞥆𞤫 𞤫 𞤥𞤭𞥅𞤶𞤢𞥄𞤣𞤫 𞤫 𞤳𞤮 𞤸𞤢𞤤𞤳𞤢𞤼𞤢 𞤶𞤮𞤥 𞤥𞤵’𞤵𞤲. 𞤖𞤫𞥅𞤱𞤭𞥅 𞤳𞤢 𞤲𞤢𞤲𞤯𞤫 𞤫 𞤧𞤮𞤴-𞤧𞤮𞤴 𞤷𞤵𞤳𞥆𞤭⹁ 𞤥𞤵𞥅𞤤𞤭⹁ 𞤵𞤣𞥆𞤭⹁ 𞤸𞤢𞤳𞥆𞤭𞤤𞥆𞤫 𞤫 𞤱𞤫𞤤𞥆𞤭𞤼𞤢𞤲𞤢𞤺𞤮𞤤 𞤬𞤢𞥄𞤥𞤵𞤣𞤫 𞤸𞤵𞥅𞤲𞤣𞤫 𞤲’𞤣𞤫𞤲 𞤲𞤮 𞤱𞤮𞤲𞤭𞤪𞤭.

𞤚𞤮𞤲𞤺𞤮𞤤 𞤸𞤢𞥄𞤤𞤢 𞤳𞤢𞤲:

𞤃𞤭𞥅𞤶𞤮 𞤳𞤮 𞤱𞤫𞤤𞤢𞤯𞤢𞥄⹁ 𞤳𞤮𞤲𞤮 𞤸𞤢𞥄𞤤𞤢 𞤳𞤢𞤲 𞤴𞤮 𞤴𞤢𞤸𞤣𞤵 𞤫 𞤼𞤵𞥅𞤺𞤭𞤲𞤮𞤪𞤯𞤫 𞤤𞤢𞥄𞤩𞤵𞤯𞤫. 𞤖𞤢𞤣𞤫(𞤢𞤣𞤮) 𞤸𞤵𞤲𞤣𞤵𞤳𞤮 𞤥𞤢𞥄 𞤴𞤢𞤤𞤼𞤭𞤲𞤣𞤫 𞤸𞤢𞥄𞤤𞤢⹁ 𞤴𞤮 𞤼𞤢𞤱 𞤢 𞤧𞤫𞤯𞤭𞥅 𞤸𞤢𞥄𞤤𞤢 𞤳𞤢𞤲 𞤼𞤮 𞤬𞤢𞥄𞤱𞤪𞤵 𞤸𞤢𞤳𞥆𞤭𞤤𞥆𞤫. 𞤐𞤮 𞤱𞤮𞥅𞤣𞤭 𞤫 𞤥𞤭𞥅𞤶𞤮𞥅𞤶𞤭 𞤢𞤣𞤮 𞤯𞤭 𞤬𞤫𞤻𞥆𞤭𞤲𞤫𞥅𞤣𞤫⹁ 𞤳𞤮 𞤥𞤢𞥄 𞤣𞤭𞥅𞤧𞤮𞤲𞤣𞤭𞤪𞤫𞥅⁏ 𞤯𞤭 𞤸𞤮𞤤𞥆𞤭𞤼𞤫𞥅 𞤸𞤵𞤥𞤨𞤭𞤼𞤭𞥅𞤩𞤫⹁ 𞤯𞤭 𞤴𞤫𞤱𞤼𞤭𞤣𞤫𞥅.

𞤉 𞤑𞤓𞤍𞤌𞤂: 𞤃𞤌𞤖𞤀𞤃𞥆𞤉𞤁 𞤔𞤀𞤂𞥆𞤌.

𞤉𞤐 𞤚𞤌𞤇𞥆𞤀𞤐𞤀𞥄𞤃𞤀 𞤔𞤀𞤐𞤁𞤉 𞤆𞤓𞤂𞤀𞤈 𞤑𞤀 𞤄𞤋𞤐𞤁𞤌𞤂 𞤆𞤓𞤂𞤀𞥄𞤈 !

𞤒𞤭𞤯𞤩𞤫 𞤢𞤲 𞤧𞤢𞤽𞤭𞥅𞤩𞤫 𞤼𞤫𞤣𞤵𞥅𞤩𞤫⹁ 𞤼𞤫𞤣𞥆𞤭𞤪𞤭 𞤨𞤵𞤤𞤢𞥄𞤳𞤵 𞤫 𞤣𞤭𞥅𞤲𞤢 𞤥𞤵’𞤵𞤲⹁ 𞤬𞤢𞤪𞤲𞤮𞤪𞤩𞤫 𞤢𞥄𞤣𞤢 𞤫 𞤲𞤣𞤭𞤥𞤢𞥄𞤳𞤵⹁ 𞤥𞤢𞤲𞤼𞤮𞤪𞤭 𞤭𞤱𞤣𞤭 𞤥𞤵’𞤵𞤲. 𞤃𞤭𞤯𞤮 𞤧𞤢𞤲𞥆𞤢 𞤮𞤲 𞤱𞤫𞤤𞤼𞤢𞤲𞤮𞥅 𞤫𞤳𞤮 𞤲𞤶𞤵𞥅𞤪𞤮𞤼𞤮𞤯𞤮𞤲 𞤤𞤮𞤱𞤪𞤫 𞤢𞤥𞤫𞤲 𞤱𞤫𞤪𞤣𞤫 𞤨𞤵𞤤𞤢𞤪⹁ 𞤳𞤮 𞤥𞤭 𞤱𞤭’𞤢𞤲𞤯𞤮 𞤮𞤲 𞤴𞤮 𞤶𞤢𞤥 𞤫 𞤳𞤭𞤧𞤢𞤤 𞤣𞤵𞥅𞤥𞤮 𞤫 𞤥𞤮𞤲

𞤖𞤢𞤲𞤣𞤫 𞤥𞤵𞤧𞤭𞤯𞤩𞤫 𞤫 𞤲’𞤣𞤫𞥅 𞤱𞤭𞤲𞤣𞤢𞤲𞤣𞤫 𞤥𞤫𞤲 𞤯𞤮𞥅⹁ 𞤯𞤫𞤲 𞤲𞤶𞤮𞤺𞤮𞤪𞤭 𞤴𞤫𞤱𞤼𞤵𞤺𞤮𞤤 𞤷𞤢𞤯𞤫𞥅𞤤𞤫 𞤧𞤮𞥅𞤥𞤭𞥅𞤯𞤫 𞤫 𞤶𞤢𞤲𞤣𞤫 𞤨𞤵𞤤𞤢𞥄𞤪⹁ 𞤯𞤫𞤲 𞤪𞤫𞤺𞥆𞤭𞤲𞤣𞤭𞤪𞤢 𞤤𞤢𞤲𞤣𞤫 𞤫 𞤼𞤮𞤲𞤼𞤭.

𞥑 – 𞤴𞤢𞤤𞥆𞤭 𞤫𞤲 𞤲𞤶𞤢𞤲𞤺𞤭𞥅 𞤩𞤢𞥄𞤱𞤮 𞤫𞤲 𞤼𞤮𞤩𞥆𞤢𞤲𞤫𞥅𞤣𞤫؟

𞤃𞤵𞤧𞤭𞤯𞤩𞤫⹁ 𞤤𞤢𞤲𞤣𞤢𞤤 𞤸𞤢𞥄𞤲𞤢𞤲𞤺𞤢𞤤 𞤥𞤮 𞤳𞤢𞤤𞤢⹁ 𞤫 𞤼𞤢𞤧𞤳𞤢𞤲𞤣𞤫 𞤶𞤢𞤪𞤲𞤣𞤫 𞤱𞤮𞤲𞤢𞤲𞤣𞤫 𞤢𞤲𞤣𞤵𞤯𞤮 𞤲𞤢𞤬𞤢 𞤩𞤢𞤥𞤼𞤢𞥄𞤪𞤫 𞤤𞤫𞤻𞤮𞤤 𞤫 𞤦𞤭𞤲𞤣𞤮𞤤 𞤥𞤢𞤺𞥆𞤮𞤤. 𞤅𞤭 𞤥𞤭 𞤤𞤢𞤲𞤣𞤢⹁ 𞤳𞤮 𞤢𞤤𞤢𞥄 (𞤮𞥅’𞤮𞤱𞤮𞤴𞤫) 𞤱𞤮𞤲𞤢𞤼𞤢 𞤼𞤮𞤲𞤼𞤮𞤤 𞤢𞤲 𞤲𞤺𞤮𞤤⹁ 𞤳𞤮 𞤱𞤢𞤯𞤭 𞤲𞤮𞤲⹁ 𞤶𞤢𞤲𞤺𞤵𞤺𞤮𞤤 𞤣𞤫𞤬𞤼𞤫𞤪𞤫 𞤦𞤢𞥄 𞤩𞤫𞤴𞤣𞤢𞤯𞤮𞤲 𞤧𞤫𞤤𞥆𞤵𞤳𞤢 𞤢𞤪𞤢𞤲𞤢⹁ 𞤳𞤮 𞤼𞤢𞥄𞤩𞤢𞤲𞤣𞤫 𞤥𞤢𞤱𞤲’𞤣𞤫⹁ 𞤳𞤮𞤲𞤮⹁𞤴𞤢𞤤𞥆𞤭 𞤯𞤵𞤲 𞤲𞤮 𞤴𞤮𞤲𞤭 𞤳𞤢 𞤺𞤮𞤼𞤯𞤮 𞤴𞤮𞤲𞤣𞤭𞤲𞤮𞤪𞤢 𞤫 𞤬𞤫𞥅 𞤶𞤢𞤲𞤣𞤫 𞤨𞤵𞤤𞤢𞤪⁏ 𞤼𞤮𞤲𞤼𞤮𞤤 𞤲’𞤺𞤮𞤤 𞤳𞤮 𞤢𞤤𞤢𞥄 𞤳𞤢𞤴⹁ 𞤸𞤫𞥅𞤱𞤩𞤫 𞤫 𞤥𞤫𞤲⹁ 𞤳𞤢 𞤩𞤫 𞤶𞤮𞥅𞤬𞤭𞤲𞤭 𞤯𞤫𞥅 𞤣𞤫𞤬𞤼𞤫 𞤶𞤢𞤲𞤼𞤢𞥄𞤯𞤫 𞤯𞤮𞥅⹁ 𞤸𞤢𞤲𞤣𞤫- 𞤳𞤢𞤣𞤭⹁ 𞤺𞤮𞤤𞥆𞤫 𞤥𞤢𞤩𞥆𞤫 𞤱𞤮𞥅 𞤼𞤮𞤲𞤼𞤮𞤲𞤣𞤭𞤪𞤮 𞤳𞤢 𞤤𞤢𞤴𞤤𞤢𞤼𞤭-𞤪𞤫𞤲𞤣𞤮⹁(resaux sociaux) 𞤯𞤵𞤲 𞤳𞤮’𞤫 𞤯𞤢𞥄𞤴𞤪𞤫 𞤶𞤫𞤴𞤢𞥄. 𞤥𞤵𞤧𞤭𞤯𞤩𞤫 𞤯𞤵𞤲 𞤼𞤵𞤲 𞤩𞤢𞤲𞤼𞤢𞥄𞤤𞤭 𞤨𞤵𞤤𞤢𞤪 𞤫 𞤦𞤭𞤲𞤣𞤮𞤤 𞤥𞤢𞤺𞥆𞤢𞤤.

𞥒- 𞤑𞤌 𞤖𞤀𞤍𞤋 𞤉𞤐 𞤔𞤀𞤐𞤘𞤓𞤁𞤉؟

𞤐𞤢𞥄𞤥 𞤳𞤮 𞤸𞤢𞤯𞤭 𞤫𞤲 𞤶𞤢𞤲𞤺𞤵𞤣𞤫؟ 𞤳𞤮 𞤢𞤣𞤭𞥅 𞤫𞤲 𞤲𞤣𞤮𞤳𞥆𞤵𞤣𞤫 𞤸𞤫𞥅𞤲 𞤥𞤭𞥅𞤶𞤮 𞤥𞤫𞤲⹁ 𞤯𞤫𞤲 𞤼𞤢𞤦𞤭𞤲𞤼𞤭𞤲𞤢 𞤺𞤫𞤩𞤫𞤤(Élément) 𞤺𞤮𞥅𞤼𞤫𞤤. 𞤊𞤢𞥄𞤥𞤫𞤲 𞤱𞤮𞤲𞤣𞤫𞤥𞤢 𞤳𞤢𞤤𞤢 𞤳𞤮 𞤴𞤫𞤱𞤼𞤵𞤯𞤫𞤲 𞤯𞤮𞥅 𞤳𞤮 𞤩𞤵𞤪𞤭 𞤫 𞤸𞤫𞥅𞤱𞤣𞤫 𞤳𞤮𞤲⹁ 𞤸𞤢𞤪𞤢𞤴 𞤳𞤮 𞤫 𞤣𞤮𞤱 𞤴𞤮𞤱𞤭𞤼𞤢𞤲𞤣𞤫 𞤧𞤫𞥅𞤯𞤢𞥄𞤩𞤫 𞤱𞤮𞤲𞤭 𞤳𞤮 𞤼𞤢𞤧𞤳𞤢𞥄⁏ 𞤥𞤢𞥄𞤲𞤢𞥄 𞤶𞤢𞤲𞤺𞤮𞥅𞤩𞤫 𞤦𞤭𞤲𞤣𞤮𞤤 𞤨𞤵𞤤𞤢𞤪⹁ 𞤫 𞤱𞤭’𞤵𞤩𞤫 𞤲𞤮 𞤴𞤭𞤯𞤭 𞤦𞤭𞤲𞤣𞤮𞤤 𞤨𞤵𞤤𞤢𞤤⹁ 𞤳𞤵𞥅𞤯𞤫 𞤥𞤢𞤩𞥆𞤫 𞤫 𞤳𞤮𞤲𞤺𞤭 𞤥𞤢𞤩𞥆𞤫 𞤫 𞤥𞤭𞤲 𞤱𞤮𞤲𞤯𞤮 𞤫 𞤱𞤭𞤲𞤣𞤵𞤣𞤫 𞤮𞤲.

𞤐𞤢𞥄𞤥⹁ 𞤶𞤮𞥅𞤲𞤭 (𞤲𞤶)𞤥𞤢𞤸𞤫𞤲 𞤳𞤢 𞤶𞤢𞥄𞤦𞤢𞤱𞤮𞤤:

𞥑- 𞤺𞤮’𞤮: 𞤐𞤺𞤢𞥄𞤥𞤫𞥅𞤤𞤮⹁ 𞤫 𞤢𞤧𞤢𞤲𞤣𞤵𞤺𞤮𞤤 𞤲𞤢𞤬𞤮𞥅𞤪𞤫 𞤶𞤢𞤲𞤺𞤵𞤺𞤮𞤤 𞤳𞤢 𞤯𞤫𞤲𞤺𞤢𞤤 𞤥𞤵’𞤵𞤲⹁ 𞤫 𞤴𞤭𞤯𞤫𞤪𞤫 𞤷𞤮𞤺𞥆𞤵 𞤫 𞤷𞤮𞤺𞥆𞤵⹁ 𞤳𞤢 𞤱𞤢𞤼𞥆𞤢𞤲𞤣𞤫! 𞤱𞤢𞥄𞤧𞤫𞥅𞤣𞤫 𞤲𞤫𞥅𞤣𞤭 𞤢𞤲𞤣𞤢𞤤 𞤨𞤭𞤲𞤢𞤤 𞤪𞤫𞤲𞤣𞤮 𞤳𞤢 𞤤𞤢𞤱𞤯𞤭.

𞥓- 𞤍𞤭𞤯𞤭: 𞤐𞤶𞤵𞤩𞥆𞤵𞤣𞤭 𞤸𞤵𞥅𞤩𞤵𞤲𞤣𞤭⹁ 𞤲𞤦𞤢𞥄𞤣𞤭𞤲𞤣𞤭 𞤶𞤢𞤲𞤣𞤫⹁ 𞤫 𞤢𞤧𞤲𞤢𞤲𞤼𞤮𞤲’𞤣𞤭𞤪𞤢𞤤 𞤶𞤮𞤳𞥆𞤵𞤩𞤫 𞤸𞤵𞥅𞤲𞤣𞤫 𞤱𞤮𞥅𞤼𞤫𞤪𞤫 𞤲𞤣𞤫𞤲⹁ 𞤱𞤮𞤲𞤢𞥄 𞤲𞤮𞤲 𞤭𞤼𞥆𞤵𞤺𞤮𞤤 𞤦𞤮𞤼𞤫 𞤫 𞤬𞤫𞤱𞤲𞤣𞤭𞥅𞤲𞤣𞤭 𞤲𞤣𞤭𞤲.

𞥔- 𞤚𞤢𞤼𞤭: 𞤶𞤢𞤲𞥆𞤮𞤩𞤫 𞤩𞤫𞤲 𞤳𞤮 𞤩𞤫 𞤴𞤢𞤪𞤤𞤭𞤼𞤭𞥅- 𞤩𞤫⹁( volontaire) 𞤫 𞤳𞤢𞤣𞤭⹁ 𞤦𞤭𞤲𞤣𞤮𞤤 𞤨𞤵𞤤𞤢𞤪 𞤶𞤢𞤲𞤺𞤮𞤪𞤼𞤫 𞤱𞤮𞤲𞤭⹁ 𞤢𞤤𞤢𞥄𞤳𞤢 𞤫 𞤶𞤢𞤲𞤺𞤭𞤪𞤫𞥅𞤣𞤫 𞤱𞤢𞤲𞤮 𞤯𞤫𞤴𞤢 𞤯𞤫𞤲𞤯𞤫 𞤶𞤢𞤲𞤢𞤲𞤫 𞤱𞤮𞤲𞤢𞥄 𞤫 𞤶𞤢𞤲𞤺𞤭𞤪𞤫𞥅𞤣𞤫 𞤲𞤮𞤲⹁ 𞤸𞤮𞤤 𞤳𞤮 𞤧𞤢𞥄𞤦𞤭 𞤴𞤮 𞤥𞤭 𞤱𞤭’𞤵 𞤯𞤵𞤲⹁ 𞤶𞤮𞤤𞤣𞤫𞤲 𞤤𞤫𞤴 𞤧𞤫𞥅𞤯𞤢⹁ 𞤥𞤭 𞤶𞤢𞤲𞤼𞤢𞤲𞤮𞥅 𞤮𞤲 𞤧𞤫𞥅𞤯𞤢 𞤫 𞤳𞤮𞤲𞤺𞤭 𞤴𞤭𞥅𞤤𞤮𞤼𞤮𞥅𞤯𞤭 𞤸𞤢𞤳𞥆𞤵𞤲𞤣𞤫 𞤶𞤢𞤲𞥆𞤮𞥅𞤩𞤫 𞤩𞤫𞤲 𞤫 𞤶𞤢𞤲𞤺𞤮𞥅𞤩𞤫 𞤩𞤫𞥅.

𞤖𞤢𞤲𞤣𞤫 𞤲𞤮 𞤬𞤢𞤥𞤯𞤭 𞤫 𞤨𞤵𞤤𞥆𞤮 𞤥𞤮 𞤢𞤲𞤣𞤢𞥄 𞤥𞤢𞤤𞥆𞤢 𞤲𞤢𞤲𞤢𞥄𞤤𞤭 𞤬𞤭𞥅 𞤲’𞤺𞤮𞤤 𞤦𞤭𞤲𞤣𞤮𞤤 𞤨𞤵𞤤𞤢𞤪 (𞤀𞤁𞤂𞤀𞤃) 𞤳𞤮𞤲𞤮 𞤳𞤢𞤣𞤭⹁ 𞤲𞤮 𞤬𞤢𞤥𞤯𞤭 𞤶𞤢𞤲𞤺𞤵𞤩𞤫 𞤲𞤺𞤮𞤤⹁ 𞤩𞤵𞤪𞤩𞤫 𞤸𞤫𞥅𞤱𞤣𞤫 𞤫 𞤥𞤢𞤯𞤩𞤫⹁ 𞤧𞤮 𞤩𞤭 𞤸𞤫𞤪𞤧𞤭𞥅 𞤱𞤭𞤵𞤺𞤮𞤤 𞤩𞤫 𞤶𞤢𞤲𞤺𞤢𞤼𞤢𞥄⹁ 𞤳𞤮 𞤩𞤫 𞤱𞤭’𞤢𞤼𞤢 𞤶𞤢𞤲𞥆𞤮𞤱𞤮 𞤮𞤲⹁ 𞤥𞤭 𞤴𞤢𞤸𞤢𞤴 𞤶𞤢𞤲𞥆𞤢𞥄𞤤𞤢𞤲! 𞤥𞤭 𞤢𞤪𞤴 𞤱𞤭𞤲𞤣𞤢𞤲𞤢𞥄𞤤𞤢𞤲 𞤢𞤤𞤳𞤵𞤤𞤫 𞤦𞤭𞤲𞤣𞤮𞤤 𞤲𞤺𞤮𞤤⹁ 𞤥𞤭 𞤢𞤪𞤢𞤴 𞤬𞤵𞤯𞥆𞤮 𞤯𞤫𞤲! 𞤥𞤭 𞤢𞤪𞤢𞤴 𞤲𞤣𞤫 𞤥𞤭 𞤣𞤢𞤻𞤭 𞤳𞤭𞤶𞤮𞥅𞤪𞤫 𞤳𞤮 𞤬𞤢𞤥𞤯𞤭-𞤱𞤮𞥅⹁ 𞤧𞤭 𞤺𞤫𞤲𞤮 𞤶𞤢𞤩𞤭𞥅 𞤥𞤭 𞤶𞤢𞤲𞤺𞤢𞤴𞤲𞤺𞤮𞤤! 𞤧𞤭 𞤢𞤤𞤤𞤢 𞤶𞤢𞤩𞤭𞥅 𞤸𞤭𞤳𞥆𞤢 𞤴𞤢𞤱𞤼𞤢𞤼𞤢𞥄 𞤥𞤭 𞤱𞤢𞥄𞤱𞤢𞥄𞤤𞤭 𞤲’𞤺𞤮𞤤. 𞤅𞤭 𞤼𞤢𞤱𞤭𞥅 𞤧𞤭𞤬𞤮𞤪𞤭𞥅𞤲𞤭𞤸 𞤸𞤢𞤳𞥆𞤵𞤲𞤣𞤫 𞤥𞤫𞤲⹁ 𞤯𞤵𞤲 𞤸𞤭𞤲𞤮 𞤧𞤢𞥄𞤦𞤭𞤲𞤢 𞤤𞤮’𞤫𞤪𞤫 𞤼𞤮 𞤶𞤢𞤲𞤣𞤫 𞤨𞤵𞤤𞤢𞤪⹁ 𞤫𞤳𞤢𞤣𞤭 𞤲𞤮 𞤥𞤢𞤪𞤼𞤭𞤲𞤢(𞤱𞤮𞤯𞥆𞤭𞤲𞤢) 𞤸𞤭𞤪𞤶𞤢𞤲𞤣𞤫 𞤫 𞤬𞤫𞥅 𞤶𞤢𞤲𞤣𞤫 𞤨𞤵𞤤𞤢𞤪⹁ 𞤸𞤭𞤲𞤮 𞤱𞤢𞤪𞤢 𞤩𞤫𞤪𞤯𞤫 𞤶𞤢𞤲𞥆𞤢𞤴𞤩𞤫 𞤩𞤫𞤲⁏ 𞤧𞤢𞤦𞤵 𞤲𞤮𞤲 𞤧𞤭 𞤢 𞤲𞤢𞤲𞤭𞥅 𞤶𞤢𞤲𞤣𞤫 𞤼𞤮𞥅𞤱𞤭𞥅 𞤣𞤢𞤪𞤢𞤶𞤢 𞤫 𞤥𞤢𞤪𞤼𞤢𞤦𞤢 𞤲’𞤣𞤫𞤪 𞤪𞤫𞤲𞤣𞤮⹁ 𞤢𞤲𞤣𞤵 𞤲’𞤺𞤮𞤲 𞤪𞤫𞤲𞤣𞤮 𞤥𞤮𞤩𞤼𞤭 𞤺𞤫𞤯𞤫 𞤯𞤭𞤯𞤭⹁ 𞤶𞤢𞤲𞥆𞤮𞥅𞤩𞤫 𞤥𞤵𞤲𞤻𞤭𞥅𞤩𞤫 𞤫 𞤶𞤢𞤲𞤺𞤢𞤴𞤩𞤫 𞤱𞤢𞤳𞥆𞤭𞤤𞤭𞥅𞤩𞤫 𞤼𞤭𞤯𞤲𞤭𞥅 𞤧𞤮𞥅𞤦𞤭𞤲𞤭𞥅 𞤣𞤮𞤱 𞤺𞤮𞥅𞤲𞤺𞤢.

𞤔𞤢𞤲𞤣𞤫 𞤨𞤵𞤤𞤢𞤪 𞤳𞤢 𞤦𞤭𞤲𞤣𞤮𞤤 𞤨𞤵𞤤𞤢𞤤.


𞤖𞤌𞤂 𞤉 𞤘𞤉𞤍𞤉 𞤏𞤀𞤂𞥆𞤌𞥅𞤔𞤉 𞤔𞤀𞤐𞤁𞤉 𞤆𞤓𞤂𞤀𞤂 ؟

𞤘𞤫𞤯𞤫 𞤱𞤢𞤤𞥆𞤢𞤴𞤯𞤫 𞤨𞤵𞤤𞤢𞤪 𞤲𞤮 𞤸𞤫𞥅𞤱𞤭⹁ 𞤧𞤢𞤦𞤵 𞤱𞤮𞤼𞤢 𞤳𞤵𞤯𞤮𞤤 𞤲’𞤺𞤮𞤤 𞤶𞤵𞥅𞤼⹁ 𞤴𞤮𞤲𞤣𞤭𞤲𞤮𞤪𞤫𞤲 𞤺𞤫𞤯𞤫𞤤 𞤺𞤮𞥅𞤼𞤫𞤤 .

𞤁𞤫𞤬𞤼𞤫 𞤨𞤵𞤤𞤢𞤪 𞤴𞤫𞤱𞤼𞤵𞤯𞤫 𞤬𞤭𞥅 𞤧𞤫𞤤𞥆𞤵𞤳𞤢 𞤧𞤭 𞤯𞤵𞥅𞤯𞤭𞥅 𞤶𞤢𞥄𞤤𞤭𞤳𞤫 𞤸𞤢𞤳𞥆𞤵𞤲𞤣𞤫 𞤴𞤭𞤥𞤩𞤫 𞤪𞤫𞤲𞤣𞤮 𞤲’𞤺𞤮𞤲⹁ 𞤱𞤮𞤲𞤣𞤵𞤣𞤫 𞤫 𞤲𞤫𞤱𞤢𞥄𞤪𞤫 𞤣𞤢𞤻𞤵𞤺𞤮𞤤 𞤯𞤫⹁ 𞤫 𞤶𞤢𞤲𞤣𞤫 𞤸𞤫𞤦𞤤𞤮 𞤸𞤫𞤦𞤤𞤮𞥅𞤩𞤫( formation des formateurs) 𞤸𞤢𞤪𞤢 𞤳𞤮’𞤫 𞤲𞤦𞤢𞥄𞤣𞤭 𞤸𞤢𞤳𞤼𞤭𞤧𞤵⹁ 𞤳𞤮 𞤬𞤢𞤥𞤯𞤭 𞤱𞤮𞥅 𞤩𞤫 𞤲𞤮𞤺𞤢𞤴𞤮. 𞤅𞤭 𞤯𞤵𞤲 𞤱𞤢𞤯𞤭𞥅⹁ 𞤩𞤫𞥅 𞤯𞤮𞥅 𞤱𞤢𞥄𞤱𞤢𞤴 𞤩𞤢𞤥𞤼𞤵𞤣𞤫 𞤱𞤢𞤤𞥆𞤢 𞤼𞤮 𞤦𞤢𞤲𞤽𞤫 𞤢𞤤𞤬𞤢𞤦𞤫𞤼𞤭𞤧𞤢𞤧𞤭𞤮𞤲⹁ 𞤴𞤫𞤪𞤵 𞤣𞤵𞥅𞤩𞤭 𞤧𞤫𞥅𞤯𞤢𞥄𞤶𞤭 𞤸𞤢𞤪𞤢𞤴 𞤱𞤭𞤲𞤣𞤮𞥅𞤩𞤫 𞤶𞤢𞤲𞤺𞤢 𞤫 𞤦𞤭𞤲𞤣𞤮𞤤 𞤨𞤵𞤤𞤢𞤤 𞤱𞤮𞤲𞤢𞥄 𞤸𞤢𞤲𞤣𞤫 𞤳𞤢𞤣𞤭 𞤫 𞤭𞤲𞤣𞤫

𞤘𞤭𞤯𞤮 𞤥𞤮𞤲 𞤤𞤭𞤺𞥆𞤢𞤲𞤼𞤮𞥅𞤯𞤮 𞤲𞤣𞤭𞤥𞤢𞥄𞤳𞤵 𞤥𞤮𞤲.

𞤉 𞤳𞤵𞤯𞤮𞤤: 𞤢𞤦𞤣𞤵𞤪𞤢𞤸𞤥𞤢𞥄𞤲 𞤥𞤮 𞤣𞤢𞥄𞤱𞤵𞥅𞤣𞤢 𞤶𞤢𞤤𞥆𞤮

𞤔𞤀𞤐𞤘𞤓𞤁𞤉 𞤍𞤉𞤐𞤘𞤀𞤂 𞤔𞤀𞤐𞤀𞤐𞤀𞤂⹁ 𞤉 𞤘𞤓𞤐𞤁𞤌𞥅𞤔𞤋 ðž¤ƒðž¤“𞤐!



𞤒𞤭𞤯𞤩𞤫 𞤢𞤲 𞤧𞤢𞤽𞤭𞥅𞤩𞤫 𞤼𞤫𞤣𞤵𞥅𞤩𞤫⹁ 𞤼𞤫𞤣𞥆𞤭𞤪𞤭 𞤨𞤵𞤤𞤢𞥄𞤳𞤵 𞤫 𞤣𞤭𞥅𞤲𞤢 𞤥𞤵’𞤵𞤲⹁ 𞤬𞤢𞤪𞤲𞤮𞤪𞤩𞤫 𞤢𞥄𞤣𞤢 𞤫 𞤲𞤣𞤭𞤥𞤢𞥄𞤳𞤵⹁ 𞤥𞤢𞤲𞤼𞤮𞤪𞤭 𞤭𞤱𞤣𞤭 𞤥𞤵’𞤵𞤲. 𞤃𞤭𞤯𞤮 𞤧𞤢𞤲𞥆𞤢 𞤮𞤲 𞤱𞤫𞤤𞤼𞤢𞤲𞤮𞥅 𞤫𞤳𞤮 𞤲𞤶𞤵𞥅𞤪𞤮𞤼𞤮𞤯𞤮𞤲 𞤤𞤮𞤱𞤪𞤫 𞤢𞤥𞤫𞤲 𞤱𞤫𞤪𞤣𞤫 𞤨𞤵𞤤𞤢𞤪⹁ 𞤳𞤮 𞤥𞤭 𞤱𞤭’𞤢𞤲𞤯𞤮 𞤮𞤲 𞤴𞤮 𞤶𞤢𞤥 𞤫 𞤳𞤭𞤧𞤢𞤤 𞤣𞤵𞥅𞤥𞤮 𞤫 𞤥𞤮𞤲.

𞤐𞤮 𞤺𞤢𞤧𞤢 𞤸𞤢𞤪𞤢⹁ 𞤢𞤯𞤢 𞤴𞤭𞤯𞤭 𞤱𞤮𞤱𞤤𞤵𞤣𞤫 𞤥𞤢𞥄 𞤶𞤢𞤲𞤺𞤵𞤣𞤫 𞤯𞤫𞤲𞤺𞤢𞤤 𞤶𞤢𞤲𞤢𞤲𞤢𞤤 𞤲𞤮 𞤤𞤢𞥄𞤩𞤭𞤪𞤭 𞤱𞤫𞥅𞤩𞤭𞤪𞤭⹁ 𞤳𞤮𞤲𞤮⹁ 𞤢𞤯𞤢 𞤱𞤭’𞤢 𞤯𞤵𞤲 𞤱𞤮𞤲𞤢𞥄 𞤸𞤵𞥅𞤲𞤣𞤫 𞤸𞤮𞤴𞤲𞤣𞤫 ! 𞤑𞤮 𞤨𞤫𞤤𞥆𞤫𞤼 𞤸𞤭𞤯𞤢 𞤯𞤢𞤩𞥆𞤵𞤣𞤫 𞤨𞤫𞤸𞤫 𞤬𞤭𞥅 𞤴𞤮 𞤲’𞤺𞤢𞤤 𞤩𞤵𞤪𞤼𞤢𞤲𞤫 𞤱𞤫𞥅𞤩𞤵𞤣𞤫 ! 𞤔𞤢𞤲𞤺𞤫𞤼𞤫𞥅𞤲𞤺𞤢𞤤 𞤲’𞤺𞤢𞤤 𞤫 𞤥𞤵𞤴𞤲𞤢𞥄𞤲𞤺𞤢𞤤 𞤲’𞤺𞤢𞤤.

𞤖𞤢𞤲𞤣𞤫⹁ 𞤥𞤭𞤯𞤮 𞤱𞤫𞥅𞤩𞤭𞤼𞤢𞤲𞤢 𞤫𞤲 𞤯𞤮’𞤮⹁ 𞤧𞤫𞥅𞤯𞤢 𞤫 𞤷𞤢𞤯𞤫𞥅𞤤𞤫 𞤫 𞤨𞤫𞤸𞤫 𞤲’𞤶𞤮𞤳𞥆𞤭𞤯𞤫 𞤲’𞤺𞤢𞤥 𞤲𞤮 𞤩𞤫𞤴𞤣𞤮𞤪𞤫𞤲 𞤫 𞤱𞤮𞤱𞤤𞤢𞥄𞤲𞤺𞤮.

• 𞥑 𞤑𞤌 𞤖𞤀𞥄𞤐𞤓 𞤍𞤉𞤐 𞤀𞤐𞤁𞤓𞤁𞤉 (𞤘𞤉𞤂𞤀𞥄𞤁𞤉):

• 𞤐𞤣𞤫 𞤸𞤭𞤯𞤢 𞤶𞤢𞤲𞤺𞤢 𞤯𞤫𞤲𞤺𞤢𞤤⹁ 𞤳𞤮 𞤩𞤵𞤪𞤭 𞤧𞤢𞤼𞥆𞤵𞤣𞤫 𞤳𞤮𞤲⹁ 𞤳𞤮 𞤧𞤮’𞤵𞤺𞤮𞤤 𞤣𞤫𞥅𞤰𞤫𞤪𞤫 𞤲𞤣𞤫 𞤸𞤭𞤯𞤢 𞤱𞤮𞤱𞤤𞤢. 𞤖𞤵𞤩𞤭𞤲’𞤣𞤢𞤺𞤮𞤤 𞤯𞤫𞤲𞤺𞤢𞤤 𞤫 𞤲𞤦𞤢𞥄𞤣𞤭 𞤱𞤮𞤱𞤤𞤢𞥄𞤲𞤺𞤮⹁ 𞤳𞤮 𞤢𞤲𞤣𞤢𞤤 𞤩𞤭𞤪𞤺𞤢𞤤 𞤧𞤢𞤼𞥆𞤵𞤣𞤫⹁ 𞤼𞤫𞤲𞤼𞤭𞤲𞤭𞥅 𞤬𞤫𞤱𞤲’𞤣𞤮 𞤳𞤢 𞤱𞤮𞤲𞤯𞤢𞥄 𞤫 𞤶𞤢𞤲𞤺𞤵𞤣𞤫 𞤯𞤫𞤲𞤺𞤢𞤤 𞤲’𞤺𞤢𞤤.
𞤍𞤵𞤲 𞤰𞤫𞤼𞥆𞤢𞤲𞤢𞤴 𞤱𞤢𞥄𞤱𞤵𞤺𞤮𞤤 𞤯𞤫𞤲𞤺𞤢𞤤 𞤲’𞤺𞤢𞤤 𞤲’𞤦𞤢𞤱𞤣𞤭 𞤤𞤢𞥄𞤩𞤵𞤲𞤣𞤭 𞤪𞤫𞤺𞤭𞥅𞤲𞤣𞤭 𞤸𞤢𞤨𞥆𞤵(𞤧𞤢𞥄’𞤭) 𞤥𞤢𞤱𞤲𞤺𞤭 ! 𞤑𞤮
𞤩𞤵𞤪𞤭 𞤫 𞤸𞤫𞥅𞤱𞤣𞤫 𞤳𞤮𞤲⹁ 𞤲𞤮 𞤧𞤢𞤦𞤭𞤲𞤦𞤭𞤲𞤢 𞤼𞤭𞤳𞥆𞤫𞤪𞤫 𞤫 𞤧𞤢𞤺𞥆𞤫𞤪𞤫. (Blocage).

• 𞥑 𞤕𞤀𞤍𞤉𞥅𞤂𞤉 𞤔𞤀𞤐𞤘𞤓𞤘𞤌𞤂 𞤍𞤉𞤐𞤘𞤀𞤂 𞤔𞤀𞤐𞤀𞤐𞤀𞤂⹁ 𞤉 𞤅𞤉𞤍𞤀 𞤉 𞤆𞤉𞤖𞤉 𞤐𞤔𞤌𞤑𞥆𞤋𞥅𞤍𞤉.

𞤉𞤲 𞤬𞤮𞤬 𞤫𞤲 (𞤳)𞤸𞤢𞤱𞤪𞤭𞥅 𞤫 𞤯𞤫𞤲 𞤷𞤢𞤯𞤫𞥅𞤤𞤫⹁ 𞤳𞤢 𞤬𞤵𞤯𞥆𞤮𞤪𞤣𞤫 𞤶𞤢𞤲𞤺𞤵𞤲’𞤺𞤮𞤤 𞤯𞤫𞤲𞤺𞤢𞤤⹁ 𞤳𞤢𞤤𞤢-𞤱𞤮𞥅 𞤲𞤮𞤲⹁ 𞤲𞤮 𞤲’𞤺𞤢𞤤 𞤧𞤭𞤬𞤮𞤪𞤭 𞤫 𞤲𞤦𞤢𞥄𞤣𞤭. 𞤉𞤳𞤢𞤣𞤭⹁ 𞤳𞤮𞤲𞤮 𞤯𞤫𞤲𞤺𞤢𞤤 𞤲’𞤺𞤢𞤤 𞤩𞤭𞤪𞤥𞤢𞥄 𞤱𞤮𞤯𞤭𞥅𞤪𞤣𞤫-𞤱𞤮𞥅! 𞤲’𞤺𞤢𞤤 𞤧𞤢𞤼𞥆𞤭𞤪𞤢𞤲 𞤥𞤢𞥄⹁ 𞤥𞤢𞥄𞤲𞤢 𞤧𞤭𞤳𞤮 𞤥𞤵𞤴𞤲𞤢𞥄𞤲𞤺𞤢𞤤 𞤸𞤢𞤪𞤢𞤴 𞤲𞤦𞤫𞤤𞤢𞤲 𞤯𞤢𞤲⹁ 𞤲𞤮 𞤧𞤫𞥅𞤪𞤼𞤭 𞤫 𞤲’𞤺𞤢𞤤 𞤥𞤵𞤴𞤲𞤢𞥄𞤳𞤢 𞤲’𞤺𞤢𞤤.

𞤃𞤭𞤲 𞤫 𞤸𞤮𞥅𞤪𞤫 𞤢𞤥⹁ 𞤣𞤵𞥅𞤩𞤭 𞤸𞤫𞥅𞤱𞤯𞤭 𞤸𞤢𞤪𞤭 𞤥𞤭 𞤥𞤭𞥅𞤶𞤮𞤼𞤮𞤲𞤮 𞤳𞤮 𞤩𞤮𞥅𞤴𞤭⹁ 𞤳𞤮 𞤢𞤣𞤭𞥅 𞤥𞤭 𞤱𞤮𞤱𞤤𞤵𞤣𞤫 𞤫 𞤯𞤫𞤲𞤺𞤢𞤤 𞤶𞤢𞤲𞤢𞤲𞤢𞤤 𞤖𞤢𞤪𞤢 𞤥𞤭𞤯𞤮 𞤴𞤭𞤯𞤭  » 𞤥𞤮𞤰𞥆𞤭𞤲𞤣𞤫  » 𞤧𞤢𞤺𞤢𞤪𞤢𞤱𞤮𞤤 𞤬𞤫𞥅𞤱𞤵𞤲𞤺𞤮𞤤 ! 𞤑𞤮 𞤱𞤢 𞤲𞤮𞤲⹁ 𞤲𞤮 𞤧𞤢𞥄’𞤭 𞤮𞤲 𞤱𞤮𞤲𞤭 𞤫 𞤴𞤭𞥅𞤤𞤮𞤪𞤣𞤫 𞤲𞤮𞤲⹁ 𞤱𞤮𞤲𞤣𞤵𞤣𞤫 𞤴𞤭𞤯𞤵𞤺𞤮𞤤 𞤤𞤢𞤲 𞤴𞤫𞤱𞤼𞤭𞤣𞤫𞥅𞤣𞤫⹁ 𞤥𞤭 𞤧𞤢𞤳𞥆𞤭𞤼𞤮𞤪 𞤶𞤢𞤩𞤵𞤺𞤮𞤤 𞤱𞤮𞤲𞤣𞤫𞤥𞤢 𞤫 𞤯𞤫𞤲𞤺𞤢𞤤 𞤶𞤢𞤲𞤢𞤲𞤢𞤤⹁ 𞤲𞤢𞤬𞤢 𞤱𞤮𞤱𞤤𞤵𞤺𞤮𞤤 𞤲’𞤺𞤢𞤤 𞤱𞤮𞤲𞤢𞥄 𞤬𞤱𞤲𞤵𞤺𞤮𞤤 𞤧𞤢𞤺𞤢𞤪𞤢𞥄𞤶𞤭⁏ 𞤳𞤮𞤲𞤮⹁ 𞤬𞤢𞤸𞤥𞤮𞤲𞤣𞤭𞤪𞤢𞤤⹁ 𞤳𞤮 𞤯𞤵𞤲 𞤱𞤮𞤲𞤭 𞤱𞤮𞤱𞤤𞤵𞤺𞤮𞤤 𞤸𞤢𞤪𞤢 𞤲𞤮 𞤲𞤢𞤲𞤭𞥅 𞤫 𞤲𞤮 𞤬𞤢𞤸𞤥𞤭𞤲𞤭𞥅 𞤫 𞤧𞤫𞤲𞤣𞤮𞤣𞤫𞥅𞤣𞤫 𞤸𞤢𞤨𞥆𞤵𞥅𞤶𞤭 𞤱𞤫𞤤𞤯𞤭.

𞤔𞤀𞤐𞤘𞤋 𞤑𞤀𞤁𞤋: 𞤏𞤀 𞤙𞤀𞤂𞤐𞤁𞤉 𞤃𞤋 𞤊𞤌𞤚𞥆𞤋 𞤉 𞤄𞤋𞤐𞤁𞤌𞤂 𞤆𞤓𞤂𞤀𞤈(𞤀𞤁𞤂𞤀𞤃)

𞤃𞤭 𞤻𞤢𞥄𞤱𞤭𞤪𞤼𞤢𞥄 𞤺𞤮𞥅𞤼𞤮 𞤸𞤢𞥄𞤤𞤢 𞤨𞤮𞥅𞤥𞤢𞥄 𞤬𞤭𞥅 𞤸𞤭𞤥𞤮 𞤫𞤤𞥆𞤭𞤲𞤭⹁ 𞤲𞤣𞤫𞤪 𞤱𞤮𞤱𞤤𞤵𞤺𞤮𞤤 𞤥𞤮 𞤨𞤵𞤤𞤢𞤪⹁ 𞤥𞤭 𞤱𞤭’𞤢𞤴 𞤼𞤵𞤲⹁ 𞤳𞤮 𞤭𞤼𞥆𞤵 𞤫 𞤱𞤢𞤼𞥆𞤵 𞤸𞤢𞤳𞥆𞤵𞤲’𞤣𞤫 𞤢𞤲 𞤫 𞤥𞤮 𞤱𞤮𞤲𞤵 𞤥𞤭 𞤫 𞤴𞤫𞤱𞤼𞤵𞤣𞤫 𞤮𞤲⹁ 𞤧𞤢𞤦𞤵⹁ 𞤳𞤢𞤲𞤳𞤮 𞤳𞤢𞤣𞤭⹁ 𞤲𞤮 𞤺𞤢𞤧𞤢 𞤸𞤢𞤪𞤢 𞤮 𞤧𞤫𞤤𞤣𞤢𞤲- 𞤼𞤵𞤲 𞤫 𞤫𞤤𞥆𞤢𞥄𞤶𞤭 𞤯𞤭 𞤥𞤭 𞤱𞤮𞤲𞤭 𞤫 𞤬𞤢𞤺𞥆𞤭𞤼𞤢𞥄𞤣𞤫 𞤯𞤭𞤲 𞤳𞤢 𞤯𞤫𞤲𞤺𞤢𞤤 𞤥𞤢𞤳𞥆𞤮.

𞤑𞤮 𞤩𞤵𞤪𞤭 𞤫 𞤸𞤫𞥅𞤱𞤣𞤫 𞤳𞤮𞤲⹁ 𞤫𞤤𞥆𞤢 𞤮𞤲 𞤳𞤮 𞤽𞤢𞤳𞥆𞤫𞤪𞤫 𞤸𞤮𞥅𞤤𞤢𞥄𞤪𞤫 𞤸𞤮𞥅𞤪𞤫 𞤥𞤵𞤲.

𞤅𞤫𞤪𞤢 𞤲’𞤣𞤫𞥅 𞤲’𞤶𞤵𞤦𞥆𞤢𞤲𞤣𞤫 𞤲𞤺𞤢𞥄𞤲𞤣𞤭𞤴𞤢𞤲𞤳𞤮𞥅𞤪𞤫(aspect psychologique)⹁ 𞤲𞤮 𞤸𞤫𞤲 𞤳𞤢𞤣𞤭⹁ 𞤨𞤭𞥅𞤶𞤭 𞤸𞤫𞥅𞤱𞤯𞤭 𞤯𞤭 𞤲𞤦𞤢𞥄𞤱𞤯𞤫𞤲 𞤱𞤢𞤯𞤵𞤣𞤫 𞤬𞤭𞥅 𞤲𞤮 𞤩𞤫𞤴𞤣𞤮𞤪𞤫𞤲 𞤫 𞤱𞤮𞤱𞤤𞤢𞥄𞤲𞤺𞤮 !
𞤖𞤵𞥅𞤲𞤣𞤫 𞤱𞤮𞤲𞤢𞥄 𞤳𞤭𞤧𞤢𞤲𞤪𞤫 𞤲𞤢𞥄 𞤲𞤦𞤭𞤤𞤫𞤱 𞤳𞤢𞤣𞤭⹁ 𞤧𞤮 𞤼𞤢𞤱𞤭𞥅! 𞤫𞤯𞤫𞤲 𞤲𞤶𞤭𞤯𞤭 𞤱𞤢𞥄𞤱𞤵𞤣𞤫 𞤯𞤫𞤲𞤺𞤢𞤤 𞤶𞤢𞤲𞤢𞤲𞤢𞤤⁏ 𞤳𞤮𞤲𞤮 𞤲𞤮𞤲 𞤳𞤢𞤣𞤭⹁ 𞤸𞤵𞥅𞤲𞤣𞤫 𞤱𞤮𞤲𞤢𞥄 𞤢𞤧𞤺𞤢𞤧𞤢𞤴𞤲𞤣𞤫.

𞤒𞤫𞤪𞤵 𞤢𞤲𞤣𞤵𞤲 𞤢𞤲 𞤼𞤮𞤳𞤮𞤧𞤵𞤲 𞤨𞤢𞤥𞤢𞤪𞤵𞤲, (𞤬𞤢𞤥𞤯𞤵𞤳𞤵𞤲) 𞤱𞤮𞤲𞤭 𞤳𞤮 𞤥𞤭 𞤴𞤭𞤯𞤵𞤲𞤮𞥅 𞤧𞤫𞤲𞤣𞤮- 𞤣𞤵𞤺𞤮𞤤 𞤫 𞤥𞤮𞤲, 𞤫 𞤲’𞤣𞤫𞥅 𞤱𞤭𞤲𞤣𞤢𞤲𞤣𞤫 𞤯𞤮𞤮⹁𞤯𞤫𞤲 𞤸𞤢𞥄𞤯𞤼𞤢 𞤯𞤮𞥅 𞤳𞤮 𞤥𞤭 𞤺𞤢𞤲𞤼𞤭𞤲𞤢𞤲𞤭𞥅𞤯𞤮 𞤮𞤲 𞤫 𞤳𞤢𞤤𞤢 𞤨𞤢𞤤𞤶𞤮𞤤 𞤱𞤢𞥄𞤱𞤵𞤲𞤺𞤮𞤤 𞤶𞤮𞤤𞤣𞤫 𞤫 𞤱𞤭𞤲𞤣𞤢𞤲𞤣𞤫 𞤲’𞤣𞤫𞤲 ⹁ 𞤫 𞤽𞤢𞤳𞥆𞤫𞤪𞤫 𞤩𞤫𞤲𞤣𞤫𞤪𞤫 𞤳𞤮 𞤲𞤣𞤫 𞤱𞤮𞤲𞤣𞤭⹁ 𞤫 𞤼𞤮𞥅𞤱𞤣𞤫 𞤬𞤢𞤸𞤥𞤵 𞤳𞤮 𞤲𞤣𞤫 𞤥𞤮𞤩𞤼𞤭.


𞤑𞤓𞤍𞤌𞤂 : 𞤀𞤄𞤁𞤓𞤈𞤀𞤖𞤃𞤀𞥄𞤐 𞤥𞤮 𞤁𞤢𞥄𞤱𞤵𞥅𞤣𞤢 𞤶𞤢𞤤𞥆𞤮.

𞤑𞤌 𞤖𞤌𞤐𞤑𞤀 𞤉 𞤁𞤋𞥅𞤐𞤀𞥄𞤔𞤋 𞤍𞤋𞤐⹁ 𞤍𞤌𞤏𞤌𞤈𞤘𞤓 𞤘𞤋𞤐𞤉 ðž¤”𞤀𞤐𞤘𞤋.؟



𞤃𞤵𞤧𞤭𞤯𞤩𞤫 𞤼𞤫𞤣𞥆𞤵𞤩𞤫⹁ 𞤲𞤶𞤵𞥅𞤪𞤮𞤼𞤮𞥅𞤩𞤫 𞤫 𞤼𞤢𞤪𞤮𞥅𞤩𞤫 𞤱𞤫𞤪𞤣𞤫 𞤨𞤵𞤤𞤢𞤪⹁ 𞤮𞤲 𞤷𞤢𞤤𞤥𞤭𞤲𞤢𞥄𞤥𞤢 𞤬𞤮𞤼𞤢⹁ 𞤬𞤢𞤸𞤭𞤲⹁ 𞤥𞤫𞤯𞤫𞤲 𞤴𞤭𞤯𞤭 𞤧𞤫𞤲𞤣𞤮𞤣𞤢𞤺𞤮𞤤 𞤫 𞤥𞤮𞤲 𞤴𞤮𞤺𞤢 𞤫 𞤥𞤭𞥅𞤶𞤮𞤶𞤭 𞤢𞤥𞤫𞤲.

𞤖𞤢𞤲𞤣𞤫 𞤫 𞤳𞤭𞥅 𞤴𞤢𞥄𞤧𞤭 𞤱𞤵𞥅𞤪𞤢𞥄𞤳𞤭⹁ 𞤶𞤭𞤩𞤢𞥄𞤳𞤢 𞤧𞤮 𞤼𞤢𞤱𞤭𞥅 𞤣𞤭𞥅𞤲𞤢 𞤭𞤧𞤤𞤢𞥄𞤥𞤵 𞤳𞤢𞤲⹁ 𞤲𞤮 𞤶𞤫𞤴𞤢𞥄 𞤫𞤳𞤮 𞤱𞤵𞤪𞤲𞤭 𞤨𞤭𞤲𞤫 𞤪𞤫𞤲𞤣𞤮𞥅𞤶𞤭 𞤸𞤫𞥅𞤱𞤯𞤭. 𞤑𞤮 𞤱𞤢 𞤲𞤮𞤲 𞤳𞤢𞤣𞤭 𞤱𞤮𞤲𞤭𞤪𞤭⹁ 𞤥𞤢𞤶𞤢𞤲𞤢𞥄 𞤩𞤢𞤼𞥆𞤭𞥅𞤯𞤮 𞤲𞤢𞥄 𞤧𞤢𞤳𞥆𞤮 𞤱𞤮𞤯𞥆𞤭𞥅𞤯𞤮⹁ 𞤥𞤢𞥄 𞤷𞤵𞤳𞤢𞤤𞤫𞤤⹁ 𞤥𞤢𞥄 𞤥𞤢𞤱𞤯𞤮⹁ 𞤫 𞤳𞤢𞤤𞤢 𞤣𞤵𞤯𞤭𞥅𞤯𞤮 𞤶𞤮𞤥 𞤬𞤢𞤸𞤥𞤵⹁ 𞤶𞤮𞤥 𞤥𞤭𞥅𞤶𞤮 𞤤𞤵𞤺𞥆𞤵𞤲𞤺𞤮⹁ 𞤶𞤮𞤥 𞤸𞤢𞤹𞥆𞤭𞤤𞥆𞤫 𞤧𞤫𞥅𞤩𞤵𞤯𞤫⹁ 𞤧𞤮 𞤼𞤢𞤱𞤭𞥅 𞤣𞤭𞥅𞤲𞤢 𞤲𞤮 𞤸𞤢𞤯𞤢 𞤩𞤢𞤲𞤼𞤢𞤤⹁ 𞤱𞤢𞤤𞥆𞤢 𞤧𞤭 𞤳𞤢 𞤼𞤮𞤲𞤺𞤢 𞤶𞤢𞤲𞤣𞤫.

𞤍𞤮𞤱𞤮𞤪𞤺𞤵 𞤺𞤭𞤲𞤫⹁ 𞤫 𞤭𞤲𞤣𞤫 𞤶𞤢𞥄𞤺𞤮𞤪𞤺𞤢𞤤 𞤸𞤢𞤤𞤬𞤭𞤲𞤢𞥄𞤲𞤺𞤢𞤤 𞤶𞤢𞤲𞤣𞤫 𞤫 𞤲𞤫𞥅𞤣𞤭𞥅𞤶𞤭 𞤤𞤫𞤴𞤣𞤭 𞤲𞤣𞤭𞤲⹁ 𞤫 𞤭𞤲𞤣𞤫 𞤲’𞤺𞤢𞤤 𞤶𞤢𞥄𞤺𞤮𞤪𞤺𞤢𞤤⹁ 𞤩𞤫 𞤼𞤮𞤽𞤢𞤲𞤭𞥅 𞤪𞤫𞤱𞤩𞤫 𞤼𞤭𞤺𞥆𞤭𞥅𞤩𞤫 𞤩𞤫𞤲 𞤼𞤢𞤱𞤼𞤮𞤪𞤫𞥅𞤣𞤫 𞤬𞤮𞥅𞤤𞤮𞤼𞤭𞤪𞤮𞥅𞤶𞤭 𞤺𞤫𞤲𞤣𞤭𞤴𞤢𞤲𞤳𞤫𞥅𞤶𞤭 𞥒𞥐𞥑𞥘/ 𞥒𞥐𞥑𞥙⹁ 𞤣𞤮𞤱 𞤶𞤢𞤺𞥆𞤭𞤼𞤵𞤺𞤮𞤤 𞤧𞤢𞤪𞤯𞤭 (7) 𞤩𞤮⹁ 𞤤𞤫𞤴𞤣𞤭 𞤲’𞤣𞤭𞤲 ⹁ 𞤲𞤫𞤱𞤲𞤢𞤲𞤯𞤮 𞤳𞤢𞤤𞤢 𞤩𞤭𞥅 𞤥𞤢𞤴𞤪𞤭 𞤧𞤵𞤩𞤢𞤺𞤮𞤤 𞤲𞤦𞤫𞤤𞤢𞤲 𞤥𞤵𞤲 𞤣𞤭𞥅𞤲𞤢 𞤫 𞤩𞤮𞤪𞤲𞤢𞤼𞤫𞥅𞤪𞤭. 𞤖𞤭𞤩𞤫 𞤬𞤢𞤪𞤲𞤮𞤪𞤢 𞤯𞤵𞤲 𞤸𞤢𞤯𞤵𞤺𞤮𞤤 𞤲𞤺𞤵𞤴𞤳𞤢. 𞤃𞤮𞤲𞤫𞥅 𞤸𞤢𞥄 𞤫 𞤥𞤮𞤲𞤫𞥅!⹁ 𞤳𞤮 𞤩𞤵𞤪𞤭 𞤲𞤮𞤲 𞤥𞤵𞥅𞤧𞤵𞤣𞤫 𞤫 𞤲𞤣𞤫𞥅 𞤼𞤨𞥆𞤮𞤩𞥆𞤫𞤪𞤫⹁ 𞤳𞤮 𞤼𞤢𞤱𞤣𞤫 𞤺𞤭𞤲𞤫⹁ 𞤷𞤢𞤨𞥆𞤢𞤲𞤯𞤫 𞤲𞤶𞤫𞥅𞤲𞤢𞤴𞤮 𞤫 𞤲𞤶𞤮𞤱𞤮 (𞥙𞥕) 𞤬𞤮𞤱 𞤳𞤮 𞤫 𞤣𞤭𞥅𞤲𞤢 𞤭𞤧𞤤𞤢𞥄𞤥𞤵 𞤶𞤫𞤴𞤢𞥄⁏ 𞤸𞤵𞥅𞤲𞤣𞤫 𞤧𞤢𞤼𞥆𞤢𞤲𞤣𞤫 𞤳𞤢𞤤𞤢 𞤥𞤢𞤪𞤢𞤲𞤯𞤮 𞤣𞤭𞥅𞤲𞤢 𞤥𞤵𞤲 𞤧𞤵𞤲𞤮 𞤩𞤢𞤥𞤼𞤢𞥄𞤪𞤫.

𞤐𞤣𞤫𞥅 𞤶𞤢𞤺𞥆𞤭𞤼𞤢𞤲𞤣𞤫 𞤧𞤢𞤪𞤭𞤴𞤢 𞤥𞤢𞤱𞤯𞤮 𞤺𞤭𞤲𞤫 𞤮𞤲⹁ 𞤫 𞤱𞤭𞤪𞤼𞤫𞤪𞤫 𞤲𞤣𞤫 𞤤𞤢𞥄𞤥𞤵 𞤺𞤭𞤲𞤫 𞤲’𞤺𞤵𞤲 𞤬𞤢𞥄𞤤𞤢𞤲𞤢𞥄 𞤧𞤮𞤲𞥆𞤢𞥄𞤩𞤫 𞤤𞤫𞤴𞤣𞤭 𞤲𞤣𞤭𞤲⹁ 𞤲𞤮 𞤸𞤢𞥄𞤲𞤭𞤩𞤫 𞤱𞤮𞤲𞤢𞤲𞤣𞤫 𞤴𞤮𞤲𞥆𞤮𞤪𞤺𞤢𞤤 𞤲’𞤺𞤢𞤤 𞤸𞤭𞤩𞤫 𞤶𞤢𞤤𞤦𞤭𞤲𞤮𞤪𞤢 𞤢𞤪𞤮𞥅𞤶𞤭 𞤥𞤢𞤩𞥆𞤫⹁ 𞤴𞤮𞤲𞥆𞤮𞤪𞤺𞤢𞤤 𞤩𞤵𞤪𞤼𞤢𞤴𞤲𞤺𞤢𞤤 𞤸𞤭𞤪𞤶𞤭𞤲𞤣𞤫 𞤩𞤫 𞤬𞤢𞥄𞤣𞤫 𞤫 𞤯𞤢𞤩𞥆𞤫𞤪𞤫 𞤣𞤮𞤱. 𞤍𞤢𞤩𞥆𞤵𞤣𞤫 𞤧𞤫𞥅𞤣𞤫𞥅𞤶𞤭 𞤼𞤮𞥅𞤱𞤯𞤭⹁ 𞤱𞤢𞥄𞤱𞤢𞤴𞤯𞤭 𞤩𞤫 𞤲𞤫𞤱𞤲𞤢𞤲𞤣𞤫 𞤬𞤫𞤱𞤶𞤮𞤣𞤫𞥅𞤣𞤫⹁ 𞤳𞤢 𞤧𞤭𞤬𞤢 𞤯𞤫𞥅 𞤨𞤫𞤸𞤫 𞤰𞤫𞤼𞥆𞤫𞤼𞤫𞥅 𞤯𞤮𞤲⹁ 𞤸𞤢𞤪𞤢 𞤩𞤫 𞤶𞤢𞤩𞤢𞥄𞤤𞤭 𞤱𞤮𞤲𞤵𞤺𞤮𞤤 𞤥𞤢𞤤𞥆𞤢 𞤱𞤢𞤯𞤫𞥅𞤣𞤫 𞤢𞥄𞤤𞤢 𞤸𞤵𞤲⹁ 𞤳𞤵𞤲 𞤸𞤭𞤩𞤫(𞤱𞤮𞤪𞤩𞤫) 𞤴𞤭𞥅𞤤𞤢 𞤸𞤵𞥅𞤼𞤮𞤪𞤢 𞤲𞤣𞤫 𞤩𞤫 𞤱𞤫𞤤𞤢𞥄 𞤩𞤫 𞤴𞤭𞤯𞤭.
𞤑𞤓𞤍𞤌𞤂:

𞤘𞤋𞤍𞤀𞥄𞤍𞤌 𞤃𞤌𞤐⹁ 𞤀𞤄𞤁𞤓𞤈𞤀𞤖𞤃𞤀𞥄𞤐 𞤥𞤮 𞤣𞤢𞥄𞤱𞤵𞥅𞤣𞤢.

𞤑𞤮 𞤩𞤫𞥅 𞤥𞤫𞤲 𞤪𞤫𞤧𞤢𞤼𞤢 𞤳𞤮 𞤳𞤢𞤥𞤩𞤫 𞤥𞤫𞤲 𞤦𞤢𞤥𞤦𞤢𞤼𞤢.

Créer un nouveau site sur WordPress.com
Commencer